抽刀斷水

原帖由 沙文 於 2007-12-4 10:59 發表
水，有3態嘛，蒸發之時就向上升啦。絕非您所認識得咁狹隘。
我低中時物理先生教嘅

小龍無教我"Be Steam" 或者 "Be Ice" 喎。

龍井樹

原帖由 沙文 於 2007-12-4 10:34 發表
要好留心先捉摸到嘅。例如，雅各嘅細仔叫乜名，就同劇中人有關
season 3有一集叫做"Stranger in a Strange Land", 出自出埃及記2:22

我個人領會，呢套劇完全係宗教探索。以輪迴為骨幹，用大秦景教(偏向羅馬公教)為枝葉。我 ...

哈哈, 我又冇諗過劇中人都瓜晒老襯喎.

佢地響荒島上搞咁多野, 又有大肚婆生仔, 如果通通都係鬼話, 真係做鬼都好唔得閒喎.

沙文

Bruce並唔係一個chum氣嘅人。物理老師教過嘅嘢，佢唔駛再重覆嘛。

回復 22# 的帖子
我從來都唔知道做鬼應該係好得閒嘅

片中的神祕組織Dharma Initiative, Dhama係梵文，同印度教、佛教都有關，係「法」咁解



而Dharma wheel就係法輪。其logo用八卦及Dharma組合，應該係東方宗教的總合体
http://en.wikipedia.org/wiki/Dharma_Wheel

抽刀斷水

原帖由 沙文 於 2007-12-4 19:09 發表
Bruce並唔係一個chum氣嘅人。物理老師教過嘅嘢，佢唔駛再重覆嘛。

諗深一層都岩喎，水遇到要蒸發的環境，就無謂抗拒唔上升呢。要硬既時候，又無理由「柔弱似水」喎。

水的可塑性，造就萬千可能。

好似睇過莊子定係老子都有類似論調。

沙文

【老子‧道德經‧若水篇】
上善若水,水善萬物而不爭,處眾人之所惡,故幾於道。 居善地,心善淵,與善仁,言善信,正善治,事善能,動善時。 夫唯不爭,故無尤。
拿，如果water唔變做冰，又點crash呢？

抽刀斷水

原帖由 沙文 於 2007-12-4 21:35 發表
【老子‧道德經‧若水篇】
上善若水,水善萬物而不爭,處眾人之所惡,故幾於道。 居善地,心善淵,與善仁,言善信,正善治,事善能,動善時。 夫唯不爭,故無尤。
拿，如果water唔變做冰，又點crash呢？

謝謝沙兄，引經據典真不及您，而且都找到小龍的片段，認真厲害。
但係除左冰之外，water 本身都能 crash 架，海嘯既時候，好多建築物都被大海衝毁啦。

沙文

不敢不敢
您咁解都係啱。不過Bruce係話flow，唔係float，如果解成crash建築物，就同flow唔對仗喎？

抽刀斷水

原帖由 沙文 於 2007-12-4 23:10 發表
不敢不敢
您咁解都係啱。不過Bruce係話flow，唔係float，如果解成crash建築物，就同flow唔對仗喎？

我看假如是相對於crash的話，flow應該解成「慢慢流動」，crash則解成「強烈衝擊」。

李小龍的哲學："Empty your mind, be formless. shapeless, like water. If you put water into a cup, it becomes the cup. You put water into a bottle and it becomes the bottle. You put it in a teapot it becomes the teapot. Now, water can flow or it can crash. Be water my friend."
中譯：留空心靈，無法，無形，像水一樣。水倒入杯中就成了杯子的形狀，倒入瓶中就成為瓶子的形狀，倒入茶壺中就成為茶壺的形狀。水能慢慢流動、亦能強烈衝擊。像水一樣吧，我的朋友。

老子：「上善若水，水善萬物而不爭，處眾人之所惡。故幾於道。居善地，心善淵，與善仁，言善信，正善治，事善能，動善時。夫唯不爭，故無尤。」
意思是：最高的善像水一樣，水善於幫助萬物而不與萬物相爭；停留在眾人最不喜歡的地方，所以最接近「道」。上善的人住要像水那樣擇地，存心要像水那樣淵深，交友要像水那樣相親，言語要像水那樣真誠，為政要像水那樣有條有理，辦事要像水那樣無所不能，行為要像水那樣伺機而動。正因為水那樣與物無爭，所以才不犯過失。

又是老子：「天下柔弱莫過於水，而攻堅強莫之能勝，其無以易之。故曰：弱勝強，柔勝剛。」
天下萬物中沒有什麼比水更柔弱，但能攻克堅強的莫過於水的力量。所以說：柔弱能勝剛強。

李小龍訪問全版本：

沙文

冇錯。水，輕柔地流又得，波濤澎湃又得，春天時，清泉石上流；冬天又冰封千里。

而福言雋語，就係您的滾滚長江東逝水之中的一舊石，春天，您冲住佢流過，縱然佢不動分亳，但佢又阻唔到您流過。
冬天，表面上大家都唔郁，但係其實您仍在底下悄悄繼續流入大海............

