抽刀斷水

https://www.quora.com/What-is-a-living-organism

beebeechan

抽刀斷水 發表於 2020/3/17 22:29

    你上邊過個係生物學睇生命既角度嚟。


宗教上睇人，係咁既：

哈佛專家

反對刪除逃版友的"離教見證"，讓逃版友的"離教見證"和"回教見證"同時存在更好。

逃出魔幻紀

反對刪除逃版友的"離教見證"，讓逃版友的"離教見證"和"回教見證"同時存在更好。 ...
哈佛專家 發表於 2020/3/17 22:56

醒下，定d黎哈佛先生，嗰段『回教』聲明係一個已經西辭黃鶴樓嘅故人frankie寫架，我係執到佢封辭別書咋。

哈佛專家

原來如此

抽刀斷水

醒下，定d黎哈佛先生，嗰段『回教』聲明係一個已經西辭黃鶴樓嘅故人frankie寫架，我係執到佢封辭別書咋。 ...
逃出魔幻紀 發表於 2020/3/17 23:15

    都怪你寫得一舊舊，初時我都睇唔明（咦？逃版友有寫過離教見證咩？）。

逃出魔幻紀

都怪你寫得一舊舊，初時我都睇唔明（咦？逃版友有寫過離教見證咩？）。 ...
抽刀斷水 發表於 2020/3/18 00:09

係，係我唔啱，唔知係咪開始染到D儍氣呢？（講笑啫）

beebeechan

係，係我唔啱，唔知係咪開始染到D儍氣呢？（講笑啫）
逃出魔幻紀 發表於 2020/3/18 00:59

我就俾沙文搞到我啲黃氣走咗出嚟

龍井樹

確係easy come easy go，我回帶睇下此討論區以前嘅景象，熱閙非常。但時至今日，得返嗰三幾個，其他人除咗 ...
逃出魔幻紀 發表於 2020/3/17 20:10

你篇離教見證係咪討論區貼過出嚟嗰篇？有關呢度嘅歷史同評價，你上 google 搵下應該仲會搵到多少，例如kc嘅文章，但大部份離開嘅人都唔太積極發聲，可能因為已經經歷過離教，再離開離教教之家都已經唔算得乜嘢，覺得瑣碎像塵未定。

宜家我參與家族聚會，去家姐屋企食飯，基於禮貌同怕麻煩，我都會同佢哋一齊謝飯禱告，向某個我自己想像中嘅宇宙創化原理作出感謝，即使唔認為呢個宇宙創化原理會好似人一樣會明白同要求人去向佢感謝。宜家我好肯定，無論有冇所謂嘅神存在，佢都同耶經入面嘅上帝冇乜關係。

龍井樹

醒下，定d黎哈佛先生，嗰段『回教』聲明係一個已經西辭黃鶴樓嘅故人frankie寫架，我係執到佢封辭別書咋。 ...
逃出魔幻紀 發表於 2020/3/17 23:15

噢，我又中伏，出咗嚟廢噏添。

逃出魔幻紀

噢，我又中伏，出咗嚟廢噏添。
龍井樹 發表於 2020/3/18 09:18

都係怪我講到一舊舊，你又袋咗錢落我袋啦，原來喺度真係好容易染到傻氣架，我都係要小心啲。

逃出魔幻紀

逃版友確是有心人，連十多年前的本網歷史都有翻看。

而我回首人生，這個網站絕對佔我人生很大部分，亦是助 ...
抽刀斷水 發表於 2020/3/17 21:24

巴士比喻令我諗起電臺鬼古的怪談故仔，我聽過好多聽眾打電話上電臺講述佢哋嘅親身經歷（我唔信鬼，將鬼魂一概視為撒旦啲靚所扮演者）。
印象最深刻的係一個聽眾講佢搭尾班車撞鬼嘅故事，『玄學專家』又言之鑿鑿噉解釋，話尾班車人少，特別多鬼搭。我就諗：抽刀網主而家係咪查緊尾班車呢？車上得三幾個客，但車廂內仲有好多隱身嘅潛水網友，佢哋係咪啲唔知自己想去邊度嘅無主孤魂，喺度游車河？好似仲有個隱身女乘客喺度細聲泣唱：『我等著你回來~，我等著你回來~……』
（以上純屬與抽刀網主講笑嘅聯想，大家不必認真）

逃出魔幻紀

教會「關心」正在離開的離教者，肯定有人會心軟留下而成功，但這是真正的成功嗎？是為了那個人好，還是為了自私的理由

回覆 35# 抽刀斷水
喺信與唔信嘅兩個角度，感覺截然唔同。唔吸毒或者戒咗毒癮嘅人，睇到的繼續追龍或者學啪丸嘅人，難過與可惜之心情你應該理解到（心地唔好嘅人例外）。勸人遠離毒品係因為自私？
但係，嗰啲認為吸毒同食煙仔冇乜分別冇乜害處嘅人，當然對此毫無感覺。

沙文

我就俾沙文搞到我啲黃氣走咗出嚟
beebeechan 發表於 2020/3/17 09:03

有咩衝撞，得罪曬當係我唔啱。
我承認我性格有弱點嘅，一見到需要幫助嘅人，我內心深處就有聲音驅使我去幫佢地。
我唔會大大聲:「埋黎睇埋黎揀啦各位街坊，您睇下，佢地係儍嘅，我就唔同哩，您睇我幾正常，我係咪好叻呢？」
唔幫人都唔好唱人啦好心，您估佢傻係因為佢想嘅咩？佢儍係佢嘅自由意志黎咩？我係咁嘅意思啫，我又唔係話您, 咪誤會喎。

逃出魔幻紀

所謂的「正常」，其實也不過是「大多數」的代名詞，在這個瘋癲的社會，正常的人反而被視為不正常。

如版友 ...
抽刀斷水 發表於 2020/3/17 19:56

你講起呢本書，我覺得我嘅八卦性格有啲似此書作者，鍾意逐個個案去瞭解。我好好奇剝曬衫褲食蘋果嗰个人，如果冇人開門佢最後會見到乜嘢呢？
我嘅八卦經歷之中，仲有一個比較特別嘅K史，我有個學富五車但精神失常唔肯睇醫生嘅親戚，除咗我阿妹佢乜人都唔肯見，某日我叫阿妹徵得佢同意帶我上去聚下舊，點知同佢傾得好投契，佢講嘢好有深度好有趣，繪形繪聲噉話北京政府同臺灣政府成日有啲乜乜物物信息傳過來畀佢，又話隔離屋有間諜放啲肉眼睇唔到嘅蚤穿墻過嚟咬佢……，我同阿妹講：『除咗蚤穿墻係老作，我唔排除其他嘢係真嘅。』，阿妹話：『冇人知佢講乜嘢，但係你同佢咁好傾，唔通你又係……』。可惜佢而家連我阿妹都嬲埋，見人就閙，我哋連電話都唔敢打俾佢。

旁觀者

阿妹話：『冇人知佢講乜嘢，但係你同佢咁好傾，唔通你又係……』
逃出魔幻紀 發表於 2020/3/18 13:21

    你阿妹就最了解你嘞﹗