beebeechan

你定義天國係點L樣㗎啦
沙文 發表於 2026/10/24 21:45

你自己睇說明書喇
依撒爾亞書11章 6-9

沙文

唔得閒喎。不如你直接話畀我聽說明書話入咗天國係咪又會繼續演化嘅?

沙文

哈我醒起喇, 貴教真係冇排斥演化論嘅, 而且你哋仲會自己演化埋一份添。記得唔知幾時, 有人話地球圍住太陽轉, 貴教就要拉要鎖仲緊要過國安。後來唔知點樣拗唔掂, 唯有自己低低哋慣一鋪, 演化成唔否定地球圍住太陽轉, 所以貴教對於演化, 又真係唔係咁否定。
如果唔係你哋嘅唔否定, 真係地球都唔敢圍住太陽轉咁膽大包天啦。

沙文

喂咁樣整下多一樣唔否定, 整下又多一樣唔否定, 我想請問下貴教幾時唔否定無神論呢?真係拜山都單聲畀我聽喎喂唔該曬

沙文

one more question, 既然貴教唔否定進化, 咁亞當夏娃應該係兩隻Ardipithecus ramidus嚟嘅啫, 本身都週身毛有皮草㗎啦, 馬騮剝光豬有咩咁唔見得人啫？天主整兩件皮褸佢著, 會唔會熱得滯呢? 扮黃仁勳咩家下?

beebeechan

one more question, 既然貴教唔否定進化, 咁亞當夏娃應該係兩隻Ardipithecus ramidus嚟嘅啫, 本身都週身毛 ...
沙文 發表於 2026/10/25 03:01

    如果要跟進化論, Ardipithecus ramidus 亦只不過係亞當厄娃個grandgrandgrandgrandgrandgrandgrandgrandgrandgrandgrandgrandgrandgrandgrand father,
祖先, 或者係所有生物祖先就係佢:




介紹你識 LUCA


快啲過嚟一鞠躬, 再鞠躬, 三鞠躬....

沙文

係呀我一向都有咁嘅主張, 拜祖先就係要拜佢，所謂慎終追遠，民德歸厚矣就係咁解。 不過我就從來都唔知道原來LUCA都識講嘢, 呢一樣就係聖經教畀我嘅婦女新知嚟嘅, 真係多謝曬！

只不過仍然唔知當時LUCA同上帝係用咩language溝通, 唔知神學上又有冇解答呢?

沙文

點解貴教咁唔否定進化論, 因為其實聖經亦暗藏咗進化嘅秘密:

1當人在地上開始繁殖，生養女兒時，
2天主的兒子見人的女兒美麗，就隨意選取，作為妻子。

天主的兒子係邊個? 近年來DNA研究顯示其實就係佢哋: https://en.wikipedia.org/wiki/Neanderthal_genetics

尼安德特人先至係天主的兒子, 其實我哋同天主好疏堂㗎咋, 所謂1代親兩代表3代嘴藐藐就係咁解

沙文

唔止動物喺上帝收工之後有新品種, 喺我哋之前都有唔否定進化嘅幾種第啲人類:
https://www.discoverwildlife.com ... hat-lived-before-us
唔知點解神學冇提過, 可能貴教要開新神學courses介紹佢哋, 搵你做終身prof.

beebeechan

點解貴教咁唔否定進化論, 因為其實聖經亦暗藏咗進化嘅秘密:

1當人在地上開始繁殖，生養女兒時，
2天主的兒子見人的女兒美麗，


尼安德特人先至係天主的兒子
沙文 發表於 2026/10/25 17:54

尼安德特人先至係天主的兒子, 咁邊個係人的女兒?