JOM

dye

小弟11月辦喜事，未來外父和他們一眾是無酒不歡的農民。唯小弟自幼多病，不能喝酒。

素知JOM 少懂酒道，不知能否告知該用什麼酒招待他們。

淚兒

日本的甜酒如何呀?
http://zh.wikipedia.org/zh-hant/%E5%88%A9%E5%8F%A3%E9%85%92
http://zh.wikipedia.org/zh-hk/%E5%B1%A0%E8%98%87

抽刀斷水

回復 1# dye


    值得恭喜！下次帶阿嫂出黎見下面丫。

Jom

先恭喜阿染兄小登科,祝一年三胞兩年雙胞.....

賜教就唔敢啦,大家交流吓重可以.

如果係一般鄉民既,茅台,五糧液,皖酒王又或者瀘洲特曲都ok架啦.如果想玩得再有品味尐既,就可能要駛多少少,去福建訂一野龍岩沉缸,其實係黃酒,亦即係女兒紅果類.喜興時候,飲呢隻就最好,味道亦想當香醇.加多一箱藍帶馬啤梨就應該夠晒有餘.

但如果令丈為無酒不歡者,佢嫁女而你又啅咗人家個女,咁恩怨交纏既心境,你點唔飲得都要陪吓佢飲吓架啦.如果要預埋自己飲,就要視乎你想個局面係點至決定飲乜酒.

dye

唔，他的確是無酒不歡，上回我請他吃飯，就因為少了酒而怪怪的。我飲酒既結局多要在醫院散席了。

等我問下酒樓有冇呢尐酒先。

回復 5# dye

唔....呢個時候,就係你出賣你兄弟既最佳時機...搵定兩位兄弟mark實佢....

由有賓客(mainly係佢尐老死)入場開始,兩位兄前車輪戰咁應付佢,一有老友埋枱,就著兄弟斟酒,一人隊返一part先,飲完講兩句再黎一part.一個兄弟同佢地玩到咁上下,第二個上,輪流交替穿梭來回,到開席佢都應該七七八八架啦.

記得,開席前就叫佢地飲馬啤梨,敬酒就用香檳,如果你攞既圍數唔夠十圍,記得敬酒既時候要添喜.因為通常家吓敬酒係鸻得好快既,有乜私人思怨都會係敬完酒先發生.所以當你老外敬完酒飲返咁上下香檳,如無意外戰鬥力會好低架啦.就算佢要捉住你去講數,都可以好快收皮架啦.

咁,好彩既話老婆都係一世人娶一次,入廠咪入廠囉.人家咁大個女就咁俾你啅咗,如果我係佢老豆,我驚你唔食番幾打蓮子幾箱菠蘿都咪諗呀.