抽刀斷水

第四，人地係話不可說，唔係話不可解說
jimmychauck 發表於 2024/10/7 15:10

    連說一說都不可說，仲妄想可以解說？

抽刀斷水

你咁樣睇野, 真係入咗霍金啲多維時空, 蟲洞...時空超越。(我以為只係電視劇先有既橋段, 現實中原來也有)
...
beebeechan 發表於 2024/10/7 21:57

    就幾年前之嘛，一些教徒對bigmonster的態度，又指罵異端又魔鬼咁，印象中好似有叫佢收聲快啲走，自己睇返啦（公平啲講，你就算客氣既）。

抽刀斷水

回覆 81# jimmychauck


    「說」又不包含「解說」？！ 又開多個「妄稱」出黎，咁不如你define清楚你心目中「說」「解說」「妄稱」「言諭」既分別先啦，費事又被你話我道聽塗說不求甚解混淆視聽spin離題轉移視線謬誤曲解囉。

抽刀斷水

回覆 82# jimmychauck


    你地開多個「中保」出黎做乜？不如直接啲講：

1. 耶穌係咪神？
2. 羅馬書10:9中的「神叫他」是有何含義？「神叫神」？「神叫非神」？

還是以為上述問題都是不用理會？

抽刀斷水

回覆 90# beebeechan


    咁其實邊度有講過耶穌係神？如果無既就不如就咁耶和華一神一體算啦無咁複雜，因為一般信徒要信乜既都係道聽塗說不求甚解既，唔好煩親佢地啦。

抽刀斷水

同一本經, 同一經句有唔同既理解.....足以証明 「sola sriptura」是不靠譜的教義…
beebeechan 發表於 2024/10/9 21:53

你帶出了超短基版FAQ的第一個問答：

問：根據聖經，……
答：這是解釋的其中一種。釋經書中有些地方也有幾個解釋，應該跟哪個？

抽刀斷水

回覆 95# jimmychauck


    第一，我在63樓答咗：「係你話無人咁講，我先搵個「人」出黎。任何其他人講野，其實都唔關你事。」
第二至第六，閣下在51樓聲稱「冇人話過三位一體係不可以解說的奧秘喎」，我搵個例子反駁你既聲稱，並唔代表我需要有若干百分比的認同或者要明白這個例子當中的任何訊息。

原來你分辨唔到呢點，難怪你會覺得我道聽塗說不求甚解啦。

回覆  抽刀斷水
咪正正說明該"如何復活"，那些深層的"含義"，並不是"信"所要求的其中一部份囉。
jimmychauck 發表於 2024/10/9 03:56

我一直都係問緊你怎可能在不理會／不明白「三位一體」的情況下了解「神叫他」這句，無話要了解「如何復活」，正如耶穌有無頭髮、有幾隻手指、鬍鬚有幾長，或者佢係咩中保角色，呢啲屬性都係無助於了解「神叫他」。
        

又因咩事去到羅10:9"神"，又要解到咁深，唔深唔明奧秘就信唔到？
jimmychauck 發表於 2024/10/9 03:56

    你咪信囉，但就會被我話你道聽塗說不求甚解雙重標準寬己嚴人咁啫。
        

即係如果你真係覺得要求真嘅，你比一啲信徒求真嘅要求係高啲嘅，我就認為你係處理自己思想體系方面要花啲功夫。
jimmychauck 發表於 2024/10/9 03:56

    都好多謝你真誠既意見。

抽刀斷水

sola sciptura自有聖經支持
jimmychauck 發表於 2024/10/9 22:34

    循環論證謬誤

個人覺得sola sciptura係死路一條：有聖經支持就中謬誤，無聖經支持就出師無名／無中生有，又無得有與無之間（部分有／不理會／不可知／不可說……）。

抽刀斷水

首先當然是消歧異，"叫"不是"呼喚/透過聲音傳遞訊息"乃指"使得/令到"。
jimmychauck 發表於 2024/10/10 00:28

    我唔知你係故意混淆定係真唔明：

「神叫他」嘅「他」如果係指耶穌，但耶穌如果又是神，即出現「神叫神」這個幾可笑既描述，即係類似將「我聽日返工」講成「我叫我聽日返工」，又會咁得意既？一般用語真係唔會咁用架喎。

