逃出魔幻紀

風雲變幻世局如棋，我們這些生存於棋盤中的微生物，雖然都喜歡吱吱喳喳評論棋子的移動，但能夠完全明白棋局，包括知道棋手是誰及棋手運子的目的，恐怕一個也沒有。
回顧近代歷史，不少人認為美國威爾遜、羅斯福、杜魯門三位總統在參加第一次世界大戰的時機及方式、1933年與蘇聯建交、以及1948年放棄蔣介石這三件事情上犯了戰略性錯誤，導致納粹及共產黨的興起，間接令到香港人面對今日之困局，今天的世界會否因美國總統特朗普的某個決策而進入更大的混亂呢？雖然我也想不明白世界局勢為何如此演變及明天將會如何發展，但我相信這是天主正在跟撒旦下棋，每一步棋都包含著天主無限之睿智，我們想不明白的奇怪現象可能是祂運子防御、棄子/兑子取势的暫時部署佈局，只要我們耐心看下去，必會看到天主解圍、取勢、爭先、作殺繼而進入完美收官。我對此深信不疑，因為我是基督徒，是『耶絲』一一 耶穌的粉絲。
雖然網友們都認為這裏不是邏輯理性討論而是情緒發洩的地方，而且開口說話的人只有三幾個，但我還是有興趣聽聽藍絲黃絲網友們對以下問題的答案：

藍絲群眾經常說希望中央來港直接打擊泛民反對勢力；黃絲群眾經常說與其假兩制不如直接實行真一制。大家都在說真話嗎？雙方所爭取的目標在兩三個月後即將達成，究竟哪一方是真正求仁得仁者？小鳳姐將會登上哪方的舞台？

首先我說說自己的答案：最後勝利的歌聲必在天主的舞台響起：『基督得勝，基督為王，基督王權永無疆』!

逃出魔幻紀

謝謝。不過，我係唔徹底既黃，有時會自保，有時會語無倫次，比其他的黃絲我更不清醒。 ...
哈佛專家 發表於 2020/5/29 13:47

噉黃色都分好多level嘅，有啲真係傻到唔理智見人反對就打，我有次捲入獅鳥事件，啲雨傘同拳頭喺我耳邊呼呼聲，我都驚俾人燒㗎。

哈佛專家

謝謝。不過，我係唔徹底既黃，有時會自保，有時會語無倫次，比其他的黃絲我更不清醒。

逃出魔幻紀

To: 逃出魔幻紀

我算唔算黃絲？定係當我傻左？
哈佛專家 發表於 2020/5/29 06:39

我覺得你係黃

龍井樹

分別就係你覺得人同天主同level同智商，我就認為人同天主比連細菌都不如。
逃出魔幻紀 發表於 2020/5/28 10:55

以我理解，人嘅標準應該比神嘅標準低，只屬初階。但如果連人嘅標準都達唔到，你就同我講其實佢標準點高點高，係咪似講緊笑話呢？

龍井樹

有人傳過喎，逐頁揭本古蘭經同我傾咗幾日，我都冇信。
逃出魔幻紀 發表於 2020/5/28 22:13

咁即係，你講嗰啲："死亡嘅時候就能够真相大白..." 根本唔成你信耶神嘅理由囉，明未？

哈佛專家

To: 逃出魔幻紀

我算唔算黃絲？定係當我傻左？

逃出魔幻紀

你啲口吻學到似十足補藥黨祈福黨咁嘅？
"嗱，你拎舊錢出嚟我幫你作個法，你一日三次向舊錢三跪九叩，三日 ...
龍井樹 發表於 2020/5/28 16:44

有人傳過喎，逐頁揭本古蘭經同我傾咗幾日，我都冇信。

龍井樹

大家睇野角度唔同啫。一個發酒癲係都要衝出海嘯大浪湧緊埋嚟嘅大海游水嘅醉酒佬，冇人够佢大力掹唔到佢返 ...
逃出魔幻紀 發表於 2020/5/28 10:55

你啲口吻學到似十足補藥黨祈福黨咁嘅？
"嗱，你拎舊錢出嚟我幫你作個法，你一日三次向舊錢三跪九叩，三日後你就知道我有冇料到㗎啦..."
三日之後，當你打開包錢，裡面包住嘅當然係報紙啦。

你去用你嘅理由，套用响其他所有宗教之上，其實都一樣成立㗎喎。之不過你遇啱嘅嗰個係耶教，所以信咗耶教之嘛。當初如果向你傳教嘅係回教徒，你都一樣可以用同樣理由去信安拉真主。

龍井樹

約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾 ...
beebeechan 發表於 2020/5/28 15:53

你響呢度講就好，如果俾你啲衰仔衰女聽到，原來你個衰老豆係恨不得換走晒佢哋，佢哋再衰啲趕你出街都有知。

逃出魔幻紀

約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾 ...
beebeechan 發表於 2020/5/28 15:53

衰仔有衰仔嘅功能，係一個好勁嘅靈修課程導師，不過唔係人人都肯學或者學得好呢堂課，對此我深有體會。

beebeechan

財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同約伯聚下，承諾佢哋會到天國享福，响約伯面前接佢哋上天，呢個先係完滿結局。

