世界

沙文

由細路仔開始，我就發覺世界上係有一些問題係諗極都唔通嘅。到現在我都係咁樣認為。

其中一樣係：點解盲公要戴墨鏡？

抽刀斷水

沙文兄的思路歷程真有趣。

我試答：某些盲公雙眼係翻白或者萎縮既，望落可能令人情緒不安，佢地怕嚇親其他人，所以咪戴墨鏡遮一遮囉。

我都有個由細路到依家既問題：坐巴士上層既時候假如翻側，在當時要做些甚麼才能令自己受傷機會減至最低？

沙文

係諗唔到嘛，個問題就幾有趣，沙文兄的思路歷程就冇趣。

古代冇墨鏡時，盲公都係反白眼隨街走，大家都接受嘅。而幾時開始情緒不安呢？盲公冇理由會知道自己是否反白眼，要有人話佢知：「盲公陳，您反白眼令我情緒不安，不如戴副黑超啦。」但係，邊個會咁抵死，傷盲公陳的自尊心呢？我又唔覺盲公反白眼令我不安喎，您會嗎？是否有人整蠱盲公，話「你反白眼好樣衰」，以訛傳訛，做成呢個傳統呢？我地應唔應該話俾盲公聽，「其實我地唔介意您反白眼嫁，您唔駛戴黑超扮有型嫁」咁呢？

睇古代戲入便嘅海盜，通常就有獨眼龍眼罩，似乎是符合您的解釋，但奇怪的是，如果古代戲中有兩隻眼都盲之人，例如，盲俠佢又唔會戴兩個眼罩顧喎，點解呢？

---------------------------------------------------------
至於您的有趣問題，我都有諗過，例如升降機斷纜，在將要觸地前跳高，有冇用呢？

[ 本帖最後由 沙文 於 2007-8-26 22:22 編輯 ]

抽刀斷水

我諗，話比盲公陳知既人，可能係佢既親人或者老死，為左盲公陳著想先提一提佢，咁樣應該唔太傷佢自尊掛？

古代好多街童都好頑皮，成日整蠱盲公，咁現代戴左黑超，有型好多，而且細路可能因為唔知佢真盲定假盲而唔夠膽出手，亦為保障盲公陳免受傷害之法也。

至於盲俠嘛，武功高強，就梗係唔怕啦。

龍井樹

冇墨鏡, 可以好似鐵勾船長咁用繩縛塊銅錢遮住o者.
唔只反白眼鬼鬼鼠鼠, 有 d盲佬成個眼球冇左淨番個窿, 真係會嚇親細路架喎.

沙文

盲公有枝竹家嘛，街童好似教徒咁儍咩？

龍井樹

街童又真係幾傻架, 走去笑邪教徒以利沙個光頭, 慘被耶和華差遣獅子將其活活撕開.

