jimmychauck

回覆 109# beebeechan

你自己宜家到底係咪仲想黐埋黎？話俾人聽，想咪想，唔想咪唔想咪唔好做囉，簡簡單單一條是非題你又肯唔肯答呀？閃閃縮縮唔肯答人，又講咩人地個口點樣？
巴比倫點會冇教？啟示錄中七山之城，傾倒的大巴比倫城，按你來說都係羅馬喎，你終於肯認啦咩？

前面果啲你唔答，我變做錄音機就得㗎啦。你轉乜話題我都唔洗理你。

beebeechan

巴比倫點會冇教？啟示錄中七山之城，傾倒的大巴比倫城，按你來說都係羅馬喎，你終於肯認啦咩？
jimmychauck 發表於 2025/6/27 07:19

默示錄中的七山之城是指羅馬.....不嘍都係咁詮釋既事。
你為甚麼大淫婦的七山之城就是羅馬就咁興奮?


無它, 你又很膚淺地以為羅馬...就是指現在的梵蒂岡喇......梵蒂岡就係大淫婦, 滿足了你的夢想嘛。 又可以抺黑天主教矣!. 正!


梵蒂岡座落的地方, 没有七個山頭, 只有一個梵蒂岡山。
羅馬城內又真係有七個山丘啵。七山是在河的另一邊。



今日梵蒂岡的位置, 在寫默示錄的年代, 根本就在羅馬城外。再者, 寫默示錄時, 也未有梵蒂岡為天主教教會的中心。


你不要無知便聲大。

B按:
梵蒂岡就是默示錄中的大淫婦, 係新教無知激進人士用嚟反天主教既例牌菜色

其實早前吳主光解經話2018至2028年耶穌再來
他的理據：這一代還未過去，這些事必要成就
而這一代，他認為是以色列復國時的第一代

所以，以色列1948年復國，1949年被聯合國認可
而聖經話人生是70至80歲
所以，1948+70 至 1948+80 = 2018至2028年

唷，現在都已經2025年了，仲差3年，仲未無聲氣？

抽刀斷水

回覆 119# jimmychauck


    你篇野咁長，我睇都無心機睇，就抽幾句回應一下，請見諒。

唔係學說嘅變，係meta學說嘅變

我就未聽過「meta學說」。你用「學說」同「meta學說」，其實已自我定義「學說=可變」、「meta學說=不可變」。

咁麻煩你定義吓咩係"教義"啦

成本書咁講教義，你唔好強我所難好喎：
https://shop.campus.org.tw/Produ ... ProductID=000106009

咁你又解唔解釋到"如何""到咩程度"不同？

成個基督教發展歷程，其實都同演化論吻合，踢走啲唔啱聽（或非主流／影響大局）既學說／門派／經文。你呢個問題本身係問到令人無法回應，相當於你問「你話生物有演化，但又解唔解釋到"如何""到咩程度"不同？」一樣。

如果你稍有留意呢個宗教既發展史，點樣踢走諾斯底主義之類被定性為異端既學說，點樣將經文定為次經偽經，我諗你會明白我想表達啲乜。

參考：https://lib.exchristian.hk/#%E7%B6%93%E6%96%87

同埋，我觀察到並指出有咁既現象，並不必定需要負上需要解釋呢個現象背後出現既原因，以及為呢個現象進行量化既責任喎。

單用有冇就可以下結論冇關係，成件事數學上根本就唔成立。你要establish冇correlation，最低限度要用啲stat，跟住先講到"有or冇correlation"呢個結論有幾多% confidence。呢個係基本嘅統計學。

依家又唔係寫數學公式，你要求「吸金與否跟這個宗教（的教導）沒有必然關係」要統計到關係既百分比，係咪搞笑咗啲？吸金同唔吸金兩個例子都係由你列舉既，你咁叻自己統計下。

