beebeechan

按"信心沒有行為是死的"，你到底有冇信心？

jimmychauck 2025/7/24 13:42 提交

五個唯獨，你掉甩咗一個勒。
得番四唯獨。

係好事嚟。

幾時蕩子回頭，掉埋嗰四件？

jimmychauck

回覆 59# beebeechan

不過呢句對上的一節，又係咁教聖經教㗎，
「不要照愚昧人的愚妄話回答他，恐怕你與他一樣。」
你又自助式讀經喎
beebeechan 發表於 2025/7/24 16:48

首先，你冇野回啲主要嘅論點呢，係可以唔洗回嘅。
我係咪自助餐解經，聖經有冇謬誤，都唔影響你犯第九誡嘅事實。你係度回應我啲枝節，又唔肯面對自己信口雌黃張口就來毫無誠信嘅事實，係冇用㗎，我一開口就可以叫你收皮啦。

金蛇朗君破五行陣之法卻也不曉，"倘若破不了五行阵，何必再加个八卦阵？若是破了五行阵，八卦阵徒然自碍手脚"
jimmychauck 發表於 2023/8/7 03:06

第二，你呢個連"聖靈保守你不失腳"經文都唔肯面對，如珠如寶唔肯拎出黎解，又認為聖經有謬誤嘅天主教徒，有咩資格喺我面前講咩自助式讀經？你眼中嘅樑木都咪你嘅網羅。
第三，呢個係你神學及聖經嘅skill issue，方舟子問完，我早十幾年已經解過冇衝突啦。
https://www.jimmychau.com/oldsite/Christianity/point2branch2.htm

聖經在這裡只說出兩種回答愚昧人的方法，而且更加說明在什麼目的下要如何回答愚昧人。這世界千變萬化，要智慧地處事，總不成一成不變地只答或只不答吧。

你啲料落後我十幾廿年，你點追呀？

回覆 60# beebeechan
咪跟聖經用你嘅愚妄話回答你囉，我跟聖經你又唔滿意，係咪我唔跟你先滿意？死開唔好黐埋啲sola scriptura徒度吖唔該。

回覆 61# beebeechan

五個唯獨，你掉甩咗一個勒。
beebeechan 發表於 2025/7/24 17:02

我以前日日解"信心沒有行為是死的"㗎啦，呢個同sola fide係冇衝突㗎。
宜家係話"你講信心沒有行為是死的"吖嘛，又唔係講緊我點講，問緊你你唔答顧咩左右而言他？俾人懟到冇野講，都可以請你返鄉下收皮啦。

beebeechan

首先，你冇野回啲主要嘅論點呢，係可以唔洗回嘅。
我係咪自助餐解經，聖經有冇謬誤， ...
jimmychauck 發表於 2025/7/25 04:36

你非常接近 「我方超人化、敵方弱智化」

beebeechan

都唔影響你犯第九誡嘅事實。
jimmychauck 發表於 2025/7/25 04:36

你既視野都好窄下
唔知天主教既十誡編排同新教唔同。

天主教十誡既第9條係: 毋願他人妻/夫
B按: 沙文可能鍾意新教多啲, 因為十誡中無話對人老婆起痰係犯誡

沙文

十戒係天主用少林大力金剛指親手寫喺石板上，點解貴教可以自己edit重新編排嘅呢？

天主第一次寫的石板昇梅瑟發老脾打爛，又再寫過第塊。會唔會係天主第二次寫的時候唔記得上次寫過乜，所以兩塊石板內容有差異，造成貴教十戒有兩個versions?

