跑步

抽刀斷水

論壇預設是以會員級別或版主職級為頭銜稱謂的，今日手痕看到原來可以以發帖數作級別的。

離教者之家不設會員制度，因此以「會員」作論壇稱謂會導致誤會，令人以為只有離教者才可註冊及發言，而且我亦認為甚麼版主、管理員等職銜，會使人感到等級不同、官僚等。其實各位發言、交流、討論，都應對等及不分階級的，因此那倒不如以發帖數作頭銜稱謂吧。

論壇預設了以下發帖數稱謂：
0: 新生入學
50: 小試牛刀
300: 實習記者
1000: 自由撰稿人
3000: 特聘作家

因此沙文兄才奇怪有此新稱謂。在今晚跑步途中，我想以由一個人到達一個陌生的地方，到發展成一個「家」的主題，比起以寫作職業主題為稱謂，可能更切合離教者之家的感覺。因此現改成：
遊子駐足 0
投棧借宿 50
置業安居 300
齊家治國 1000
天下一家 3000

如有任何更合適的，或有其他意見，歡迎提出。

Paul

似乎很有趣~

沙文

咁可唔可以將「離教者」的解釋加多啲，係「遠離呢碌教之人」咁解呢？而家的解釋令我對呢個家冇乜歸屬感

dye

以後要唔要改口由沙老大成了沙同志？PAUL少成了PAUL同志？

抽刀斷水

原帖由 沙文 於 2007-8-2 04:16 發表
咁可唔可以將「離教者」的解釋加多啲，係「遠離呢碌教之人」咁解呢？而家的解釋令我對呢個家冇乜歸屬感

呢個頭銜只能代表佢係呢個討論區既發帖數，並唔能夠代表佢既宗教取向架喎。

沙文

哦................

咁而家話齊家治國、天下一家，係咪即係用儒家來維繫我們的家呢？

個過程應該係咁樣喎：
【禮記‧大學】
欲正其心者．先誠其意．欲誠其意者．先致其知．致知在格物．物格而後知至．知至而後意誠．意誠而後心正．心正而後身修．身修而後家齊．家齊而後國治．國治而後天下平．

咁冇晒前面的「正心誠意、格物致知、修身」，置業安居之後就齊家治國，咁就唔啱聖賢書所教步驟喎

dye

沙文你有得「齊家」仲咁多投訴？

抽刀斷水

原帖由 沙文 於 2007-8-2 10:05 發表
哦................

咁而家話齊家治國、天下一家，係咪即係用儒家來維繫我們的家呢？

個過程應該係咁樣喎：
【禮記‧大學】
欲正其心者．先誠其意．欲誠其意者．先致其知．致知在格物．物格而後知至．知至而後意誠．意誠而後心正．心正而 ...

車～你得閒問下Ｄ炒樓人士，有無做齊之前Ｄ野先去買樓丫。

沙文

我要做齊人嘛，凈齊家有Q用咩？

回復 #8 抽刀斷水  的帖子
就係因為唔啱步驟，佢地齊家之後都治唔到國、平唔到天下咯......被耶教搞到天下大亂咯

抽刀斷水

原帖由 沙文 於 2007-8-2 10:33 發表
我要做齊人嘛，凈齊家有Q用咩？

回復 #8 抽刀斷水  的帖子
就係因為唔啱步驟，佢地齊家之後都治唔到國、平唔到天下咯......被耶教搞到天下大亂咯

嗯，等我正式回應你呢個問題。

根據《大學》，步驟上是對的，只是我們無法將人生的每個步驟都寫哂出黎做頭銜架嘛。如果係咁，咁唔通由出世、食奶、學行、學講野都要寫埋？

我假設左識得搵上黎離教者之家既人，都已具備甚麼正心誠意致知格物架囉，所以一開始已jump左去「初來報到」。

唔知咁既解釋，能否令師侄滿意？（ ←嘔血）

沙文

麻麻地啫。
照正常來說，一個人只要做到「致知」此步，對大秦景教就已有相當抗拒性；如做到「正心」就會對大秦景教產生一定程度的反感，再不然，臻至「修身」就不會信大秦景教。

Paul少都係識得搵上黎離教者之家既人，而家佢咩ranking? 如果佢有具備甚麼正心誠意致知格物，又點會成為受保護品種呢？所以，一蹴而就係唔得嘅，做人、置業都要腳踏實地嘛..........

師伯嘔血，等我查下【本草綱目】、【黃帝內經】睇下有冇得醫？

抽刀斷水

我又引下dye兄果句先：

原帖由 dye 於 2007-8-2 10:15 發表
沙文你有得「齊家」仲咁多投訴？

因為你做唔到齊人，因此無呢個頭銜。

沙文

呢啲就係大秦景教曲解經書教義所造的孽咯！所以我同大秦景教有不共戴天之仇！

Step.King

原帖由 沙文 於 2007-8-2 10:33 發表
我要做齊人嘛，凈齊家有Q用咩？

回復 #8 抽刀斷水  的帖子
就係因為唔啱步驟，佢地齊家之後都治唔到國、平唔到天下咯......被耶教搞到天下大亂咯

可惜齊國已被滅...

師父你今次要飲恨了~

沙文

唔怕，楚國夠被滅啦。豈不聞「楚雖3户，亡秦必楚」乎？國亡而遺民在嘛，孤臣孽子，事尚可為也

Step.King

這甚至不能代表 亡秦必齊,
而且依家秦都係亡左啦  唔通你要齊滅中國?

不過既然老大你有此大志, 末將定當追隨左右, 為你收屍擊衣~

[ 本帖最後由 Step.King 於 2007-8-2 16:23 編輯 ]

沙文

您諗野專係咁負面嘅，雖然亡秦必楚，但甚至不能代表必非齊，咁先啱嘛。您咁嘅負面情緒，eq低，您死我都未死

Step.King

我都係想老大你明白, 齊國passport 同你絕緣jey...

沙文

我冇打算出國，要passport托咩？

Step.King

唔止passport 連齊國身份証都駛諗