知識增長而同之前嘅唔衝突，"教義"發展我睇唔出問題喺邊喎

福音"教義"嘅發展都唔可以同之前嘅野衝突

呀咁就算有改變又點？你自己話上巴士都唔洗明巴士點運作，總之應用到就得啦，咁教義萬變了，但「因信稱義」、「神愛世人」等等喺應用上又有咩分別呢？

發展 = 改變，我認為改變無問題，你睇唔出問題／改變無影響你，咪即係改變對你黎講無問題囉，Let's be water my friend~

jimmychauck

回覆 124# 抽刀斷水

我就未聽過「meta學說」。你用「學說」同「meta學說」，其實已自我定義「學說=可變」、「meta學說=不可變」。

咁似你係孤陋寡聞。啲人整理死鬼左嘅蘇格拉底手稿，physics上面果疊野講哲學，自此果堆野叫metaphysics，形而上學嘛，meta咪個"上"囉。電腦都有data 同 metadata之分，stackoverflow都有個metastack，係唔處理其他問答只處理stackoverflow本身點運作嘅問答。

哲學，就接近知識論，係辯證緊各種邏輯。冇知識論，一般學科嘅知識就(比較)停留喺知其然，知識論就(比較)多啲知其所以然。

以前就話因為你一時一樣，就嘲吓你所謂嘅"深厚哲學根基"，宜家發現你竟然唔知meta係乜，亦好似唔知metaphysics同其他科學/學科/學說/知識嘅關係，咁我就基本確定你嘅哲學根基深唔去邊。

你嘅講法都超唔出以前講過嘅範疇。其實都好多次，十年前、一年前；半年前，你都係堅拒address我問你嘅題目："啲變、唔同、聖經數字衝突，有乜野問題，點樣、乜野程度令到我今日信緊嘅基督教係叛離/唔同左耶穌傳落黎嘅基督教"。

你呢個問題本身係問到令人無法回應，相當於你問「你話生物有演化，但又解唔解釋到"如何""到咩程度"不同？」一樣。

你稱"問到令人無法回應"，但我認為只係"你自己無法回應"。
好似天主教咁，我成日話佢問題就係將得救嘅條件喺"信"之外加上"行為"如聖禮功德等等，破壞"唯獨信心"，告解要揾神父，將神父聖母等插入人同唯一中保基督中間，破壞"唯獨基督"，呢啲咪就係"如何"囉。破壞兩個唯獨，傳福音給我們，與使徒所傳給我們的不同，當被咒詛，咪根本同我唔同宗教囉，呢個咪"程度"囉。
循道衛理宗唔相信"一次相信永遠得救"，只信"永遠相信永遠得救"。"永遠相信永遠得救"係"一次相信永遠得救"嘅子集，亦唔否認"唯獨信心"，亦不提倡得救告的是行為；選擇"永遠相信"而非"一次相信"令佢失去左一個否決天主教"重墮不義"嘅教理嘅工具，呢個咪"如何"囉。個"變化"唔影響五個唯獨派，所以我呢個福音派/基要派認為循道衛理宗同我係同一個宗教，呢個咪"程度"囉。
靈恩派，我相信佢都唔係好會傳話咩得救靠行為，但佢強調受聖靈，但據我所知唔係經常按聖經教訓試驗那些靈是出於神的不是，亦有記錄有其他新教宗派人士邀請啲靈恩派"受左聖靈"嘅人驗靈，但原來好多係邪靈。初期靈恩派如火洗聖潔會等從循道衛理宗分裂出黎，有啲強調到"唔受聖靈第二次洗嘅唔得救，唔識講方言嘅唔叫受左聖靈"，及至發展至現代，好多靈恩派變返温和派，融合返去主流"憑信心"嘅教義，唔再主張必須講方言先係受聖靈先係得救，呢個咪佢地嘅"程度"囉。如果佢傳個不同嘅福音，咁我就好難覺得佢係同一個宗教啦，咁佢自己肯"改變"自己所傳嘅，返返去"五個唯獨"咪似返係同一宗教囉。咁就但係，靈恩派咁著重追求受聖靈，唔排除佢教會裡面係比較多啲返嘅"信徒"係追求果個"靈洗"嘅感受多過"認識明白接受左福音"，咁我又唔係好想每每分辨佢搞到佢又唔開心我又唔開心咁，我就少接觸啦。我好反靈恩㗎，所以唔排除以上係鳩噏或者有偏差。
嗱，咁咪解釋左幾個宗派宗教嘅改變呀問題呀如何呀程度呀囉。