抽刀斷水

原帖由 沙文 於 2007-8-27 15:04 發表
盲公有枝竹家嘛，街童好似教徒咁儍咩？

咪就係黑超有霸氣，嚇得下人嘛。

訪客得得b

你見到的盲人未必是全盲的，或許尚餘百份之十，百份之五的視力。為了保護眼球不受強光傷害，所以要帶上墨鏡。

酒井明

那麼，一些患有白內障，嚴重得看不見的人，會不會也因為這樣而戴墨鏡？

訪客得得b

原帖由 酒井明 於 2007-8-27 18:38 發表
那麼，一些患有白內障，嚴重得看不見的人，會不會也因為這樣而戴墨鏡？

要查看白內障資訊，網上容易得很啦。http://www.vghks.gov.tw/oph/education/cataract.htm

訪客得得b

講開“諗吾到”，阿女剛才都問左我一個我答不到的問題。

話說跟她游完水後去食飯，飯後出到店子門口正好下着大雨，
我打好傘就叫她跟着傘下走，以免被雨水淋濕身後患上感冒。

她後來問我，為何說被雨水淋濕身會患上感冒，
但點解又不怕在游水時患上感冒呢？

我起初以為只是一個簡易問題，但想了一下，又始終想不出答案出來。

沙文

b哥解決左我個童年問題, 我又試下解答令千金的童年問題

因為上左水就會受windchill影响, 會更加凍
http://en.wikipedia.org/wiki/Windchill

訪客得得b

原帖由 沙文 於 2007-8-27 23:16 發表
b哥解決左我個童年問題, 我又試下解答令千金的童年問題

因為上左水就會受windchill影响, 會更加凍
http://en.wikipedia.org/wiki/Windchill

係播，水裡面沒有風，就沒有那種陣寒陣暖的效應啦。
ｏｋ破案！

抽刀斷水

原帖由 訪客得得b 於 2007-8-28 00:11 發表

係播，水裡面沒有風，就沒有那種陣寒陣暖的效應啦。
ｏｋ破案！

仲有一點，就是當水由液體蒸發成氣體（或由固體冰溶解為液體）時，會吸走一種名叫 latent heat 的熱能，因此身體在濕濕地時會零舍凍（就算無風都會凍），天氣乾燥時汗水蒸發容易就感到零舍涼快，而在溶雪時總會感到特別凍（要加拿大的沙文兄核實）。

沙文

讀書果陣, 有新生入學俾老鬼整蠱，吼佢瞓著覺，將佢隻手浸入暖水，佢就會發夢痾尿，賴尿在牀上。

據稱成功率係好高嘅。點解會咁嘅呢？

酒井明

近來睇電視，我都有樣野唔明.........
點解D廚師，尤其係D自稱、人地稱為大廚o既人，出場時一定會戴一頂白色高帽？除o左教人地識別佢係一個廚師之外，有冇其他含意？

抽刀斷水

原帖由 酒井明 於 2007-9-12 10:22 發表
近來睇電視，我都有樣野唔明.........
點解D廚師，尤其係D自稱、人地稱為大廚o既人，出場時一定會戴一頂白色高帽？除o左教人地識別佢係一個廚師之外，有冇其他含意？ ...

分別有希臘及巴黎的兩個傳說：

今天世界各地廚師頭上都戴一頂白色的高帽子，這裡面有一段很有趣的故事。

古希臘國內曾經發生了一場暴亂，一些希臘人為了避難逃到了廟宇裡。在這些難民中有不少著名的廚師，廚師們像教士那樣隱居起來，一方面換來了安全，另一方面又可以為其他教士做飯，繼續他們的烹調技藝。然而他們卻有一點不滿足，他們不願意與其他教士一樣戴黑帽子。為了以示區別，他們請求戴白色的帽子。最後，他們的請求得到了滿足。

這個主意很快就傳播開來。廟宇外的廚師也紛紛效仿。而今天白帽子幾乎成了廚師們的標誌。

======

在飯店、餐館裡，每個廚師都戴有一頂白顏色的高帽。對廚師戴白高帽的由來，還有一段十分有趣的故事呢。

據說，200多年以前，法國有位名廚叫安德范?克萊姆。他是十八世紀巴黎一家著名餐館的高級主廚。安德范性格開朗風趣且很幽默，又愛出風頭。一天晚上，他看見餐廳裡有位顧客頭上戴了一頂白色高帽，款式新穎奇特，引起全館人的注目，便刻意效仿，立即定制了一頂高白帽，而且比那位顧客的還高出許多。他戴著這頂白色高帽，十分得意，在廚房裡進進出出，果然引起所有顧客的注意。很多人感到新鮮好奇，紛紛趕來光顧這間餐館。這一效應竟成為轟動一時的新聞，使餐館的生意越來越興隆。後來，巴黎許多餐館的老闆都注意到了這頂白色高帽的吸引力，也紛紛為自己的廚師定制同樣的白高帽。

久而久之，這白色高帽便成了廚師的一種象徵和標誌，演變到如今，幾乎世界各地的廚師都普遍戴上了這白色的帽子。白色高帽便成了廚師維護食品衛生的工作帽。

更有趣的是，有關部門還制訂了戴帽的標準：根據廚師技術水平的高低和廚師工齡的長短，分別規定廚師所戴帽子的高低，使人們一看帽子便知道這位廚師的烹任水平，帽子越高，手藝也就越高超。

廚師常戴的帽子，最高的竟達35厘米，所以，在法國，人們總愛用「大帽子」這一稱號稱呼那些技術水平高、有名氣的老烹調師。

http://zhidao.baidu.com/question/34688527.html

酒井明

係咪架.........？ 你講到似層層，不過，好重故仔feel 喎......
係呀，另外有樣野都想問下：點解中學女生著o既校裙，硬係日本妹會著得比香港o既女仔好睇好多呢？ 我問過一個同事，佢講過個答案我聽........不過我都想問下大家意見。

抽刀斷水

原帖由 酒井明 於 2007-9-12 16:23 發表
點解中學女生著o既校裙，硬係日本妹會著得比香港o既女仔好睇好多呢？

又唔覺喎，各花入各眼囉。