搞笑

Jennifer

一個基督徒與一個離教者同在一個房間內，忽然衝進幾名槍手，槍手指著基督徒，說：「如果你不信神，我地就放過你。」
接著，槍手指著離教者，說：「如果你肯承認耶穌是神，我地就放過你。」你估最後邊個會死，邊個唔駛死？

上述並非真正IQ題，亦無「正確答案」(因為條題目係我作架嘛 )，至於答案，本人有以下愚見 (歡迎提供其他possible answers)：

該基督徒一定會死，因為背叛神的人，今日唔死，他日都會俾上帝「丙鑊金」，不如而家死左佢，仲可以得到一個「殉道者」的美名。

相反，該離教者未必死梗，因為對他來說，「神」只是一個稱號而已。承認一個不存在的東西來換取寶貴的生命 (given 批槍手唔會
食言啦... ) ，對於思想比較open 嘅離教者，應該無問題。當然，離教者當中亦不乏與基督教誓不兩立之人士，就算死都唔肯咁做的。
但如果真係咁，就帶出下一條問題：離教者信的是什麼？是「相信」自己的「不信」？選擇死亡，是為著捍衛自己的「不信」，或是
為著「相信」自己的「不信」而犠牲？

以上種種，是小妹希望嘗試回應一下近來討論的挺熱烈嘅「離教之教」問題。小妹以為，但凡一批人共同相信、擁護一個信念，就有
產生一個宗教的可能。宗教除了「終極關懷」的「指定動作」以外，亦同時提供一個「身份認同」的功能。點解基督徒咁鐘意返團契？
就係因為團契俾到一個「家」嘅感覺，讓在外頭不被接納、不被認同的人一個機會，與其他同樣遭遇的人分享經歷、分擔壓力。這個
討論區的其中一個function，與基督徒的團契，亦有點「不謀而合」嘅feel...

弊啦，從「離教」加入左「離教之教」，咪即係俾人搵左笨？  咁又唔駛咁驚住...如果大家咁諗，同基教提倡嘅非黑即白世界觀又有
乜分別？我認為，人乃群體動物，實在冇人嘅思想、行為同其他人完全不同，亦冇一種思想係「騎呢」到完全冇人擁護嘅 (你睇法西斯、
法輪功都仲有大把人信就知啦... ) 離教者之所以聚集一齊，本意或許與團契一樣，但係內容呢？基督教的團契永遠只環繞一個中心點，
就是「三一真神」，但離教者呢？依本人愚見，真正的離教者，思想不應只環繞一個中心點 (反基？)，而是可以接納「百花齊放」的理念
/ 思考模式，真正做到「和而不同」。「離教」並非终站，而只係漫長嘅思考之路嘅開始，而每個人嘅终站都唔會一樣嘅...

咁既然要做到「和而不同」，咁點解基督徒在此討論區會如此「不受歡迎」？我不知其他人的想法，但小妹的感受，是往往到此一遊的
「弟兄姊妹」，口說「神是愛」，但心想的只是如何將離教者及反基者辯倒，以期給自己的信仰/ 信念來個reinforcement，並非想
「造就」一眾「罪人」回轉，而只是「造就」自己「屬靈爭戰」的下一場「勝仗」而已...在世未信/ 不信的人如此多，為何這些到此一遊
的「弟兄姊妹」偏要向「高難度」挑戰，故意找離教/ 反基者「挑機」？或許，如果他們真的「贏」了，可能會挽救了他們對神的信心也
說不定？

以上純屬小妹無聊之作，如有得罪，望各位多多包涵!!

kwongyauleung

其實神係證明唔到的. 你信左你都係證明唔到.
宗教其實跟科學係唔同的.   如果有科學根據,就唔係宗教.  

你信同唔信其實係睇你自己既感受. 但無論如何, 人要找尋自己既宗教. 去返教會做填鴨只會呃自己. 亦都會俾人利用.  而佢地講既野亦都係阻住你去找尋真理.

好明顯為真理而離教, 只有無知既基督徒, 堅持相信 跟本證實唔到既"神".   堅持去相信, 無證無據都係要信.

weiyan

回復 21# kwongyauleung


    樓上可以去離教睇 下離教見證，可以了解下離教者係因為無知而離教或因為找到真理而離教．
有些人離教可能因為不滿教會，但仍持基督信仰．近年的house  church movement在美國影響部份教徒離教過早期教會生活．吾知樓上係邊一類．

kwongyauleung

我認為, 離教者真係唔一定反基的. 至少,反既係基督教,其實係反教會. 亦係離開了一班自稱信主找尋真理但事實做著相反事情既人.  不一定係反基督的.  

其實離教者,應該都要繼續找尋真理, 但會看清一點.. 真理不會黎自教會. 亦不會來自基督教.

反基督帝國  http://www.atypical-christianity.com/anti/

dior13dior13

也可是為了維護不信的自由，對基督徒是有幫助的．

Alice

離教者信的是什麼？   <--- 一定要搵d野呢信架咩?
是「相信」自己的「不信」？   <---- 假既野緊係唔信啦, 你通街同人講, 人地都當你痴線.