「你話生物有演化，但又解唔解釋到"如何""到咩程度"不同？」

演化到生殖隔離未呀？咪一種程度囉。

如果只係你答唔到how, to what extend呢啲問題，人地答到，呢個係單純嘅skill issue喎。

我成日都話，知之為知之，不知為不知，是為之知也，古老中國人美德黎㗎。用乜野"教義"、如何去分辨唔同嘅宗教同教派，呢個係對宗教、果個宗教有認識有認知有知識就去做到嘅區分吖嘛。演化嘅程度有咩分水嶺里程碑，係你對演化有啲認識先知㗎嘛。你答唔到而人地答到，呢個就似係你自己對果啲題目認知不足嘅問題，唔係題目有問題。就算係題目有問題，你咪按理按學說指出問題點有問題，係偽命題呀點解係呀乜乜乜囉。


你離教文獻，就只介紹啲偽經，點樣踢走諾斯底主義之類被定性為異端既學說，點樣將經文定為次經偽經嘅資料就欠奉。


吸金呢，我就係睇過吓你嘅blogspot你好似認為好多教會都只係為吸金好睇唔起，就真係sorry我又唔係好揾得返你邊度咁寫，或者我真係先入為主睇錯諗錯。咁你又不妨講吓你其實係咪睇"吸金"係教會好大嘅問題，如果根本唔係問題咁你咪講咪可以成個topic揭過。
吸金呢，我同你都認同嘅就只有吸金有無嘅現象，"跟這個宗教（的教導）沒有必然關係。"呢，就係你自己無啦啦爆出黎嘅，舉證責任當然就在你。你唔舉證咪總之

人之常情，不過總之就唔算嚴謹jimmychauck 發表於 2025/6/27 07:11

發展 = 改變，我認為改變無問題，你睇唔出問題／改變無影響你，咪即係改變對你黎講無問題囉

其實你到最後，都係只識覆述自己混淆視聽後所下嘅結論。
我自問，你提出嘅所有野，我都逐點回應剖析是非，但係其實你基本上都冇engage到我嘅論點，其實都好多次，十年前、一年前、半年前，都係。

• 逐步啟示，所啟示的不會和之前的衝突。
• 知識可以發展，原則不應改變。

衰啲講，係喺討論中冇料到，亦係如下之前描述過嘅情況

回覆 80# Guest from 182.239.119.x

如果你係單純只了解到對方嘅觀點和立場，或者只係表逹到自己嘅觀點和立場，就交流唔到"點解會有呢啲表面嘅觀點和立場"，"背後嘅原因及價值判斷"呢，呢個只係你溝通能力嘅不足。
jimmychauck 發表於 2025/6/26 09:49

咁如果你係因為未睇晒未消化晒我講乜先咁樣講，咁你就花小小時間睇返清楚先啦，我打字都打左成個鍾，你唔洗咁快覆㗎，唔係我一日又冇左一個鍾㗎啦。

jimmychauck

回覆 122# beebeechan

你自己宜家到底係咪仲想黐埋黎？話俾人聽，想咪想，唔想咪唔想咪唔好做囉，簡簡單單一條是非題你又肯唔肯答呀？閃閃縮縮唔肯答人，又講咩人地個口點樣？

答唔晒，咪即係唔識答囉。

咁你喺羅馬以外唔係巴比倫，咪即係彼得冇去過你處囉，咪即係你唔係羅馬正統囉。你真係睇得周星馳多以為彈出彈入好玩好笑。

你一時又死要認自己係巴比倫，一時又死要唔認，面對咁好笑嘅人我點會唔嘲？

求求其其劃條紅線就話自己時出時入，人地網主話啲野會發展改變㗎嘛，英國倫敦以前都冇咁大啦，以前仲有middlesex surrey greenwich等鎮㗎，宜家咪一個城市囉，仲同你個羅馬一樣有條大河穿住添。點知會唔會羅馬有祝福大大倡盛發展起來包埋住你個梵蒂岡㗎啫？宜家都未係，但話唔定將來啟示錄時咪就係囉。那日子時辰冇人知㗎嘛。

beebeechan

好似天主教咁，我成日話佢問題就係將得救嘅條件喺"信"之外加上"行為"如聖禮功德等等，破壞"唯獨信心"，告解要揾神父，將神父聖母等插入人同唯一中保基督中間，破壞"唯獨基督"，

jimmychauck 發表於 2025/6/27 23:49

係舊約裡, 天主不會直接同人講野架喎, 梅瑟五書中, 大部份都是「天主訓示梅瑟,說....」
「上主叫了梅瑟來，由會幕中訓示他說：「你告訴以色列子民說：......」
天主唔識講希伯來話咩?

