沙文

Appetizer到咗，佢照例瞇埋眼禀神。禀完就擘大眼，望下我，忽然：「問你尐嘢吖？」

我一聽就知有嘢不妙，如果handle得唔好，恐防情人節變仇人節！唔通Susanna 畀我嘅情慾whatsapp穿咗煲？

我特登大力咬pretzel bread, 等cheese dip唧到成嘴，very messy, buy some time to抹嘴，趁機諗到應對：「頭先未出門口咪已經話咗妳今日好靚咯……啊！要講埋套衫？妳今晚呢件one shoulder cut out好sexy, burgundy又零啥elegant…」

佢掘我一眼「唔係講呢尐。我唔知你自己知唔知，每次我祈禱，你都唔會等我，自己食先，但係，你媽咪祈禱你就乖乖地坐定定，等佢祈完先一齊開始食。」

其實佢禀神都好識做，耷低頭最多係10秒，祈無聲禱。我阿媽就煩好多，起碼一分半, 重要節日可能3分鐘開口禱。我咁都唔肯等佢，講到我真係有點內咎。

「啊....係咩？」我想講的本來係「咁以後阿媽禀神我都唔等佢」但係您估我真係有個天做膽咩？

「咁我以後等妳祈埋禱先食嘢咯」

「你唔駛咁樣就我，我只不過想話畀你聽，你咁錫媽咪，肯等佢祈禱，咁respect佢，我好開心之嘛。」

即係話我唔respect佢啫，妳估我唔識聽咩？「係唔係特登就妳都好，我真係覺得應該等妳祈完禱先食嘢嘅，I insist.」佢淡淡一笑，甜在心頭。

各位，我係咪main course都未上枱就跪低咗呢？表面上好似係，我就係想佢覺得係。

尐女人咁唔識諗，我都冇辦法。我唔等佢禀神自己食先，同趁佢禀神嗰陣覆Susanna嘅情慾whatsapp. 邊様令妳高興尐呢？

抽刀斷水

行街咁多年都無遇到過翁律師，等我去多啲佛堂睇下撞唔撞到佢先，到時幫你問下。

沙文

其實以上對話我有錄音，若果有機會你行街咁啱遇到翁律師，可否搭口幫我問下可唔可以拎來做呈堂證據證明佢已經同意咗？

抽刀斷水

是有蛛絲馬跡？一言既出，駟馬難追，祝你萬事勝意，與真愛牆頭馬上。

沙文

今年情人節喺新年之前，好似好少見。
係呀，兩個節日咁近，後日又要同你媽咪團年，有點intensive。
趁今年馬年，我祝我哋馬前潑水，馬到功成！

我睇死佢番書女唔識「馬前潑水」點解，佢果然中計，以為係好嘢：你中意就得啦。

沙文

証咗偽就證明聖經符合科學啫，但符合科學都未必係啱喎，聖經符合科學而裡面情節false.–咁得唔得？
like: 在1ata時水boiling point 係150C

都符合科學喎

抽刀斷水

你究竟想證明還是證偽架？

沙文

你唔肯出一分力將聖經證偽咩？以你嘅體驗，聖經好啱咩？

抽刀斷水

聖經科學化指日可待，你同陳版友一齊加油吧，不過占版友會叉能住你地既。

沙文

咁細水長流，今日我提出某一小段符合科學，明日你發現另一小段又係咁，後日陳版友又有十幾廿段……群策群力眾志成城，就係咁解

抽刀斷水

聖經某小段經文符合科學，你就想成本都塞入去全部符合？門都沒有。

沙文

但係咁，我同時亦證明咗聖經係符合科學嘅。
聽講，科學可以被證偽個可？

抽刀斷水

回覆 25# 沙文


    既能證明經文記載有錯，又可以咬老軟，一石二鳥一箭雙鵰一舉兩得又何樂而不為呢。

沙文

回覆 21# 抽刀斷水

我無非都係要證明這段記載係錯嘅:
你既聽從妻子的話，吃了我所吩咐你不可吃的那樹上的果子，地必為你的緣故受咒詛；你必終身勞苦才能從地裡得吃的。地必給你長出荊棘和蒺藜來；你也要吃田間的菜蔬。你必汗流滿面才得糊口，直到你歸了土

beebeechan

Or golden finger?  Or: why not both?
抽刀斷水 發表於 2025/2/21 23:41

呢勻實爆街喉
   
deep舌, 包埋口甜舌滑, 講野冧到老細 (風水陳就係咁汲到廿幾億)

抽刀斷水

咬軟都要有一技之長架，　擅長Deep舌?
beebeechan 發表於 2025/2/21 22:33

    Or golden finger?  Or: why not both?

beebeechan

終於睇到點解沙文咁發，原來係咬老軟。
抽刀斷水 發表於 2025/2/21 22:10

    咬軟都要有一技之長架，　擅長Deep舌?

抽刀斷水

終於睇到點解沙文咁發，原來係咬老軟。

沙文

今年由於晚生外遊, 情人節晚餐delayed。
咁情形，我當然要先confess自隊3杯以防萬一:
“我掉低你自己同Edward佢哋去潛水, 你唔會嬲我個可?”
“唔會, 你咪去玩下散下心囉, 有阿仔陪我吖嘛,雖然佢自己都要陪女朋友, 都抽到少少時間陪媽咪嘅。” 講就故作大方, 但係read between the lines都聽到有一陣酸味。

“點解我老豆唔係李嘉誠?如果我好似Victor或者Richard, 就可以隨時掉低一切帶你四圍去玩。”
為咗淡化我嘅自私, 祭出《少林足球》名句。而佢, 並冇好似一般教徒咁, 用”橫又係死掂又係死, 咁就最公平”來忽悠我, 佢嘅招式係連消除帶打嘅:

“其實你係有得揀嘅, 揀得啱, 你daddy可以勁過李嘉誠, 甚至Elon Musk好多倍。”

我即刻醒爬, get到佢咩意思, 為免墮入陷阱, 我即刻諗到點樣應對:
“其實我唔使識揀老豆, 我識揀老婆就得啦,你daddy咪即係我daddy。”

佢亦都知道今次入唔到我, 但係都識點到即止。其實都冇所謂啦, 聽見我話識揀老婆, 已經甜在心裏。

佢點估得到, 我一擰轉背就有咁多蠱惑嘢呢?

抽刀斷水

哈哈，你兩公婆互助都幾過癮喎。