沙文

Appetizer到咗，佢照例瞇埋眼禀神。禀完就擘大眼，望下我，忽然：「問你尐嘢吖？」

我一聽就知有嘢不妙，如果handle得唔好，恐防情人節變仇人節！唔通Susanna 畀我嘅情慾whatsapp穿咗煲？

我特登大力咬pretzel bread, 等cheese dip唧到成嘴，very messy, buy some time to抹嘴，趁機諗到應對：「頭先未出門口咪已經話咗妳今日好靚咯……啊！要講埋套衫？妳今晚呢件one shoulder cut out好sexy, burgundy又零啥elegant…」

佢掘我一眼「唔係講呢尐。我唔知你自己知唔知，每次我祈禱，你都唔會等我，自己食先，但係，你媽咪祈禱你就乖乖地坐定定，等佢祈完先一齊開始食。」

其實佢禀神都好識做，耷低頭最多係10秒，祈無聲禱。我阿媽就煩好多，起碼一分半, 重要節日可能3分鐘開口禱。我咁都唔肯等佢，講到我真係有點內咎。

「啊....係咩？」我想講的本來係「咁以後阿媽禀神我都唔等佢」但係您估我真係有個天做膽咩？

「咁我以後等妳祈埋禱先食嘢咯」

「你唔駛咁樣就我，我只不過想話畀你聽，你咁錫媽咪，肯等佢祈禱，咁respect佢，我好開心之嘛。」

即係話我唔respect佢啫，妳估我唔識聽咩？「係唔係特登就妳都好，我真係覺得應該等妳祈完禱先食嘢嘅，I insist.」佢淡淡一笑，甜在心頭。

各位，我係咪main course都未上枱就跪低咗呢？表面上好似係，我就係想佢覺得係。

尐女人咁唔識諗，我都冇辦法。我唔等佢禀神自己食先，同趁佢禀神嗰陣覆Susanna嘅情慾whatsapp. 邊様令妳高興尐呢？

沙文

鬼唔知處理得好就掂過碌蔗
我就係處理得唔好
以前都試過奶嘢
我啲豬朋狗友亦一致公認
我在這方面的multitasking能力比較差
唔知係咪唔夠ram定係其他原因

沙文

我嘅problem唔係physical方面，而係mental方面。

有時覺得耶穌未必錯得曬，一個人真係不能事奉兩個主。

以前在羅莎蓮同老婆之間都覺得吃力。（我再強調，唔係physical方面）

而家這個Susanna, 其實唔算婚外情，情的成份很少或甚至冇，玩下嘅啫

沙文

屌，我不如仔細研究點解Elon Musk身家199.7B, 我1B都唔夠。人人ability唔同啫。
just go ahead冇可能，佢continously或明或暗話咗唔得。
佢係一個咁嘅女人：
我上網買嘢，要夠$50免運費，我見就天冷，買對手套畀佢就夠數。
畀佢，佢瞪住我：無端端買嘢畀我，又做咗咩對我唔住嘅嘢？
可能我扮坦蕩蕩表情唔似，佢見我ee哦哦，就giggling：講笑咋，識得驚，算你啦。Thank you. and then啜一聲錫一啖。

邊有得郁呢？

沙文

梗係唔會話佢聽呢樣啦

沙文

唔駛返工咩而家？等過多幾年退休先有機會

沙文

達爾文尐嘢郁下都話唔知幾多億年，我都化L咗灰

沙文

今年，appertizer一擺低，佢又禀神。
吸取上次教訓，我就趁機覆短訊。不過唔係Susanna,係另一個女人。
但係我時間掌握得唔好，佢禀完岳高頭，我仲打緊字，畀佢見到我啱啱岳高頭。
隔咗分零鐘佢終於忍唔住“我頭先有冇睇錯？你好似同我一齊祈禱？”原來我個cell phone放在膝上，佢浄係見到我耷低頭，唔知我其實打緊字。
我唔想佢知道我覆SMS以免自己捉蟲，我決定認祈禱對我比較有利“我應承過要respect妳吖嘛。”

佢微微笑下，但我覺得佢好似有嘢想講。為咗唔想佢問，我搶先問佢。


“我記得以前阿仔細個，妳教佢人地講thank you. 你要答人you are welcome.”咁先有禮貌，但唔知點解，我多謝咗賜畀我嘅嘢食，又總聽唔見you’re welcome, my pleasure,happy to help之類答覆？

佢望我一陣，忽然用手指公頂住佢自己酥胸，張開五指，好似我哋小學生嗰時藐人，手指公放鼻哥，伸開五指作吹喇叭狀，只不過唔係放鼻哥而改為心口。

我唔明，“咩意思？”
“有一次，我哋教會去探 School for the Deaf, 佢地教我，呢個gesture就係you’re welcome.”你以為你識曬所有you’re welcome嘅expressions咩？會唔會係佢有答，但你自己見唔到呢？



這些年來，我愈來愈覺得我老婆已經摸清曬我嘅套路，愈來愈佔上風嘅係佢。可能我只有死守最後一道防綫“我係都唔信妳吹得我漲？”

沙文

今年由於晚生外遊, 情人節晚餐delayed。
咁情形，我當然要先confess自隊3杯以防萬一:
“我掉低你自己同Edward佢哋去潛水, 你唔會嬲我個可?”
“唔會, 你咪去玩下散下心囉, 有阿仔陪我吖嘛,雖然佢自己都要陪女朋友, 都抽到少少時間陪媽咪嘅。” 講就故作大方, 但係read between the lines都聽到有一陣酸味。

“點解我老豆唔係李嘉誠?如果我好似Victor或者Richard, 就可以隨時掉低一切帶你四圍去玩。”
為咗淡化我嘅自私, 祭出《少林足球》名句。而佢, 並冇好似一般教徒咁, 用”橫又係死掂又係死, 咁就最公平”來忽悠我, 佢嘅招式係連消除帶打嘅:

“其實你係有得揀嘅, 揀得啱, 你daddy可以勁過李嘉誠, 甚至Elon Musk好多倍。”

我即刻醒爬, get到佢咩意思, 為免墮入陷阱, 我即刻諗到點樣應對:
“其實我唔使識揀老豆, 我識揀老婆就得啦,你daddy咪即係我daddy。”

佢亦都知道今次入唔到我, 但係都識點到即止。其實都冇所謂啦, 聽見我話識揀老婆, 已經甜在心裏。

佢點估得到, 我一擰轉背就有咁多蠱惑嘢呢?

沙文

回覆 21# 抽刀斷水

我無非都係要證明這段記載係錯嘅:
你既聽從妻子的話，吃了我所吩咐你不可吃的那樹上的果子，地必為你的緣故受咒詛；你必終身勞苦才能從地裡得吃的。地必給你長出荊棘和蒺藜來；你也要吃田間的菜蔬。你必汗流滿面才得糊口，直到你歸了土

沙文

但係咁，我同時亦證明咗聖經係符合科學嘅。
聽講，科學可以被證偽個可？

沙文

咁細水長流，今日我提出某一小段符合科學，明日你發現另一小段又係咁，後日陳版友又有十幾廿段……群策群力眾志成城，就係咁解

沙文

你唔肯出一分力將聖經證偽咩？以你嘅體驗，聖經好啱咩？

沙文

証咗偽就證明聖經符合科學啫，但符合科學都未必係啱喎，聖經符合科學而裡面情節false.–咁得唔得？
like: 在1ata時水boiling point 係150C

都符合科學喎