逃出魔幻紀

風雲變幻世局如棋，我們這些生存於棋盤中的微生物，雖然都喜歡吱吱喳喳評論棋子的移動，但能夠完全明白棋局，包括知道棋手是誰及棋手運子的目的，恐怕一個也沒有。
回顧近代歷史，不少人認為美國威爾遜、羅斯福、杜魯門三位總統在參加第一次世界大戰的時機及方式、1933年與蘇聯建交、以及1948年放棄蔣介石這三件事情上犯了戰略性錯誤，導致納粹及共產黨的興起，間接令到香港人面對今日之困局，今天的世界會否因美國總統特朗普的某個決策而進入更大的混亂呢？雖然我也想不明白世界局勢為何如此演變及明天將會如何發展，但我相信這是天主正在跟撒旦下棋，每一步棋都包含著天主無限之睿智，我們想不明白的奇怪現象可能是祂運子防御、棄子/兑子取势的暫時部署佈局，只要我們耐心看下去，必會看到天主解圍、取勢、爭先、作殺繼而進入完美收官。我對此深信不疑，因為我是基督徒，是『耶絲』一一 耶穌的粉絲。
雖然網友們都認為這裏不是邏輯理性討論而是情緒發洩的地方，而且開口說話的人只有三幾個，但我還是有興趣聽聽藍絲黃絲網友們對以下問題的答案：

藍絲群眾經常說希望中央來港直接打擊泛民反對勢力；黃絲群眾經常說與其假兩制不如直接實行真一制。大家都在說真話嗎？雙方所爭取的目標在兩三個月後即將達成，究竟哪一方是真正求仁得仁者？小鳳姐將會登上哪方的舞台？

首先我說說自己的答案：最後勝利的歌聲必在天主的舞台響起：『基督得勝，基督為王，基督王權永無疆』!

抽刀斷水

為何仍要執著「誰人得勝」這種鬥爭思維？如此永遠難有和平。

哈佛專家

觀音會降伏耶穌及上帝耶和華

beebeechan

為何仍要執著「誰人得勝」這種鬥爭思維？如此永遠難有和平。
抽刀斷水 發表於 2020/5/24 14:52

    因為有人要攬炒, 全港人, 連北京.....也是輸家

旁觀者

我相信這是天主正在跟撒旦下棋，每一步棋都包含著天主無限之睿智
逃出魔幻紀 發表於 2020/5/24 13:37

   「全知」、「全善」、「全能」嘅「天主」講句話已可將撒旦消滅，搞咁多嘢做啥呢? 「天主」的確「睿智」！

逃出魔幻紀

因為有人要攬炒, 全港人, 連北京.....也是輸家
beebeechan 發表於 2020/5/24 22:07

你咁講即係話黃絲勝？我喺幾個網站問過人呢個問題，藍絲嘅答覆基本上依依哦哦冇明確答案，黃絲嘅答案就『好好好!正正正!』噉，仲互相道賀，好似臨別贈言噉。

beebeechan

你咁講即係話黃絲勝？
逃出魔幻紀 發表於 2020/5/25 10:27

黃絲勝甚麼, 一開始便知是嬴不了的,
不然, 何以用上『攬炒』一詞？

當然，　若開始不是為爭甚民主，　港獨。。。只為搵人陪葬的話，
攬炒是成功了。
猶如要當死士的ＩＳＩＳ，　在航班上引爆一個炸彈，　不理其他人願不願和他一同理念要當烈士。

beebeechan

，藍絲嘅答覆基本上依依哦哦冇明確答案，
逃出魔幻紀 發表於 2020/5/25 10:27

睇下有幾藍哩，　深藍的會話很好，　
淺藍的也許睇到國安法，　短暫時間係好，　長期後就易變質，變咗猛虎。

好比患了肺炎　（不是covid19)，　醫生便要用重重的抗生素，
你話：　喂。。。抗生素會唔會有好多唔好既副用㗎？
醫生話：　係，　有副作用，　不過，　你依家身體好需要抗生素，　不然，　你會死！

逃出魔幻紀

睇下有幾藍哩，　深藍的會話很好，　
淺藍的也許睇到國安法，　短暫時間係好，　長期後就易變質，變咗猛 ...
beebeechan 發表於 2020/5/25 20:57

    睇咗三日，大概都明得七七八八啦。
深藍都唔見得幾開心，睇林鄭曬馬嗰班口罩人同埋北京開緊會嗰班人就知啦，個個元壇噉面口毫無喜上眉梢嘅真情流露。
我係真心讚成一制嘅(除非政局有大變)，費事煩心，每次啲藍絲講到好high時我一講呢句說話，佢哋就呆咗瞪大隻眼望住我唔講嘢，冇一次例外，所以我覺得好奇怪，趁今次事件做個調查，多謝你嘅意見。

beebeechan

我係真心讚成一制嘅(除非政局有大變)

