世界上每逢出現新嘢, 改名嘅其中一個方法, 就係喺前面加個”新”字。例如新馬師曾、新夫人 、新界 、新中國、有啲地方明明並無必要, 都特登要加個新字: 新德里、新西蘭、新幾內亞、有啲個名有新字的東西, 中文唔用新字, 好似New York咁。文化界方面, 新古典主義、新詩、新數學, 政界有新民主黨、新納粹主義;科學界新達爾文主義、新大爆炸理論;經濟學界新古典經濟學、新凱因斯經濟學........
其實咁樣改名冇乜遠見, 理由係, 好似新冠病毒, 如果下次又出現第二種新冠病毒, 你叫佢做新新冠病毒, 再下一次新新新冠病毒, 咁樣無限地新落去就會好噚氣, 又要數下有幾多個新字先至知道你講緊乜嘢。
所以,”新乜”只可以用一次。好似新約咁, 就係落入咁嘅困境喇。如果上帝明天發行又一個新約, 咁係咪叫做新新約呢?
比較可行嘅辦法係編冧把, 例如windows 10, windows 11 。或者好似憲法咁, 1st amendment, 2nd amendment咁樣加落去.......
所以其實舊約應該叫做約1.0, 新約就係約2.0。如果上帝再發行新約而改動不大, 可以叫做約2.1。
唔使客氣, You’re welcome. |
