沙文

母親節，阿妹嚟咗探阿媽。咁啱收音機播出呢隻歌:


我同阿妹話，唔知邊個作詞咁天才，諗到咁樣孝順阿媽? 日日喺度問何日報? 因為一直未諗到，所以一直唔報住，問到阿媽咩咗，樹欲靜而風不息啦，咁就唔使報，或者係佢自己咩咗先都唔使報。唔似得阿妹你咁孝順，而家咁嘅時勢咁乸脷嘅燃油附加費，你話嚟就嚟，從來唔會問「究竟何日報先至好呢?」...


阿妹笑笑口: 唔可以淨係靠阿哥同阿嫂，我自己都要過嚟睇阿媽先得㗎。


但係阿媽就鬧鬼我:哎呀阿仔，乜你諗嘢咁尖酸刻薄 ? 係咪細個嗰陣我唔識教你? 唔知喺邊度學返嚟?你爸爸都唔係咁嘅人嚟㗎喎...yvonne你要成日話佢，千祈唔好畀阿仔學似佢咁樣......


「我話佢唔聽㗎，係奶奶你先至話得佢聽㗎咋。」


「我畀權你代表我，以後你負責同我矯正佢唔行正路嘅諗法。」

「阿媽我點樣尖酸刻薄呀? 我讚阿妹孝順你咋喎，我唔係話你咩咗喎，我係話填詞嗰條友個阿媽ju喎，結果天有眼啦，連唱嗰個都真係畀佢累到咩咗, 何日報變咗現眼報。」

但係自辯又有咩用呢? 結果都係咁就畀佢呃到把尚方寶劍。