beebeechan

回覆  beebeechan

咁長篇你都揾唔到位入，你都幾癈吓。

連分段都唔識，簡直冇閱讀理解之能，或者算係癈 ...
jimmychauck 發表於 2025/12/7 05:05

    睇番每一次有人指出你的流弊，你都係話人「冇邏輯」「冇知識」「盲」。。。十足成個亞當咁啵。
全個壇只有你最醒。

jimmychauck

回覆 61# beebeechan

好明顯係你自己理解錯誤，

"禮尚往來，你唔答我我亦冇需要用時間答你"，我只係指出前面quote果句"咁究竟你覺得聖經有無誤、上帝是否存在？有不可修改既結論未呢？你呢句迴避。"

你自己連分段都睇唔出，只係你閱讀理解有問題。你唔係冇邏輯冇知識盲係乜野？指出你兩帖自打嘴巴，你又當睇唔到，你唔係盲係乜？我指出你"閱讀理解有問題"、"自相矛盾自打嘴巴"呢啲流弊，你除左話人講野"長"、"癈"，你俾到其他乜野？簡直係笑死人。

你唔想我沾沾，你表現得醒過我咪得，吳X光你夠膽叫野雞，你夠沙卜咪叫埋我做野雞囉有咩所謂。

抽刀斷水

回覆 56# jimmychauck


    唔明問題就梗係答唔到，你話我咬文嚼字都係咁話。

就你既問題，希望你作出進一步釐清，以便能作出合適評論：

「求真」對你黎講係咩黎？

我知道你點解點都迴避「你覺得聖經有無誤、上帝是否存在？有不可修改既結論未呢？」呢條問題了。如果答呢啲係不可修改既結論，似乎呢啲信仰同你主張既「求真」背道而馳。如果答呢啲係可修改既結論，上帝存在、聖經無誤即時變成不確定，信仰根基被動搖。

我知你難做既，唔駛答我既問題喇，做人開心啲啦。

jimmychauck

回覆 63# 抽刀斷水

唔明問題就梗係答唔到，你話我咬文嚼字都係咁話。
抽刀斷水 發表於 2025/12/7 10:44

唔明呢，就唔一定係因為字義有歧嘅原因嘅，dior、BBC以前都係一樣次次我講到佢錯佢就唔明。

「求真」對你黎講係咩黎？
抽刀斷水 發表於 2025/12/7 10:44

"求真"對我黎講就係字面上嘅意思，你冇闡釋你對個詞嘅邊方面有咩唔確定我亦冇野補充。我以前問你請你定義一啲字詞，俾晒澄清嘅問題你，你亦幾乎次次都唔去澄清，所以我都冇義務喺冇內容嘅情況下俾啲咩新知你。如果你認為討論係每每都可以用定義家謬誤黎推托嘅咁你隨便。我就記得你好鍾意啞老師嘅，你咪問啞老師囉。答左問題先，闡述吓你自己價值觀邏輯等等，傾傾吓唔對路唔埋欄發現可能係定義有問題咪返轉頭睇返定義係咪有唔同，唔係一種討論方式咩？定還是係好似我所講，你從冇核心價值，所以冇野展示，亦唔想展示？

我知道你點解點都迴避「你覺得聖經有無誤、上帝是否存在？有不可修改既結論未呢？」呢條問題了。如果答呢啲係不可修改既結論，似乎呢啲信仰同你主張既「求真」背道而馳。如果答呢啲係可修改既結論，上帝存在、聖經無誤即時變成不確定，信仰根基被動搖。
抽刀斷水 發表於 2025/12/7 10:44

哦原來你認為結論如水可能導致上帝存在、聖經無誤變成不確定，吓呢兩條不嬲係信仰黎㗎啦，從來冇完全嘅證據證實㗎，你俾到足夠嘅資料我咪可以俾我否定呢兩個我嘅信仰囉，唔係傾黎做乜？你講咁多口水都冇資料俾我你係咪嘥心機？
上帝存在，你以前quote十度門嘅故事咪話證有易過證無囉，咁我等你證無啦。
聖經無誤，個"無誤"都有好多流派。我十幾年前問過你啦，"神的國不在乎吃喝，只在乎公義、和平並聖靈中的喜樂。"，阿邊位王嘅士兵到底有400定4000個點樣how, to what extend影響左救恩，你自己決定左唔答㗎嘛。
http://jimmychau.com/oldsite/Christianity/point2conclude.htm 我廿年前都總結左啦。
其實如果你同我講咁耐你都唔知我係認為上帝存在聖經無誤，我諗你唔係好能了解人心。如果你一早認為個問題係"導致的不確定性"，咪早啲講囉，講到咁轉接個討論咪低效囉。

喂咁你繼續託詞迴避唔去答我嘅問題唔係辦法㗎，會有人以為你唔識答㗎；呢個網好似有個叫李瘋，唔識答我果日就託詞話忙㗎啦。我就唔希望其他人都咁睇你啦。