沙文

古今中外流行一種命名法：將原有名詞稱加一個“新”字算L數。

例如新馬師曾、新冠狀病毒、新蒲崗、新民主黨、新義安, New Jersey, New York…

改名加一個新字，用在地名人名，雖然不理想，但都勉強ok. 點解不理想呢？因缺乏可持續性，只能新一次：唔通以後有好似New york嘅地方要改名，叫做New New York咩？無限次加個new字，地名會好煩，所以我們從未見過有兩個新字的地方名。但點解我話勉強ok?因為地名人名都係任您點改嘅啫，以後有似New York嘅地方，我死都唔叫佢做York, 冇人吹得我脹。以後有人唱新馬腔，但死都唔改個同新馬仔有關嘅名，你又係吹佢唔脹。

但係，有些會持續發展事物，若然求其加新字改名，以後就唔知點搞。例如，您不能控制以後有冇再新尐嘅新冠狀病毒出現，當此事發生時，係咪叫新新冠狀病毒呢？洋人就始終遠慮尐，叫covid19,唔用new字， 中國人就仲唔醒水，係都要新，下次睇您加唔加多一次新？

較理想辦法係編冧把，例如，波蘭第二共和、第二憲法修正案...例子很多。

同樣地，基督教又有所謂新約，咁若然第日上帝心血來潮，決定再立約，沿用現行制度就係“新新約”，咁講出來就蹺口摻手，對聖教會聲望造成負面影響。恨錯點解當初唔叫“第二約”呢？

而華人基督徒仲有多一重笨7, 人家明明叫做Protestantism, 但為了將自己由denomination升呢做“教”，咁就變咗新教。又係本來番文無新字，華人自擾之。咁以後再宗教改革，您叫後世新新教教徒點L樣搞呢？又話基督徒講愛乜愛物，其實根本冇為下一代設想。


同樣地，沒有咩咩黨就沒有新中國，將來亦會改名改出一鍋粥，可能要改一個唔係中國嘅名避咗佢先得。

所以，中國人同基督徒的corporate culture始終都係爭尐，唔肯用腦經營。
如果您身兼中國人及基督徒，唯有節哀順變。