新人

艾歐羅斯

本人一路接受既教育都系 無神論者。。
畢業后來到香港工作（新移民），香港生活壓力大，又冇么朋友，當時好彷徨！
媽咪就信主多年，見人成日系屋企hea（當時未搵到工作），就叫我返教會聽下，出去行下，識下D人！
我心o念去聽下都冇壞，而且可以更多認識下香港。。。
前幾次去聽都冇么嘢，覺得還ok，就系 敬拜唱歌時間 勁長，心o念 根本就系都催眠緊人！！

之後一路都搵唔到工，心慌慌被人呃咗去做保險，冇計，心o念系教會發展事業（依家o念返覺得自己超傻超懵仔）為咗可以融入佢地，舉左手决志。。。
之後就開始比較積極咁返教會，到參加小組，到個個禮拜崇拜，小組，好少缺席，感覺成個人走火入魔咁。
其實我心裡系一直都唔系好相信（因為我系無神論者），只系裏面一班弟兄姊妹真系幾好人，都算互愛互助，更多時候我系因人而返教會，但越來越多既要求實在令人太攰。。。
唉，總之依家離開咗啦，成個人輕鬆曬！
比較難搞既系媽咪，我好愛她，但唔想因為哩件事而影響我D之間既關係，大家可以教下我點做嗎？
我老豆死的早，媽咪好辛苦養大我地三兄妹，咁她真系好艱難，但信主之後確實對於她來講，心靈有咗依靠，個人系輕鬆咗！但系唔可以因為咁，而要我信主，我真系覺得聖經好假（一路以來都系咁認為，我同教會D人講，他地就話系你誤解咗，有D嘢依家系解釋不到，因為我地系人唔系神之類既來答我），而且祈禱都幾自欺欺人。真系唔想再返教會，但系又唔想媽咪唔開心，點做？

him1006

去小d咪得loR

抽刀斷水

回復 1# 艾歐羅斯



   歡迎您！ 

阿媽係要尊重既，但係又唔可以屈就自己嘛……咁就不如求其敷衍一下佢，久唔久去一兩次，又唔駛反哂感咁，又可以應酬一下佢。

龍井樹

回復 1# 艾歐羅斯

唔想因為信仰影響關係, 大家互相尊重咪得囉.
佢有佢信, 你有你唔信, 一講信仰就轉話題, 不置可否, 咁就 ok.

艾歐羅斯

系咁話我咯，話 反正你放假冇事做，未去聽下啦，果D系真理！

咁我同她講，我依家唔信個啦，如果你認為你所相信既主，系對我地屋企有祝福既，就唔好讓哩件事影響咗我地既關係！

淚兒

咁你阿媽有無逼你和家人呀?
無就算了~