也可是為了維護不信的自由  <--- 我地跟本就係有不信既自由, 唔需要維護.

dye

「但如果真係咁，就帶出下一條問題：離教者信的是什麼？是「相信」自己的「不信」？選擇死亡，是為著捍衛自己的「不信」，或是為著「相信」自己的「不信」而犠牲？」

也可是為了維護不信的自由
也可是對槍手的不仁作出死亡的控訴

------------
相反，選了不死，也可是為槍手。殺人對槍手也有很不良的後果。作為人，也可相信槍手的良知。只有活着的人才有機會令世界更美好

Alice

基督徒走呢討論係想帶領呢度既人信主, 將呢度變成基督教網站.
係度散播 基督教既野, 只要越來越來基督徒係度留言, 寫經, 咁呢度就可以成為傳教既網站.  利用人海戰術.
教會錢多都未至於咁「徙」...   <---- 基督徒一向不合邏輯, 你見佢地花咁多時間返教會, 讀經, 聽詩歌, 你都知佢地唔覺得咁係浪費.   好難用正常人既角度猜測佢地架.

佢地仲會覺得呢度既人唔識唸, 愚頑. 利用人既智慧去背叛神.
基督徒表面上好似中立咁, 咩不反對進化論, 如果真係不反對就唔會信神.  只要信神既都會認同神做呢個世界出來.   佢地扮中立, 係等其他讀者唔抗拒基督徒, 認為佢地都係理智既.  但係無論一個基督徒表現得幾理智, 幾正常. 骨子裏都係堅持"傳教", 只要同佢地相處耐左, 會發現佢地既思想異常.

vincent123

一個基督徒與一個離教者同在一個房間內，忽然衝進幾名槍手，槍手指著基督徒，說：「如果你不信神，我地就放過你。」
接著，槍手指著離教者，說：「如果你肯承認耶穌是神，我地就放過你。」

基督徒：「信又係死，唔信又係死．．．」
槍手：「點解？」
基督徒：「咁．．．我唔會唔信！！！」
槍手：「咩呀？」

vincent123

玩針對?

Jennifer

我以前在國外住的時候，也聽聞過教會執事會聯手迫走牧師的事...不過該教會至今仍然
存在，我想，決定留低而不跟隨牧師走佬的，是不論發生何事都會力撐教會架啦...真係
「打死都唔走」...

Jennifer

當然可能最後警察出現左，大家都唔駛死嘅...

peterchansuper

原帖由 peterchansuper 於 2008-7-10 04:14 發表
基督教的團契永遠只環繞一個中心點，
就是「三一真神」???
我想是"名為上帝, 實為教會"吧!
事實上, 有不少教會的理性派因為渴望尋求真理,
更了解神而批判教會與及無理教條的,
他們自然會被排擠......
團契只環繞教會,
甚至單是教會領袖......

在我當青年團契團長期間，發生過一幕迫宮事件。由一個有號召力的團友牽頭，大概有四至五人左右（團契經常參與者其實都不過十人），相約我和團契導師到麥當勞表達他們對團契的不滿。他們不滿團契缺乏凝聚力，聚會形式太過刻板，導師只會一味用家長式訓話，團友間表現冷漠，打電話來都只會關心團友是否返教會聚會，沒有被愛的感覺。其實我亦向導師反映過團友的意見，認為應該放手給團友去搞聚會，導師不要經常以教會代表的身分去否決團友的提議。我更在一個教會聚會中以耶經「信徒皆祭師」的話向導師詰難。導師雖然在會上表現得像有點懺悔的，認為自己有不足之處和可以改善的空間，但在迫宮事件擾攘過後，教會決定取消團契職員會，團契運作交由導師全權主理。最後那個牽頭的團友轉到了附近的宣道會繼續教徒生活，而我亦漸漸淡出這個教會。

http://exchristian.hk/home/article/show/140

peterchansuper

該基督徒一定會死?
未必 wor, 可能佢信心唔夠,
就好似彼得三次不認主一樣,
又可能係上帝突然大顯神通救返佢呢!  

peterchansuper

基督教的團契永遠只環繞一個中心點，
就是「三一真神」???
我想是"名為上帝, 實為教會"吧!
事實上, 有不少教會的理性派因為渴望尋求真理,
更了解神而批判教會與及無理教條的,
他們自然會被排擠......
團契只環繞教會,
甚至單是教會領袖......

weakest

他們可能在教會有一定地位呢...某某劇集都有講啦: "一心想做武林盟主; 做到武林盟主, 便要做皇帝老子; 待他做到皇帝時, 又要長生不老..."人的慾望可以無窮無盡嘛...聞說本網有個"君子劍", 他應該甚為了解這種心理...

Jennifer

「可能是，教會 叫來的...」
受薪人士上黎離教論壇提倡護教理論？教會錢多都未至於咁「徙」...
上黎離教論壇撩交嗌嘅弟兄姊妹，喺自己教會地位都唔荒高，唔係駛乜成日黎呢到
扮權威黎平衡下心理？

prussianz

原帖由 Jennifer 於 2008-7-8 11:37 發表
一個基督徒與一個離教者同在一個房間內，忽然衝進幾名槍手，槍手指著基督徒，說：「如果你不信神，我地就放過你。」
接著，槍手指著離教者，說：「如果你肯承認耶穌是神，我地就放過你。」你估最後邊個會死，邊個唔駛死？

上述並非真正IQ ...

小妹的感受，是往往到此一遊的
「弟兄姊妹」，口說「神是愛」，但心想的只是如何將離教者及反基者辯倒，以期給自己的信仰/ 信念來個reinforcement，並非想
「造就」一眾「罪人」回轉，而只是「造就」自己「屬靈爭戰」的下一場「勝仗」而已...在世未信/ 不信的人如此多，為何這些到此一遊
的「弟兄姊妹」偏要向「高難度」挑戰，故意找離教/ 反基者「挑機」？或許，如果他們真的「贏」了，可能會挽救了他們對神的信心也
說不定？

sorry dis-agree


可能是，教會 叫來的，

可能是，受薪的，

ThANK ye