好,等我留返個言先啦!!因為我得閒冇事搵屎痾嘛!!
UM...上面05:22AM發出既嗰篇野,我都好明當中既感受,
因為我同樣地喺兩年前某1個單數月份開始返生命既
I團!!
我開初的確係FEEL到佢地班人都幾CARE我,但係當我返左一段日子之後,
已經不再有這般快樂了!!事情係點樣發生就係下面我所打既一篇長長的深刻感受!!
UM...我試過有次帶屋企人去我實習既酒店食DINNER BUFFET,跟住某位團導師問我
"妳係咪真係約左屋企人去食呀??"我答"係呀,咁又點呢??"之後我照離開,完全冇理會
過佢,只聽到他在遠處問"妳係咪真係要走啦??"搞到我勁炆囉,咩事??咁樣問即係代表
唔信我囉,勁唔想對住呢個導師囉!!同埋仲有我嗰陣不斷俾某1個姓梁既姊妹
問我個好友既秘密,但係個姊妹又唔俾得人知佢D秘密,反而就走去借我過橋問我個好
友既所有野"做咩唔返??係咪返工??係咪做其他野呀??係咪有拍拖呀??"
其實呢個姓梁既姊妹勁煩到爆囉,呢個姓梁既姊妹係1名家員,佢之前成
日話我同我個好友,唔可以私下借錢俾人,因為咁樣佢地話會觸犯紀律,
嚴重者或者屢勸不改會被請離開教會;
嘩...呢間咩教會嚟架??呢D規矩擺明係不為人所道啦!!教會唔係照著
聖經入面所講既野去辦事架咩??但係呢間教會既少年團就係1個反面教材啦,
竟然開出1個規矩係唔俾少年團既弟兄姊妹拍拖,因為佢地話會損害到自己,
而唔能夠健康咁成長!!嘩...呢D咩道理嚟架,而且我從未聽過有教會話唔俾拖囉,
聖經入面冇1句話唔俾拍拖,反而佢地話拍拖會唔能夠喺教會健康成長,不過呢一
切都係佢地所講既"所謂一些的規矩",咁樣佢地就要我地服從呢D"規矩"!!
嗱...問心吖,我覺得每1間教會都必會有佢地既規矩,同埋佢地既唔同處事方法,
之不過規矩都要合乎情理先得架嘛,係咪啦??大家認為我有冇打錯啦??
但係呢間永光堂既少年團竟然諸多規矩,大佬呀!!逢禮拜1至5返學都已經要守規矩,
返到嚟教會仲要守埋哂呢D"唔合情理既規矩"!!我想講,根本就係扭曲左聖經入面
所講既句子!!
我打返佢地既規矩啦,不過基於規矩多多,所以會有排大家睇,我喺度講聲對唔著先!!
第1條:不可私下借錢
第2條:少年團不可拍拖
第3條:逢週6姊妹想着長衫,就唔可以着LEGGINGS,只可以着牛仔褲
第4條:姊妹不可着背心,如想着,要搵褸披著
第5條:唔俾着拖鞋,因為怕會踩親人
第6條:每1個弟兄姊妹一定只可以着有踭既鞋
第7條:唔俾去唱K
第8條:每晚1過左12點,或到12點就唔俾異性傾電話,因為怕太夜,講野會細聲得滯,咁樣講講下會導致拍拖
算啦,我打著咁多先,費事打到鬼到長啦!!同埋因為太多無理既規矩啦,根本唔夠我打得哂佢既"優點"!! |
2009/9/5 23:46
| 
2009/9/14 17:53
| 
2009/10/24 14:28
| 