上帝, 遵守

沙文

應prussianz兄吩咐，將兩條終極真理重貼

終極真理#1
LAW OF THE JUNGLE

釋義：一切矛盾到最後都係用武力解决 -- 打嬴嘅話事
譬如，我係衰人，無論您點講我都係咁衰，最後冇辦法嘞，都係只能以武力限制我嘅行動。不論警察要拉我又好，上帝要審我、踢我入地獄又好，先決條件係：一定要打嬴我先致可以執行正義。上帝vs撒但，都係要打得嬴撒但才可以消减邪惡。所以，關鍵並唔係您有幾正義、正義定邪惡，而係您有幾好打。

如果上帝並不同意此理論，叫佢下次造一個打輸就話事嘅世界出來。

終極真理#2
MURPHY'S LAW -- 只要會錯就一定有錯

釋義：呢條就唔須要解釋咁多嘞，連上帝都會被露屎忽背叛。即係，只要您俾機會人有不同意見就一定會有不同意見，此等不同意見發展到無法解決就會走進終極真理#1嘅範圍。就算您話少數服從多數，而我見自己唔係多數，我都可以不同意少數服從多數；咁，最後您都係唯有用終極真理#1解決我。

如果上帝並不同意此理論，叫佢不但唔好造世界，連天使都唔好造，淨係佢一枝公就保證冇人有不同意見嘞。

所以，一切問題到最後都係强權壓倒一切，公理係陪襯嘅啫，只要您有強權，您話公理係咩都得！

沙文

余不敢妄言青出於藍，但由於上課時間所限，天命恩師講學係會省略一些細節，卻是事實。為弟子者就負責幫佢老人家略為補充。天命恩師話宇宙最終歸於大圓滿，但之前係要經過一番鬥爭嘛，即係好似現下我地享有的和平，其實係用戰爭換來。

想要和平呀？打仗啦

沙文

您識乜嘢？真善美第一步就係「真」啦 --真實地 揭露呢個物理世界赤裸裸的殘酷現實，是為第一境。
您係自修生，冇經天命恩師親傳面授，當然係比我領悟得少

冇講隻揪？您上課留心啲啦，掛住溝女！布殊同拉登隻揪係佢動議咖

沙文

綠衣捧硯催題卷，紅袖添香伴讀書
我一早話我在很多方面都係長於一心二用，一邊上堂一邊溝女，乃為「紅袖添香」，倍助博聞強記。

「使得成千的男孩不顧父母的反對，偷偷溜出家門，跟隨尼古拉而去…… 」
所謂上行下效，兒童10字軍瞞著堂前雙親投筆從戎，乃是繼承神童移鼠12歲離家出走返主日學的優良傳統 (Luk 2:42)

沙文

根據終極真理#1就係。
但根據終極真理#2，事情總係會有意外咖嘛

沙文

原帖由 M2 於 2008-2-21 23:20 發表
LAW OF THE JUNGLE
世界嘅事或者係咁，但天國就不受呢d條終極真理限制。因為天國係由俾人拉左去釘十字架，而唔係打嬴嘅既耶穌話事既。

MURPHY'S LAW
到左新天新地，一切都係美好嘅，呢條都冇用武之地喇。 ...

邊個決定天國由邊個話事呢？咪一樣要用強權做後盾backup。始終都走唔出呢條定律。

況且呢個模式以前都試過啦，一樣係搞出個大頭佛。上帝都係受此兩條終極真理影响咖。

在十兆年內，可以係冇一個天使長問：「點解一定要係你做上帝而唔係我？」
但在無限時間之中，就一定會有至少其中一個天使長有此疑問，將來亦會再有。

而上帝，亦只能用終極真理#1解决呢個問題。

所以，其實貴教嘅基本哲學原理係3個p: physical, practical, political。