beebeechan

十戒係天主用少林大力金剛指親手寫喺石板上，點解貴教可以自己edit重新編排嘅呢？

天主第一次寫的石板昇梅 ...
沙文 發表於 2025/7/25 05:26

十誡石版雖然有前後兩套, 梅瑟後來用文字記下的版本係梅瑟係山上天主大金剛指寫既版本嚟。

天主教同新教版本編排上有別, 係另有內情既事

沙文

天主對貴教兩派十戒都冇發表意見，佢係特好耐性還是闊佬懶理呢？
就算唔揸住個大聲公喺天庭嗌落黎（例如經上記著說，天上有聲音話乜乜物物……這種場口）咁喺本網當訪客咁發下噏風都得啫

jimmychauck

回覆 63# beebeechan

我冇令你弱智，係你自己表演弱智，呢樣我幫你唔到。
又繼續表演弱智冇野回啲主要嘅論點，你自己坐實弱智。

回覆 64# beebeechan

你既視野都好窄下
唔知天主教既十誡編排同新教唔同。
beebeechan 發表於 2025/7/25 04:57

又喺度顧左右而言他，重點從來都係你自己信口雌黃張口就來毫無誠信，乜原來冇十誡，你自己信口雌黃張口就來毫無誠信嘅行為，就係好值得世人尊敬嘉許嘅？
你犯下"不可作假見證陷害人"之誡，我理得你叫佢第八定第九？你認為聖經有誤，我又為何需要尊重你對十誡的分法？
謬誤：瑣碎真理-Trivially truth-正確卻對主題毫無助益的資訊。

咁連十誡都唔同，即係唔係同一個宗教啦，死得開未？弱智要表演自打嘴巴我幫你唔到。

天主教同新教版本編排上有別, 係另有內情既事
beebeechan 發表於 2025/7/25 06:37

內情：根本就係自己天主教太多拜聖像違反聖經嘅行為，先喺度文過飾非。不如直接啲講"聖經有誤""其實可作假見證陷害人"都仲誠實啲。

jimmychauck

回覆 67# 沙文

你遲唔遲左少少？耶穌兩千年前早道成肉身落左黎講啦。

「第一要緊的就是說：『以色列啊，你要聽，主我們神是獨一的主。 
你要盡心、盡性、盡意、盡力愛主你的神。』 
其次就是說：『要愛人如己。』再沒有比這兩條誡命更大的了。」 

耶穌講完你都話冇發表意見，可見你根本唔知基督教講乜。

係有啲弱智要喺啲第八流第九流嘅事上糾纏不清啫。

Jas 2:10~11 
因為凡遵守全律法的，只在一條上跌倒，他就是犯了眾條。 
原來那說「不可姦淫」的，也說「不可殺人」；你就是不姦淫，卻殺人，仍是成了犯律法的。 

沙文

明白明白，即係不如索性殺人著數啲

沙文

其實基督教都未必凈係將敵人弱智化。天主親筆簽名石板，若果流傳至今，我寫包單一定喺sothebys貴過丁佩姐姐張床，就算打爛咗，黐番都有7折，點解keep唔到呢？
又話猶太佬做生意好算死草茄？

jimmychauck

回覆 70# 沙文

"犯一條即係犯眾條"。通常呢，下一步就係明白"人不能自救"嘅，你可以推論去"殺人著數啲"，其實係顯示左你嘅價值判斷。

呢個價值判斷就係到底有冇來世有冇審判。

咁你要從自己嘅價值判斷出發去做自私理性嘅分析(我唔係鬧你，我都係從自己嘅價值判斷出發去做自私理性嘅分析㗎啫)，得出"殺人著數啲"呢個結論係無可厚非嘅，再醒啲，其實應該係"壞事做盡最緊要有jetso"。

基督徒講左你聽有來世有審判，講埋點樣應對呢個審判，你唔信，我嘅責任已完。

你既不信來世不信審判，你嘅價值判斷"即係不如索性殺人著數啲"，就根本唔係基督教嘅價值判斷，只係你自己嘅思路。將基督教同非基督教嘅價值隨便混合去發表，兩頭唔到岸，基督徒又唔係咁諗，世人又唔係咁諗，自然可以得出你咁匪夷所思嘅結論。

beebeechan

其實基督教都未必凈係將敵人弱智化。天主親筆簽名石板，若果流傳至今，我寫包單一定喺sothebys貴過丁佩姐姐 ...
沙文 發表於 2025/7/25 16:25