逝者如斯，而未嘗往也。佢有佢做舊石，您有您流；石多之時流慢啲，亦係水嘅適應力。咁，如果係Bruce, 佢會夜啲食飯，轉台睇LOST，唔會拎雙節棍殺上去TVB拆福言雋語的Studio卦？

抽刀斷水

沙兄有您的道理，但當水被石阻礙時，雖然會繞過而始終流走，但都會造成一點衝擊。

雖然表面上是水讓石，但長此下去，卻對石造成侵蝕，正如滴水穿石一樣。

我的抗議雖然是無甚效力，食飯時候都仍可能面對這些難頂鏡頭，但希望終有一天能「浪淘沙，碎石變塵樣細沙」，柔弱勝剛強。

沙文

水冲毀屋，係ruin，而crash係硬碰硬嘛

其實，就咁嘅：傳教佬最怕嘅，唔係您駁咀，佢地最怕您唔睬佢、ignore佢。例如，牧師問我，「沙文，好多人都有個咁嘅疑問：呢個世界係點樣黎嘅呢？人又係點黎嘅呢？」我話：「我根本唔想知。」咁，佢以下所準備的創世記就冇得出場，硬晒呔咖嘞。

電視台都係咁，唔怕您鬧佢啲節目，可能仲想您鬧添。佢地最怕嘅，係您轉台。
所以，您強烈要求腰斬該節目，係冇用嘅，反而可能助長該類節目。您應該猛讚或猛鬧同時段其他台的節目，咁就有用嘞

抽刀斷水

有點不同：電視台本身並無宗教立場，另外除了收視之外還要口碑。

不過你有你的道理，可以將抗議改為罷看、轉台等行動。

龍井樹

即係咁呀，你唔見死親人 d人都對死人講「你安息啦」咁咩？

死左係咪會安息冇人知，但大家都認為死左既人係應該得到安息。

沙文

此乃大秦景教什麼「主懷安息」一管之見啫。大眾長期受其誤導，故有此說。

而LOST係以東方宗教為主幹，所以不採此說。您唔聽見season 3最後一集中Juliet對Sawyer講kamma咩？Kamma，又係梵文，係印度教、佛教所謂嘅「業」，世世延續，好唔得閒嘅

龍井樹

但有 d人，佢地被稱為「覺者」，係可以超脫輪迴，進入涅盤Nirvāna，不生不滅、不垢不淨、不增不減，遠離一異、生滅、斷常、俱不俱等‧‧‧這正正就是安息。

所以「業」都唔一定係唔可以止的。而且眾生皆有佛性，不囿於佛教徒才可進入涅盤。

沙文

「有d人」嘛。至多算我啱唔晒又錯唔哂，您錯唔晒又啱唔哂，咁好未？
現已進入涅盤嘅覺者，就真係好覺佢地精甩邊。本來佢地係應該「地獄不空誓不成佛」嘅，但係唔知点解，佢地並唔係個個都忙於普渡眾生。

龍井樹

我既佛教知識雖然唔算豐富，但都可以試下答你。
講「地獄不空誓不成佛」果個叫 地藏菩薩（Ksitigarbha）：
http://zh.wikipedia.org/w/index. ... 9&variant=zh-tw

菩薩（bodhisattva）同佛好似係唔同級既。

龍井樹

找到一些資料：

佛Buddha
意思是 覺悟者，指一個對於宇宙人生徹底明白的人，真正圓滿覺悟的人。

菩薩bodhisattva
意思為 覺有情，追求覺悟的有情眾生。佛教認為，從初發心（初信位的菩薩）一直到圓滿成佛，總共有五十二個階級，即菩薩五十二位。

大乘佛教佛經稱某些菩薩在遠古已成佛，如觀世音菩薩過去佛號正法明如來，遠古已成佛的菩薩為度眾生重入人世。


佛既是徹底明白宇宙人生的人，他怎麼可能退化回到未覺悟前的狀態呢？

[ 本帖最後由 龍井樹 於 2007-12-7 09:43 編輯 ]

抽刀斷水

原帖由 龍井樹 於 2007-12-6 14:21 發表
我既佛教知識雖然唔算豐富，但都可以試下答你。
講「地獄不空誓不成佛」果個叫 地藏菩薩（Ksitigarbha）：
http://zh.wikipedia.org/w/index.php?title=%E5%9C%B0%E8%97%8F%E8%8F%A9%E8%96%A9&variant=zh-tw

菩薩（bodhisattv ...

觀世音都是成了佛，但他大慈大悲，仍做菩薩。

http://zh.wikipedia.org/wiki/%E8%A7%80%E4%B8%96%E9%9F%B3%E8%8F%A9%E8%96%A9

龍井樹

原帖由 抽刀斷水 於 2007-12-7 09:50 發表

觀世音都是成了佛，但他大慈大悲，仍做菩薩。

http://zh.wikipedia.org/wiki/%E8%A7%80%E4%B8%96%E9%9F%B3%E8%8F%A9%E8%96%A9

所以我話唔明囉....

佛唔係一份工, 唔係你話唔做就唔做, 好似陳方安生咁, 已貴為前政務司司長, 但仍大慈大悲當上民選議員來.
(政府禮賓府有接待貴賓的規格, 立法會議員排在前政務司司長之後.)

[ 本帖最後由 龍井樹 於 2007-12-7 14:00 編輯 ]