點解在聖殿獻祭, 係要經肋未司祭, 即使是王, 也不能做? 撒烏爾就係擅自獻全燔祭, 被撒慕爾大罵, 天主另立達味。

成本舊約, 篇幅最多的就是那十幾部先知書, 天主是通過他選的人向人講話。


你啲乜乜唯獨,
....都係自創既野嚟。呢種敬拜方式, 上邊唔收貨卦。

beebeechan

呢啲咪就係"如何"囉。破壞兩個唯獨，傳福音給我們，與使徒所傳給我們的不同，當被咒詛，咪根本同我唔同宗教囉，
jimmychauck 發表於 2025/6/27 23:49

你講到天主教咁唔正宗, 咁點解神可以容忍一個唔正宗既教會在世一千五百幾年, 先感動阿路先生出嚟紏正? 上帝去咗渡假1500年呀?

再者, 天主教教既野, 唔係教會腐敗咗之後先係咁教, 教咗唔同既野啵。 未腐敗的教會與中世紀腐敗既教會都係教同一樣教理喎。


如有部時光機，　咁可以睇下今日天主教彌撒既崇拜方式，與新教乜乜教會既崇拜方式，　邊個會同一世紀時既崇拜相近。

beebeechan

所以我呢個福音派/基要派認為循道衛理宗同我係同一個宗教，

jimmychauck 發表於 2025/6/27 23:49

哦...原來依家又走咗去循道衛理教會, 暫時俾你睇得上眼。
可能你入會尚淺, 循道衛理教會唔係五個唯獨既擁躉, 對TULIP有保留既
你將舊教會既野拎入人新教會....好快又唔岩牙, 你又睇唔上眼架喇



B按:循道衛理教會點都正統過乜乜平安XX會既。 都算接近咗神近咗一啲啲喇

beebeechan

咁你喺羅馬以外唔係巴比倫，咪即係彼得冇去過你處囉，咪即係你唔係羅馬正統囉。你真係睇得周星馳多以為彈出彈入好玩好笑。

你一時又死要認自己係巴比倫，一時又死要唔認，面對咁好笑嘅人我點會唔嘲？

求求其其劃條紅線就話自己時出時入，人地網主話啲野會發展改變㗎嘛，英國倫敦以前都冇咁大啦，以前仲有middlesex surrey greenwich等鎮㗎，宜家咪一個城市囉，仲同你個羅馬一樣有條大河穿住添。點知會唔會羅馬有祝福大大倡盛發展起來包埋住你個梵蒂岡㗎啫？宜家都未係，但話唔定將來啟示錄時咪就係囉。那日子時辰冇人知㗎嘛
jimmychauck 發表於 2025/6/27 23:58

    長篇大論無用喎 (短短地, 到題就得喇)

