沙文

鬼專登係要喺耶穌活動範圍畀佢趕而唔去長安洛陽揾人上身，慌死耶穌揾唔到鬼趕冇得表演，真係幾配合福傳事工，值得嘉獎。謝謝。

沙文

《聊齋》清朝故仔書嚟喎老細

沙文

talking about《聊齋》，我又諗起一件anecdote同大家分享下 。
有一次，我老婆又的咗我去同教友聚會，喺教友屋企gathering，我費事聽佢哋吹水， 於是悶悶哋四圍睇下，見到書架上有本《聊齋》。我有點好奇教徒點會對呢啲書有興趣呢? 相當可能未信之前買落嘅， 反正百無聊賴就拎出嚟揭下。
這時host見到就問我:
咦沙文兄乜原來你識中文㗎? 你都睇中文書㗎?
不敢不敢，唔敢話識，不過認得幾隻字咁啦。
如果你想借，就拎返屋企睇啦，我唔要㗎喇。
多謝啦，我初中嗰陣都睇過嘅，而家屋企都好似仲有keep。
原來你已經睇過。但係我睇完有一樣嘢唔明，唔知你知唔知呢?
係乜嘢事呢?
點解嗰啲狐仙 、女鬼 ，專係鍾意嗰啲壞鬼書生，唔知貪佢乜嘢好呢?
哦.......好簡單啫。因為《聊齋》根本係嗰啲壞鬼書生自己作㗎嘛。
旁邊嗰啲教徒聽到就一齊笑。
咁你哋而家應該明白，點解神個個都唔揀，專係要揀猶太佬做選民啦。
教徒笑得更加大聲。

所以做教徒真係幾喜樂嘅，咁都笑得一爛餐。好彩嘅係，事發時我老婆唔知係去咗廁所定邊度，冇聽到面黑。