有時太有價值反而賣唔出, 好似耶穌條裹屍布....
仲要年花一大筆$$$嚟保養佢。

beebeechan

謬誤：瑣碎真理-Trivially truth-正確卻對主題毫無助益的資訊。
.
jimmychauck 發表於 2025/7/25 15:53

    將自己的錯瑣碎化, 撈逼刁。

beebeechan

你認為聖經有誤，我又為何需要尊重你對十誡的分法？
jimmychauck 發表於 2025/7/25 15:53

十誡的分法, 是未有新教前就是如今日天主教的一樣。
不尊重既有分法的是改革派的大佬卡爾文.....
特別抽出不可製造偶像，也不可敬拜偶像。為獨立一誡。
擺明係唔抵得當時天主教堂滿是藝術雕像, 畫像。
自己就乜都冇。 自己冇的葡萄是酸的。


正如當年吳某脫離浸信會自立平安XX堂, 又無牧師, 唯有在信仰綱要內特別強調「人人皆司祭」, 異調同曲。

beebeechan

內情：根本就係自己天主教太多拜聖像違反聖經嘅行為，
jimmychauck 發表於 2025/7/25 15:53

唯獨聖經關我叉事信徒, 點解又唔去唯讀一下在出谷紀天主吩咐梅瑟如何造約櫃,
櫃上還要有一對格魯賓像

天主唔係唔俾造聖像喎。

撒羅滿建造的聖殿, 在至聖所內, 本來也是安放一對格魯賓(仲係大大座既)
列王紀上6:23
內殿裏又用橄欖木作了兩個革魯賓，每個高十肘
革魯賓的一個翅膀長五肘，革魯賓的另一個翅膀也長五肘，從一個翅膀尖到另一個翅膀尖，共十肘。


有助敬拜上主的像, 從來都是允許的。



你唔好只唯讀合你心水的經句。

beebeechan

咁連十誡都唔同，即係唔係同一個宗教啦，死得開未？
jimmychauck 發表於 2025/7/25 15:53

你呢啲思維, 愈嚟愈向邪教異端方向囉。唔多健康架。
一副教會外的都是邪惡, 要建高牆檔住, 唔好黐埋嚟, 關我叉事。

咪以乜乜南美, 非洲邪教, 去山旯旮地方自己建條村, 與世隔絕。

jimmychauck

回覆 74# beebeechan

將自己的錯瑣碎化, 撈逼刁。
beebeechan 發表於 2025/7/25 21:54

首先，你冇野回啲主要嘅論點呢，係可以唔洗回嘅。
第二，係唔係十誡，係第幾誡，你信口雌黃張口就來毫無誠信嘅行為，亦從不值得世人尊敬嘉許。
第三，在《天主教教理》說：誡命的劃分和編排在歷史中各不相同。你又係咩新鮮蘿蔔皮，敢話你宜家分法一定啱？連天主教教理都話歷史中各不相同，你又憑話可以話我有錯誤？
第四，我教抽水基督教點睇"祝福"，只係講佢虛偽，都冇話唔俾話佢錯，你又話我霸道乜乜乜，你宜家又有咩資格要我跟天主教宜家嘅排序去睇？直是恬不知恥。
第五，將"錯"瑣碎化，都比完全無視自己信口雌黃張口就來毫無誠信，呢個犯誡嘅錯，強千百倍。而你天主教教理都話誡命的劃分和編排歷史中各不相同，根本就係瑣碎。
你乜野重要嘅都回不了，喺度癈噏啲唔入流嘅事做乜？

