嘗試評論樓主以下感受：
“盧偉祺有這樣不知廉恥的父親
還敢向教友們宣講愛人如己的訊息
他父親的行為令我對基督教信仰更討厭
以及更反感”
盧偉祺牧師除咗勸佢父親停止犯罪，悔過遷善之外（假如其父亦係基督徒，假如佢已經勸咗），仲可以點做？唔通佢父親犯罪佢就失去咗傳福音嘅資格？唔通佢父親犯罪佢就唔供養佢唔孝順佢？衹要佢畀父親嘅錢係佢自己嘅合法收入，就冇問題（前提係要適當，而唔係佢老逗話要多啲錢包二奶買奢侈品去威過隔離三叔公佢都去畀）。聖經新約中耶穌基督冇提過，父債子還和延後代嘅事，所以我覺得樓主討厭基督教係一件事（我衷心希望你唔好討厭基督教，繼續誠心追隨耶穌），但因為牧師父親嘅行為而更加討厭基督教就大可不必，而且毫無道理。
相反，我好佩服呢個牧師 ，佢喺上帝為佢安排嘅複杂環境中，仍然努力跟隨耶穌做福傳工作，殊不簡單（當然實情係點樣祇有上帝同埋牧師自己先知道）。我係天主教徒，我嘅本堂神父日忙夜忙做堂務搞到到瞓覺都冇時間，但係佢個親兄弟就正在監獄服刑，對佢嘅長期關心毫不領情。基督徒應該先處理好自己眼中嘅大樑，再去處理兄弟眼中嘅木屑。耶穌叫我哋揹負自己嘅十字架去跟隨佢，冇叫我哋孭埋人哋嘅十字架。 |
2019/6/4 14:26
| 
