沙文

我了解這個宗教太多了，所以我是不會相信的。
抽刀斷水 發表於 2014/6/28 07:44

說話不能說得太死。我就唔敢保証我一定唔會突然有一天患失智症因而信咗耶穌。

我唔知您点可以保証自己一定唔會。

抽刀斷水

回覆 61# 沙文


    你一日唔保證，有乜冬瓜豆腐，就有機會被屈「死前信主」，你係咪想咁丫？

沙文

回覆 62# 抽刀斷水
車，就算您保証咗佢地都可以話您死前後悔曾作出此保証，隨即信主。

大家都知道失智症目前並冇咩有效方法預防/治療，您話保証，其實只不過係放空槍，咁樣反而會hurt到您嘅公信力。

將來嘅嘢有边個知丫，即如您同老婆講「我永遠愛妳」，您估佢真係唔知您純屬吹水咩？

抽刀斷水

雖然照屈，但有文獻支持的話，對方就無咁容易得逞：

http://exchristian.hk/wiki/#真實與謊言

沙文

回覆 64# 抽刀斷水

死無對証，冇咩作用。
您今日話「將來不會信耶穌」只係一個無約束力嘅statement, 第日唔好話因患失智症信耶穌，就算您擺到明話「以前未受聖靈感動，我嘅驕傲蒙蔽住本性，再加上沙文條躪癱唆擺, 所以未信。但自從   神喺我裡面作工，我就信啦。」您都無須為先前嘅statement負責，冇人吹得您漲。

情形就好似一味對老婆話「我永遠愛妳」但始終唔肯畀層樓佢揸手一樣。

所以，我認為應該咁做：成立一個「離教者關愛基金」(hereinafter called基金)，边位人仕想宣稱「將來不會信耶穌」，就同基金簽一份contract, 將來一信耶穌就將全部資產(包括offshore onshore)捐贈予基金，可追溯至合約簽訂日為止。咁，就有公信力嘞。

抽刀斷水

你既建議一樣解決唔到被屈「死前信主」既大冤情囉。

沙文

回覆 66# 抽刀斷水
点會解決唔到啫？
若您死前信咗主，基金一定會向您或您嘅estate要求資產轉移。
若然基金咁做就即係您死前冇信主啦

抽刀斷水

教會方面要屈沙文死前信主，佢係唔會理會沙文之前有無簽過呢份contract既，而基金向法院申請資產轉移時，又無法得到沙文正式確認喎，有既只係教會既傳聞，咁點轉移呀？

沙文

基金嘅 legal department會做嘢咖啦，出咁貴請佢黎食飯咩。
情形就同我今日問您借錢，去律師事務所事簽咗借據、過咗數，点知明日就瓜咗一樣。
您個律師会同我嘅executor of estate聯絡，查清哂我全部liabilities之後，睇下是否可以100%連本帶息還畀您。唔駛得到我確認嘅。

您再有咩唔明請向您嘅法律顧問咨詢啦。

抽刀斷水

既然你將對話提升到專業層次，等我有錢再向律師諮詢法律意見先。

沙文

其實，要屈人死前信主係好易嘅，您點声明都冇用。

就算您好人好姐生歐歐企响度，我都有辦法屈到您死前信主。

相信您都聽過牧師點樣問一個臨死嘅人信唔信主。佢會叫：「抽刀斷水若然您信耶穌就眨下眼啦。」或者「郁下手指」之類。

但係我諗，若然係深度昏迷嘅病人，眨下眼或者郁下手指都唔得，咁點佢地先可以信耶穌呢？一般嘅牧師遇到咁嘅情形往往束手無策，但係我就有辦法嘞。

只要用contrary thinking, 問題就迎刃而解：「抽刀斷水若然您唔信耶穌就起身做1,000下掌上壓啦。」

咁，就係人都信耶穌啦。就算您平時好人好姐生歐歐企响度，都一樣信耶穌。