上帝唔駛我教掛？不過耶經作者就係古人，就係將子女當成豬馬牛羊一樣嘅私人財產，而佢作約伯記嘅目標讀者都係同佢一樣擁有共同價值觀嘅人。
龍井樹 發表於 2020/5/28 08:48

約伯傳一開頭就話約伯有十個兒女: 七個衰仔,三個衰女!
約伯每日都要為佢地每人獻燔祭來贖罪。

如結尾好似你咁講：上帝應該叫佢哋復活，然後俾佢哋同約伯聚下
咁約伯又要對住十條頂心杉，　同開始時一樣？　咁唔係　happy ending 嚟喎。

結尾約伯又得番十個兒女，　七個仔既品格無交代，　三個女就讚到頂呱呱勒。

正如你話：有閒錢嘅話換晒港元做美元會安全啲。十個衰仔衰女換十個乖仔乖女先係happy ending.

龍井樹

見你講嘢講到一舊舊，本來我都唔打算繼續回。

世界又唔係得黃同藍，而且你絕對信賴天主，都不過係留响罪人團體入面繼續做個罪人啫，你理得人有幾真誠丫... 宜家攬炒在即，有能力而又唔走嘅，嗰個咪就真誠囉，網上吹水又點可以當真呢？

逃出魔幻紀

金山找約咗葉問去你屋企決鬥，關心佢哋邊個會贏，不如擔心下自己間屋俾人打爛晒好過。 ...
龍井樹 發表於 2020/5/28 08:28

我開本帖唔係講緊間屋有冇畀人打爛嘅問題，而係想表達喺任何大風大浪中我都絕對信賴天主，另外想知道黃藍嘅初衷真唔真心，綜合幾個網站嘅調查結果，beebeechan係唯一一個肯明確表態嘅藍絲，我對chan生呢點甚為敬佩。

粗略總結後基本上我嘅印象就係：藍絲可能係現代版『葉公好龍』同『床板夾XX』，暂時得一個肯誠實講嘢；而黃絲就好似斯巴達戰狼300，言行一致。

逃出魔幻紀

財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同 ...
龍井樹 發表於 2020/5/28 08:48

大家睇野角度唔同啫。一個發酒癲係都要衝出海嘯大浪湧緊埋嚟嘅大海游水嘅醉酒佬，冇人够佢大力掹唔到佢返轉頭，我就情願用麻醉槍啪暈佢或者兜頭摳佢一棍撲暈佢，然後抬佢去醫院好過任得去標出大海。
分別就係你覺得人同天主同level同智商，我就認為人同天主比連細菌都不如。

我哋人生在世就好似睇到刺繡圖畫背面胡亂交錯嘅線條，絲毫睇唔出係一幅乜嘢圖畫，只有將畫反轉嚟睇正面先至能够真相大白，我哋死亡嘅時候就係畫面反轉嘅一刻。

龍井樹

如果作者把結尾寫成是約伯潦倒，橫死街頭，但約伯仍堅信不移，
是否會更貼現實。 ...
beebeechan 發表於 2020/5/28 02:09

財產當然要有賠償，健康亦都應該恢復，寂寞需要有人陪伴；死去嘅親人，上帝應該叫佢哋復活，然後俾佢哋同約伯聚下，承諾佢哋會到天國享福，响約伯面前接佢哋上天，呢個先係完滿結局。

上帝唔駛我教掛？不過耶經作者就係古人，就係將子女當成豬馬牛羊一樣嘅私人財產，而佢作約伯記嘅目標讀者都係同佢一樣擁有共同價值觀嘅人。

龍井樹

金山找約咗葉問去你屋企決鬥，關心佢哋邊個會贏，不如擔心下自己間屋俾人打爛晒好過。

beebeechan

當然現代嘅正常人都唔會認為呢個故事有一個 happy ending，只有嗰啲思想仍然停留响石器時代，視兒女為牛羊豬馬一樣嘅私人財產嘅人，先會覺得約伯係因禍得福，上帝要藉住賭局去俾張好牌約伯上啫
龍井樹 發表於 2020/5/27 08:56

如果作者把結尾寫成是約伯潦倒，橫死街頭，但約伯仍堅信不移，
是否會更貼現實。

beebeechan

..
係邊個撒旦又有乜關係呢？呢個網前身都只係新聞組入面嘅基督教版，邊個人扮邊個，雖然仲有 IP address 可以認，但只要係講我想講嘅嘢，你將自己改名做龍井樹我一啲都唔介意。至於用我名去撩交嗌，意圖破壞他人名聲嘅，熟我嘅人會認出佢係改名西，唔熟我嘅我根本都理得佢。
龍井樹 發表於 2020/5/27 08:56

乜出現過A貨龍井咩？

逃出魔幻紀

我睇到嘅係，邊一邊贏都好，香港都係死梗嘅。當然你可以話，香港人仲响度，香港又冇俾核彈炸到灰飛煙滅， ...
龍井樹 發表於 2020/5/27 17:12

多謝你提醒，我大半年前換曬啦，而家諗緊點樣擺去外國，以策萬全，避免一鋪清袋。