睇垃圾會既人開會，　就知香港人唔曉善用民主。
俾你，　餞害死你。

警察捉賊都唔會係鬧市亂開鎗哩。
好心做壞事。

哈佛專家

民主自由必勝！共產黨必敗！

龍井樹

回覆 1# 逃出魔幻紀

我只係喜歡同朋友用真實嘅棋盤面對面咁捉棋。睇嚟上帝同撒旦真係好好朋友，正如約伯記裡面咁，周不時打賭捉棋。捉棋，輸贏從來都唔係重點，聯誼先係。

作為棋子同賭注嘅人類，傻嘅先會替神魔著緊。佢兩個閒來無事相聚聯誼，死嘅係死你哋，你唔咒罵佢已經好有口德，做棋子做到 short 上腦？

beebeechan

回覆  逃出魔幻紀
睇嚟上帝同撒旦真係好好朋友，正如約伯記裡面咁，周不時打賭捉棋。

龍井樹 發表於 2020/5/26 10:05

上主與撒旦好friend?
約伯1:6
有一天，天主的眾子都來侍立在上主面前，撒殫也夾在他們當中。

睇呢一段經文就係勒。

睇中文聖經既就特別會被誤讀了。

英文版是：
One day, when the sons of God came to present themselves before the LORD, the satan also came among them.
satan　是細草，只是普通名詞　不是　Ｓatan：不是那個背判了上主的天使。

satan: 在古希伯來語中，　更泛指是持不同意見的一方而已。
例如：
聖詠１０９：６
Appoint an evil one over him,an accuser　（希伯來文用上　satan) to stand at his right hand,
求你派一惡人 向他們攻訐，叫控告者(這裡的希伯來文是用上　satan)站在他的右邊

戶藉紀２２：２２
因為他起身走了，天主發了怒；上主的使者在路上擋住他的去路。當時他騎着驢，還有兩個童僕跟着。
and the angel of the LORD took up a position on the road as his adversary (Hebrew: satan).
上主的使者也會被叫satan



所以，根本就没有上主同那個魔王撒旦friend 到會下棋。

beebeechan

早前殡儀館認錯屍, 錯燒祖先,
你就因解錯經, 錯反基.

逃出魔幻紀

上主與撒旦好friend?
約伯1:6
有一天，天主的眾子都來侍立在上主面前，撒殫也夾在他們當中。

睇呢一段 ...
beebeechan 發表於 2020/5/26 21:49

我對《約伯傳》呢樣嘢都有啲啱拗拗哋頭，原來有噉嘅睇法，學到嘢嘞，多谢！

龍井樹

係邊個撒旦又有乜關係呢？呢個網前身都只係新聞組入面嘅基督教版，邊個人扮邊個，雖然仲有 IP address 可以認，但只要係講我想講嘅嘢，你將自己改名做龍井樹我一啲都唔介意。至於用我名去撩交嗌，意圖破壞他人名聲嘅，熟我嘅人會認出佢係改名西，唔熟我嘅我根本都理得佢。

講番約伯記個撒旦，佢建議上帝 "你且伸手、毀他一切所有的、他必當面棄掉你。" 顯然就唔係一個惟上帝是從嘅天使，不過最妙嘅係上帝竟然接受，參與賭局喎？上帝固然全知全能，早知道結果係點。上帝接受挑戰不過係要令撒旦心服口服，而令約伯同佢一家飛來橫禍。

當然現代嘅正常人都唔會認為呢個故事有一個 happy ending，只有嗰啲思想仍然停留响石器時代，視兒女為牛羊豬馬一樣嘅私人財產嘅人，先會覺得約伯係因禍得福，上帝要藉住賭局去俾張好牌約伯上啫...

逃出魔幻紀

係邊個撒旦又有乜關係呢？呢個網前身都只係新聞組入面嘅基督教版，邊個人扮邊個，雖然仲有 IP address 可以 ...
龍井樹 發表於 2020/5/27 08:56

『上帝要藉住賭局去俾張好牌約伯上啫...』，我幾鍾意呢句說話。我估計天主畀約伯同佢屋企人包括僕人嘅張張都係好牌，人生苦難我就好難理解得透徹，譬如花地瑪三個牧童之中兩個咁就死咗，香港大毒梟洪漢義信咗基督幾年60幾歲就行咗，呢啲事幹喺天主教歷史多不勝數，好多苦難雖然我個心唔希望佢發生喺我身上，但係如果佢嚟到，我的絕對相信係一張天主畀嘅好牌，呢樣嘢天主親自喺《對話錄》之中用一啲死刑犯嘅真實案例解釋過。

龍井樹

『上帝要藉住賭局去俾張好牌約伯上啫...』，我幾鍾意呢句說話。我估計天主畀約伯同佢屋企人包括僕人嘅張張 ...
逃出魔幻紀 發表於 2020/5/27 10:27

下？上帝俾張好牌你你又唔鍾意，你都幾難服侍喎...
定你或者你屋企人先係一張牌呀？我祝福你同你屋企人合家平安啦！

逃出魔幻紀

下？上帝俾張好牌你你又唔鍾意，你都幾難服侍喎...
定你或者你屋企人先係一張牌呀？我祝福你同你屋企人合 ...
龍井樹 發表於 2020/5/27 11:08

係你對基督徒估計得太高啫，教會係罪人嘅教會，如果我好似天主耶穌基督咁樣睇通曬啲嘢，毫無私慾偏情，又使乜日日祈禱克己整呢整老，不過點都好，我堅信因為我信，就會有好牌。多謝你嘅祝福。

龍井樹

係你對基督徒估計得太高啫，教會係罪人嘅教會，如果我好似天主耶穌基督咁樣睇通曬啲嘢，毫無私慾偏情，又 ...
逃出魔幻紀 發表於 2020/5/27 11:45

幫屋企人趨吉避凶，我唔認為咁就算係個自私嘅罪人囉...

相反，上帝只係老吹個天堂出嚟呃住你，你就連屋企人嘅安危都唔理，我覺得呢啲人先係人渣。