梁燕城

抽刀斷水

等我幫下基督教做下（反）宣傳先。 各版友有興趣嗎？

北角宣道會主辦，梁燕城專題講座預告：
１．5月18日 (星期五)．主題：「男人天空．贏一場人生」
　　聚會形式：晚餐 ， 時間：19:30 - 22:00
　　地點：北角英皇道438號．新都會大酒樓２樓
　　購票聯絡：梁子健弟兄．電話：3156-2240
　　費用：未公佈
　　目標聽眾：姊妹邀請未信男士一同赴會．

　　（如果你個 gf 話這日同你一齊撐枱腳，問她是否去新都會酒樓）

２．5月20日 (星期日)　　主題：「氣功，瑜珈，與靈界之謎．基督徒可以學瑜伽或用氣功治病嗎？」
　　地點：北角炮台山地鐵站上蓋．宣道會北角堂，免費入場．
　　時間：14:30 - ??
　　講員：梁燕城．　　回應：滕張佳音師母
　　目標聽眾：已信主或未信主都歡迎

沙文

原帖由 抽刀斷水 於 2007-5-12 03:09 發表
目標聽眾：姊妹邀請未信男士一同赴會．
　 ...

咁若然未信男士很渴望赴會，但找不到姊妹邀請自己，咁，佢咪白白地失去一次珍貴的聽福音機會咯？點解要有啲咁既參加條件嫁？

抽刀斷水

原帖由 沙文 於 2007-5-12 19:43 發表
咁若然未信男士很渴望赴會，但找不到姊妹邀請自己，咁，佢咪白白地失去一次珍貴的聽福音機會咯？點解要有啲咁既參加條件嫁？

我深信假如有如些慕道男士，他只須在門口徘徊幾秒，就很自然地有姊妹迎接邀請的啦。

沙文

原帖由 抽刀斷水 於 2007-5-13 09:14 發表
我深信假如有如些慕道男士，他只須在門口徘徊幾秒，就很自然地有姊妹迎接邀請的啦。

啊，若然如此，我想提醒一下主辦機構，是次活動的目標條件未夠清晰，如果話「未婚姊妹邀請未信而又未婚男士一同赴會」會否貼切啲呢？

抽刀斷水

原帖由 沙文 於 2007-5-14 04:43 發表
啊，若然如此，我想提醒一下主辦機構，是次活動的目標條件未夠清晰，如果話「未婚姊妹邀請未信而又未婚男士一同赴會」會否貼切啲呢？

沙文兄要把嫂夫人排除在派對外我可以理解，但又何以都不給自己一個機會呢？

沙文

原帖由 抽刀斷水 於 2007-5-14 05:45 發表

沙文兄要把嫂夫人排除在派對外我可以理解，但又何以都不給自己一個機會呢？

【左傳‧僖公五年】：一之謂甚，其可再乎？

Step.King

原帖由 沙文 於 2007-5-14 22:05 發表
【左傳‧僖公五年】：一之謂甚，其可再乎？

以老大你永不言敗的個性  理應再接再厲才是  

抽刀斷水

原帖由 沙文 於 2007-5-14 22:05 發表
【左傳‧僖公五年】：一之謂甚，其可再乎？

我少讀書，你唔好蝦我～～

左傳我就唔識，我淨係識得Ｄ俗語，例如：一不離二，二不離三。

Paul

多謝抽兄推介...  真是很好的推介...  

如果能聽他一言, 似乎會勝過看書中的哲學比劍呢?

沙文

原帖由 Paul 於 2007-5-14 08:41 發表
多謝抽兄推介...  真是很好的推介...  
如果能聽他一言, 似乎會勝過看書中的哲學比劍呢?

救星來了，唔駛我了！

係呀，今次真係好珍貴的聚會。找個姊妹邀請您入去，佔住左本來可以入去聽的未信兼未婚男士的座位，等佢今次唔可以聽福音吧

抽刀斷水

原帖由 沙文 於 2007-5-15 01:09 發表
救星來了，唔駛我了！

係呀，今次真係好珍貴的聚會。找個姊妹邀請您入去，佔住左本來可以入去聽的未信兼未婚男士的座位，等佢今次唔可以聽福音吧 ...

其實Paul少都可以帶個未信姊妹去架喎～（不過就違反了聚會的原意了）

Paul

To Sherman,

我只係有興趣聽下梁生的哲學論語呢~　和一睹其真貎～ 至於姊妹, 教會都大有人在, 未必一定要到特定場合格~

To 抽水,

你想我學Yvonne姐姐呀?