不過，如果你想表達係你明咗、我唔駛明既，呢個case唔駛用到三位一體來解說，信徒亦唔駛明白三位一體就可以應用羅馬書10:9做到教徒，咁就由得佢啦。

抽刀斷水

你只看兩極端都係唔好
只係唯讀經文, (+自已嚟解), 唔理人點講


同
只聽人講, 唔睇經書點講。

都係走 ...
beebeechan 發表於 2024/10/10 00:32

sola scriptura咪就係前者囉，咪就係死路一條／走火入魔囉。

有只聽人講既信徒既咩？聖經一頁都無自己睇過？

抽刀斷水

信徒唔明白三位一體就唔好做教徒。都係咁上下既邏輯
beebeechan 發表於 2024/10/10 01:56

    佢多次引用羅馬書10:9嘛，如果呢段經文係咪唔駛用三位一體又解得通「神叫他……」？都唔緊要，唔明既話，就做個道聽塗說不求甚解既教徒囉，有乜咁大不了啫。

抽刀斷水

即係話: 你能打過木人巷先好入少林寺拜師。
抽刀斷水 發表於 2024/10/10 02:00

    打木人巷係用黎落山既條件，即係代表你學滿師，唔會丟架少林寺學武既聲譽。

你唔明三位一體就信呢個宗教，即係相當於你無打木人巷就落山，雖然你聲稱曾經晌少林學武，但你啲功夫就備質疑囉，即係道聽塗說不求甚解既教徒。

抽刀斷水

咁你每餐飯食前, 都拎去化驗下, 有無幽門螺旋菌, 大腸䏷菌, 老婆有無落毒..先好食囉。 ...
beebeechan 發表於 2024/10/10 02:07

    我對食物向來要求不高，噢你咁講既係表示教徒對信仰既要求都不高？

抽刀斷水

有, 係大陸農村, 三四線小鎮到, 都唔係人人識字, 可以買到本聖經嚟讀
(聖經在內地, 毒品一樣)
真係只聽人 ...
beebeechan 發表於 2024/10/10 02:02

    咁教宗要多啲好說話先得了，快啲放啲名門正宗入黎以「正」視聽。

抽刀斷水

回覆 121# beebeechan


    對於掌權者黎講，邊個表現乖、唔會搞推翻政權既事，咁就揀嗰個囉。

抽刀斷水

明白多啲，只係多一層不同嘅理解啫，難道世間萬事都只有一種理解方式？
jimmychauck 發表於 2024/10/10 04:39

    咁其實即係代表不同教徒對於呢個宗教／呢個神都係有各自不同理解，咁其實仲係咪同一個宗教／信緊同一個神？

抽刀斷水

為免跑題，都係返返去最初"超短基版：可考慮新增以下類別"帶出嘅問題。
VSCFAQ，有冇道聽塗說不求什解嘅地方？如果有道聽塗說不求什解嘅地方，果啲地方需否review吓改吓？唔啱你寫個出處都好呀，等我有人問，唔會經常煩你問你嘛。
即係如果，有人想指出信徒係道聽塗說不求什解，我希望佢喺求真嘅態度上比信徒嘅要求更高囉。
jimmychauck 發表於 2024/10/10 04:39

    我晌102樓發現，原來你係分辨唔到，引述例子、轉載文章、張貼新聞……係唔代表我需要有若干百分比的認同或者要明白這些文章例子當中的任何訊息，正如我引述某某神學家既說話，唔通我又要認同？我引用聖經，唔通我又即刻信咗教？難怪你會覺得我道聽塗說不求甚解啦。

抽刀斷水

回覆  抽刀斷水
有冇出處呀？引述邊度呀？轉載自邊度呀？

咁你可摸耳確認果啲字冇一隻係你發表？
...
jimmychauck 發表於 2024/10/10 17:54

    請參看：
周兆祥 [離教百科] (exchristian.hk)


聖經誤譯誤信舉一反三 - 基督宗教 - 離教者之家 (exchristian.hk)

抽刀斷水

咁人地寫嘅野你唔認同，你都可以出聲㗎，你直接話我知，謬誤列表-稻草人論證，你沒有提出該觀點，你不認同該觀點，咪得囉。
jimmychauck 發表於 2024/10/10 17:54

    唉，最衰我好多野都懷疑，通常都唔會百分百去認同某啲野，呢種好似叫懷疑精神。有啲野我又唔會去諗，但又見幾得意，都想同其他網友分享，令你誤會我認同果啲野添。

抽刀斷水

不同嘅理解，有冇共通嘅地方？
咁係要睇同定係睇不同？你可以指點一下未？
jimmychauck 發表於 2024/10/10 18:12

    有典故架，唔到我出黎賣弄指點啦：

瞎子摸象

古代有一個國王，要大臣召聚盲人來摸大象，摸完之後，問每個盲人他們認為大象長什麼樣子，摸到象牙的人說「象長得跟蘿蔔一樣」，摸到象耳朵的人說「象長得跟畚箕一樣」，摸到象頭的人說「象長得跟石頭一樣」，摸到象鼻的人說「象長得跟杵一樣」，摸到腳的人說「象長得跟木製的臼一樣」，摸到背的人說「象長得跟張床一樣」，摸到肚子的人說「象長得像個甕一樣」，因著每個人摸到的部位不同，而對象的外觀有了不同的看法。其實他們摸到的都是象，也都不是象。

所以你所理解的上帝，跟其他人所理解的上帝，可能有部分是共通，但又可能有部分不一樣，好基本既set theory，你讀電腦無讀過咩？