經上的巴比倫是暗指羅馬城。 當時伯多祿話佢係巴比倫建教會, 即係佢在羅馬。

默示錄上的巴比倫, 七山之城當然亦是指羅馬, 不過唔係新教教徒所講既梵蒂岡。


你唔好將個藍球當足球咁踢

抽刀斷水

回覆 125# jimmychauck


    吓？你竟然夠膽用蘇格拉底既metaphysics黎抬舉你自創既meta學說？蘇格拉底講緊physics既meta咩？嘩我真係唔駛睇埋你其餘既回應喇。

最後我都祝福你啦，如果你堅持呢個只係基督教用語，咁記住過年揞住耳仔唔好聽呢首呀：

抽刀斷水

B按:循道衛理教會點都正統過乜乜平安XX會既。 都算接近咗神近咗一啲啲喇
beebeechan 發表於 2025/6/28 00:52

    正統就接近神架咩？又話窄門乜乜物物既？耶穌話度門要窄啲架喎。

beebeechan

正統就接近神架咩？又話窄門乜乜物物既？耶穌話度門要窄啲架喎。
抽刀斷水 發表於 2025/6/28 01:42

咁睇演唱會, 坐唔到大堂前, 坐廿幾行既, 點都好過坐山頂位卦

beebeechan

正統就接近神架咩？又話窄門乜乜物物既？耶穌話度門要窄啲架喎。
抽刀斷水 發表於 2025/6/28 01:42

唔止窄門,
雅各伯在貝特耳既神視, 仲要識爬梯, 唔好畏高先得

beebeechan

正統就接近神架咩？又話窄門乜乜物物既？耶穌話度門要窄啲架喎。
抽刀斷水 發表於 2025/6/28 01:42

唔係一定係度門窄既, 係人唔肯減肥


人唔肯缷低啲罪業, 咁門咪窄囉

沙文

回覆 135# beebeechan


但當聖神降臨於你們身上時，你們將充滿聖神的德能

但係缷低啲罪業之後, 聖神的德能會唔會谷L到爆咖?

beebeechan

回覆  beebeechan


但當聖神降臨於你們身上時，你們將充滿聖神的德能

但係缷低啲罪業之後, 聖神的德能會 ...
沙文 發表於 2025/6/28 02:37

所以唔好用雜嘜既叉碴囉

用大牌子好啲
乜乜「平安牌」就唔好勒

沙文

咁你又憑乜嘢話你大牌子過orthodox

beebeechan

咁你又憑乜嘢話你大牌子過orthodox
沙文 發表於 2025/6/28 03:51

    經上講咗耶穌係俾對門匙伯多祿。

在今日, 論數人頭, 天主教多過東正教。
論地域...天主教係大公好多, 東正教只係東歐有業績。

jimmychauck

回覆 128# beebeechan

你講到天主教咁唔正宗, 咁點解神可以容忍一個唔正宗既教會在世一千五百幾年, 先感動阿路先生出嚟紏正? 上帝去咗渡假1500年呀?
beebeechan 發表於 2025/6/28 00:41

阿當到挪亞，都千零年，最後得返8個義人，上帝去咗渡假呀?
以色列得返7000人未向巴力屈膝，上帝去咗渡假呀?
瑪拉基書之後三百年冇出聲，上帝去咗渡假呀?

你答係，咪係，你答唔係，咪唔係，你唔答，咪唔係。你都唔知上帝咩計劃，懶醒做乜？


你講到神乃願萬人得救，點解唔叫啲人排晒隊逐個問信唔信，唔信果啲即刻旱天雷劈死？劈死一兩三個跟住個六十億實信啦。

神咁犀利，又會由得個仔俾人釘死嘅？

咁想人信佢，釘釘下十架跳落黎俾人睇吖嘛，嚇到啲兵鼻哥都冇肉之後跳返上去繼續釘都仲都㗎。

喺殿頂跳落黎即刻有天使托住㗎嘛，啲人即刻信係神嘅兒子啦

呢啲咪你啲問題嘅level，我唔洗答㗎。


除非你覺得話上帝有邊度做得唔好，你可以教佢做好啲囉。新教上帝不嬲有預定、有旨意、有許可、有任憑，萬事都互相效力叫愛神的人得益處㗎啦，你係咪唔信佢不留下一樣好處不給信靠衪的人？我完全唔會僭越去講乜野係好過乜野囉，不過可能上帝喺你眼中並唔係咁全能，你有其他諗法掛。

一樣教理？你話我知教皇無誤同聖母無原罪升天係幾時出現啦。

你冇時光機，如咩果啫？

舊約聖殿中拜神嘅方式乃神親自口傳，複雜過晒你天主教乜七乜聖禮啦，你天主教有同佢幾近？神是個靈，拜衪的要用心靈和誠實拜衪，你仲講咩相唔相近，早知你天主教係講禮儀講外表㗎啦。咁你又夠唔夠以前耶穌時啲啲法利賽人咁夠禮儀外表？你係咪個個神職人員喺十字路口大聲禱告歌頌神呀？