回覆 75# beebeechan

十誡的分法, 是未有新教前就是如今日天主教的一樣。
beebeechan 發表於 2025/7/25 21:54

天主教教理2066：誡命的劃分和編排在歷史中各不相同，即係今日天主教的分法亦非最早的分法，比你早嘅猶太教都唔係你嘅分法，我唔該你自己熟吓自己教理先再出聲。

唔抵得當時天主教堂滿是藝術雕像, 畫像

？
你天主教真係悲哀，想上天堂都只在今生有指望，比我可憐。日有所思夜有所夢，鬼拍後尾枕連自己覺得咩係吸引咩係重要都講埋出黎。教堂滿是藝術雕像畫像，其實只有你自己看重。
天主教既隨奧古斯丁的分法，奧古斯丁是最早期研究十誡的教父，他主要的注重點放在對上主的崇敬上，因此奧古斯丁把前面的經文視為同一誡，對他來說，「崇拜唯一的真神」這個誡命很自然的包含了「不可崇拜偶像」。
咁又點解要有聖像？
約櫃上有天使像，又點？
1. 高張翅膀，遮掩施恩座。基路伯要臉對臉，朝著施恩座。咪就係要你見唔到個面，冇形像囉，連個約櫃都要遮蓋埋添。
2. 有冇俾你拜個天使像？
3. 聖經度都有記載亞倫做左個好靚金牛像用黎拜，咁結果係點？
4. 人地天使像，蛇像，都係神直接開口叫人造出黎㗎，亦從冇一個像係人，你教堂聖像邊一個有神開過口講要做？聖經裡面每一個唔係神開口講要做嘅像，基本上都冇過好下場㗎。
5. 更大嘅問題係聖品人崇拜，上次呢個問題已問到你冇聲出啦，你做少咁多功課，我冇需要同你解釋。
6. "有助敬拜上主的像, 從來都是允許的。"？？？神是個靈，拜衪的要用心靈和誠實拜衪，你啲聖品人像無助敬拜上主，聖經裡面又冇，點解允許？

你唔好只唯讀合你心水的經句。
beebeechan 發表於 2025/7/25 21:55

喂，神是個靈，拜衪的要用心靈和誠實拜衪。聖靈為質(印記)。聖靈保守你不失腳呀。你唔好只唯讀合你心水的經句。
你劃下道兒，邊啲聖經係正確，邊啲有誤，先再同我引經啦，次次講到一半你又話呢度有誤果度唔啱，不如你講晒吖好冇？你一早講你天主教有大上無邊八方六合唯我獨尊終極解釋拳咪唔洗嘥人咁多口水。

正如當年吳某脫離浸信會自立平安XX堂, 又無牧師, 唯有在信仰綱要內特別強調「人人皆司祭」, 異調同曲。
beebeechan 發表於 2025/7/25 21:54

喺你講清楚到底聖經係話「人人皆司祭」定「人人皆大司祭」前，其實你講乜都係癈㗎。你次次一時一樣洗乜當你有理？你做少咁多功課，我冇需要同你解釋。人人皆祭司，就不嬲係弟兄會傳統，你就無需要睇呀吳生咁大以為咩都佢發明。

回覆 77# beebeechan

你呢啲思維, 愈嚟愈向邪教異端方向囉。唔多健康架。
beebeechan 發表於 2025/7/25 21:55

所以咪叫你張口就來囉。我不嬲話天主教係基督教嘅異端，我從來唔會越來越向你啲無定向教理㗎。
   

一副教會外的都是邪惡, 要建高牆檔住, 唔好黐埋嚟, 關我叉事。
咪以乜乜南美, 非洲邪教, 去山旯旮地方自己建條村, 與世隔絕。
beebeechan 發表於 2025/7/25 21:55

我日日有根有據指出你邊度唔啱，有咩唔同，只係指出你宗教關我宗教叉事要將你分辨出黎唔俾你和稀泥胡混講基督教啫。你受唔住係可以返自己鄉下㗎，聖堂啲人唔會咁齕你㗎。
不過我又唔知你點睇呀，抽水沙文等都可能得救，可能佢同你同一宗教囉，都唔知你教會有冇分內外，定自己都唔識分。

你睇野呢，就唔該你由頭開始睇，回覆呢，由上面覆起。次次淨係識挑最後一兩句出黎癈噏，就只不過顯示你迴避你回答唔到嘅問題啫。

beebeechan

回覆  beebeechan

首先，你冇野回啲主要嘅論點呢，係可以唔洗回嘅。

jimmychauck 發表於 2025/7/26 05:33

    依....呢帖你用到咁長篇嚟回..係咪我好有論點咁呢?

beebeechan

不過我又唔知你點睇呀，抽水沙文等都可能得救，可能佢同你同一宗教囉，都唔知你教會有冇分內外，定自己都唔識分。
jimmychauck 發表於 2025/7/26 05:33

天主教係叫公教, 係希望所有人都得救既。

你呢.....唔止係信耶穌就得救,
仲要係入你個教會先有得救咁囉。