成, 政府, 私生活, 基督徒

抽刀斷水

隔牆有耳：醉波閉翳密會弟兄告解

醉駕劏房發展局局長陳茂波嘅私生活，似乎冇乜受連番醜聞影響。八方日前喺灣仔皇朝會，就撞到佢同白鴿黨前議員黃成智食完飯，兩人言談甚歡，離開時仲握手道別，唔通醉波閉翳到要搵成智解悶？

坐低傾祈禱會安排
查實佢哋兩位基督徒，係應一位牧師邀請聚會，同場仲有蘇錦樑、羅范椒芬、邱騰華、邱誠武同鼠王芬，可算係「波基」飯局。唔講唔知，原來立法會每周三、政府每周四都有祈禱會；既然政府同立法會都換咗屆，成班教徒咪坐低傾傾，將來祈禱會嘅安排囉。
八方唔知醉波席間有冇為自己仕途祈吓禱，但據聞佢冇飲酒，見過鬼仲唔怕黑咩。有警方老友同八方講，醉波日前主動落口供後，佢哋已經循住「一宗傳媒報道過嘅交通事故」作跟進，可能都會搵番當日傳媒影到嘅片段調查吓。



http://hk.apple.nextmedia.com/news/art/20121010/18036909