沙文

原帖由 Paul 於 2007-5-15 05:40 發表
To Sherman,
我只係有興趣聽下梁生的哲學論語呢~　和一睹其真貎～ 至於姊妹, 教會都大有人在, 未必一定要到特定場合格~

您話「如果能聽他一言, 似乎會勝過看書中的哲學比劍呢?」係懷疑梁生寫書文筆唔好！

其實以您釋經的才幹，是很容易破解大會目標的。即係好似女人蒙頭、男人長髲、賣身家、食豬紅，唔啱可以講到啱。

例如，凡做事有目標則須以某些手段達成此目標

大會目標聽眾：姊妹邀請未信男士一同赴會．
達到此目標的手段：由paul少引領無知少女使之成為姊妹，再由該姊妹邀請未信男士一同赴會

咁咪可以見到梁生，睇下佢真人靚定上鏡靚咯，8公！

2005年夏天,側魚湧某教會在酒樓搞了個聯合聚會,請梁燕城做主講嘉賓,講題是[情歸何處],城仔果然不失一貫風格,由頭到尾[東拉西扯]加[九唔搭八]兼[自吹自擂]....

中段提到:原本電台個[風波裡的茶杯]節目最先係搵我做主持,唔係搵鄭經翰,我又唔好名唔好出風頭,就冇應承到..,啊..感謝主奇妙帶領,好彩當初我冇去到做主持,如果唔係早輪俾人斬嗰個就係我....,又有人支援我參選立法局議員,雖然我都好有信心...不過你地知啦,政治嘅嘢幾污糟邋遢至得架....


當時我在場,見証成班傻人,講者隨口齋噏就當祕笈,聽者水過鴨背唔怕後悔,維威喂又完成一個主題聚會.

梁燕城真係冇揀錯路,正正經經搞中國文化,想獨當一面或出位,太難喇,真係分分鐘乞食,去基督教搵食就唔同曬、教徒易呃易易滿足,少少料子就可以扮大宗師,再唔係就學下某某教主,自吹一大堆神祕經驗,然後又話超越左、放棄左,唔使交待來龍去脈,總之,想搵食、搏出位,去基督教圈子打混,一字批之日：正！

平時梁氏大講特講嘅所謂神祕經驗,目的除左吹噓自己有與別不同嘅經歷之外,主要係想抹黑佛教,將佛教妖魔化,製造思想牢籠,叫教徒乖乖受困,唔好慕外.

梁話好耐以前有個和尚教佢打坐...,和尚？邊個？咩法號？邊間寺院？咩宗派？梁有冇皈依過佛教？見過個和尚幾多次？教授過程係點？....通通欠奉！

梁練打坐之後見神見鬼,又話有神通法力可以影響人,又可以向人報復,仲有自稱菩薩嘅靈體來話可以賜佢算命靈通同影響物質世界嘅能力,慢慢就覺得啲靈體要控制佢,自己心魔越來越重....,嗱..呢啲嘢晌氣功範籌叫做出偏差,晌佛教就叫著魔,乜佢冇師傅教導架咩？冇師傅指正架咩？

梁又話自己學密宗,唸咒結印,想飛但飛唔起來.
嘩！佢學啲乜嘢密宗呀,唸下咒就識飛？

佢講嗰個年代密宗晌香港未盛行,除左金剛乘學會同真言宗居士林,仲有就係諾那精舍,其他道場都寂寂無聞.

梁氏根本講唔出佢學邊種密宗,藏密？東密？唐密？
講唔出佢師傅係邊個,邊一派傅承,一味自自擂！

當然,如果佢自認天才,想無師自通,咁係吹佢唔脹嘅.不過就冇資格話自己修過佛教教法喇.

但梁生真係天生異稟,咁多佛教徒佛教和尚打坐唸經咒,唔見有幾個會有靈界來傳授法力,如果個個佛徒都有梁氏咁嘅經歷就犀利囉,嗰時人人有法力,個個識預言,滿天飛劍,千里傳音唔用手提,縮地分身唔使搭車,妙哉妙哉！

如果我話自己有基督教嘅神祕經驗,有個牧師教我靈修,後來有好多神祕事物出現,仲越修越邪門,最後我搵到出路,脫離左邪魔嘅掌握....。

咁又得唔得？

不過咁喎,我講唔出邊個牧師教我靈修,講唔出返過邊間教會,未參加過主日崇拜,未上過主日學,未曾受過浸禮...
甚至...未曾做過決志！

咁我將所謂嘅靈修入邪經驗用來抹黑基督教,有道理嗎？

上文貼文及作者是victory999