天使, whatsapp, 朋友, 周永恒

抽刀斷水

周永恒噚晚驚爆家暴、向同屬教徒，結婚四年的太太趙頌茹(阿Yu)動粗，將之推倒地方令其下巴受傷流血。事發五日後阿Yu報警求助，周永恒被警方拘捕。

噚晚周永恒於接受本報電話訪問時承認有同太太推撞及嗌交，佢話:「啱啱喺差館簽擔保。我知自己做錯，太太報警告我，我好唔開心。到依家搵唔到佢。」

周永恒續道:「我錄口供打指模嗰陣，收到朋友whatsapp話好擔心我。我唔係天使，我係罪人。我知弟兄姊妹幫我祈禱，想我悔改。」

「我呢幾日喊到唔識喊，冇眼淚。好想搵番太太，好想有完整屋企。我好失落。呢段時間好想同爸爸媽媽兩個女靜落嚟，諗下以後方向。好想挽留同太太關係。」

http://hk.apple.nextmedia.com/enews/realtime/20140830/52848755

抽按：即係咁，同負一軛既基督化家庭，原來都會有呢啲嘢既。

附：周永恒見證：http://www.healthplus.hk/past_details.php?id=606

沙文

即係咁，同負一軛既基督化家庭，原來都會有呢啲嘢既。
抽刀斷水 發表於 2014/8/30 07:57

我來，並不是叫地上太平，乃是叫地上動刀兵   吖嘛

点解人地講到押哂韻，您都收唔到？

抽刀斷水

Sorly, 我一直以為呢句演譯為用黎排外（外邦人、不信者）既添。

抽刀斷水

抽按：呢篇講得唔錯~

上帝唔係咁用
電視風雲 - 王奇雲

前藝人周永恒打老婆趙頌茹，結果老婆報警拉人，見埋報，連隨爆出男方承認有婚外情，第三者疑似港視小花劉依靜。本來無乜新聞價值嘅一單桃色事件，又因為夫婦同喺基督徒，而變得好煩，網民中口的「高主教」高皓正介入，照顧女方，應記者要求發表「正能量」講話，原本人哋兩公婆嘅私事，又成為坊間和網上對聖經嘅抽水行為。

偷食丈夫喺訪問中表示悔意，借用佢自己唱嘅詩歌《放下的石頭》表白，我真係覺得好討厭。難怪有啲網民成日針對一啲自命虔誠嘅藝人，指責佢哋一有咩嘢事做錯，就搬主耶鮮嚟回應，當天父係萬能key，好嘞，唔好俾我講中，呢單嘢轉過頭，啲藝人教友又祈禱又寬恕，幫忙修補，之後又走番出嚟見記者，滿口聖經經文，恩恩愛愛。

其實我一直唔明，點解報道一定要提二人係基督徒？嗰啲拜觀音、信佛、回教、道教又唔講？如果宗教信仰咁重要，好應該報道每一個藝人嗰時，都一定要提一提嘛！好似信佛嘅志偉，拜關二哥嘅秋生等等，何解咁益基督教藝人呢？無他嘅，鬼叫平時有部分藝人藉教徒身份出位咩，講埋一啲平時只應該喺教會講嘅嘢，出嚟教導別人：「唔應該婚前性行為和同性戀」、「要順從掌權者」，搶佔道德高地，好多人咪鍾意睇藝人幾時出醜，幾時破戒囉！

記得當日未婚懷孕嘅朱茵，都俾人抽秤，話佢違反教義，大家就明白，藝人如果標榜自己虔誠，就好似冰桶挑戰，要找數㗎！

http://www.am730.com.hk/column-224598

沙文

Sorly, 我一直以為呢句演譯為用黎排外（外邦人、不信者）既添。
抽刀斷水 發表於 2014/8/31 20:15

sorly又作何解?
呢句不但用黎打老婆，基督教國家打仗都啱用嘅。Guerres de religion, 30年戰争等都係咁啦。打老婆好濕碎啫

抽刀斷水

無法啦，香港現時要捍衛本土嘛：

https://hk.knowledge.yahoo.com/q ... n?qid=7006122700362

沙文

唔怪之得啦。我個仔响学校成日要做新移民傳譯員，佢問我点解香港黎嘅新同学讀Zee做"易sad", 就算係英國佬教都係應該讀Zed嘛。

咁我係咪話佢听此乃捍衛本土呢？

抽刀斷水

你做外邦人就梗係唔駛啦，貴國都係用返你地地道既文字就得嘞。