逃出魔幻紀

我在前半生曾經做過多次重大抉擇，憑著自己的小聰明及努力，基本上百發百中，因此覺得自己就像人生的常勝者而沾沾自喜。直至有一次，需要做一個投資大抉擇，我憑自己一向自豪的羅輯小聰明作了當時自認為是很明智的決定。但是，所選擇的一方後來不怎麼賺錢，而被我捨棄的一方卻以火箭般的速度成長，屢次想改弦易轍追回損失，但因積重難返而無能為力。這個錯誤所造成的損益差額相當於一個頂級受薪人士幾輩子的收入。這件事令我長期不能釋懷，覺得自己就像在奧運會爭冠軍的決賽中馬失前蹄而抱憾終生。雖未至於抑鬱，但負面情緒就像一個幽靈般跟隨著我，冷不防在我的心頭咬上一兩口，令我的前額及心頭好像被刻上“後悔”兩字不能擦掉一樣。曾用過很多思考及靈性的方法對付它，例如用 “比上不足比下有餘、隨緣、不執著、放下” 等方法思考以開解自己，但這陰魂不散的東西始終驅之不去。成為基督徒之後，我厚著面皮大膽嚐試請求耶穌幫助，求令我理解這個錯誤抉擇及其後遺症在我生命中的意義。祈禱了幾天便得到如下信息：“這次錯誤的投資決擇充其量只能導致人生在世幾十年的後悔，但如果在天堂與地獄的方向選擇上犯錯，就會導致永遠及無限的後悔和痛苦。就如貧窮是人生奮鬥的推動力一樣，人生的失意也可成為靈魂奮鬥的優質燃料。”
得到這個解答之後，我額上及心中的刻字消失了，長期跟著我的幽靈亦像煙被風吹一樣消失得無影無蹤。而且，心中産生了一份在大考試中及格過關的喜悅。
跟大家分享這個經歷，是想説我每次山窮水盡徬徨無助時，轉而求助於耶穌都能獲得力量，剋服困難而獲勝，且這種得益是毋須付出任何令人不安的代價去交換，那種踏實感及喜樂感，真是非筆墨所能形容。

逃出魔幻紀

回覆 11# 旁觀者
我唔識點樣喺人哋篇文章度整一段說話出嚟作針對性答覆，淨係識得剪貼，希望有網友能夠教下我。

旁觀兄嗰篇類似大陸民族主義文章嘅下列一段說話，令我聯想到另一個人：
“而我們，才是自己文化的主人。我中華文化博大精深，儒、墨、法、道、禪、玄，哪一個不比基督教更真、更美、更善？這世上，豈有主人不當去當別人的狗之理？讀了十年《聖經》，還真沒發現有絲毫的可取之處。 ”
以上論述令我聯想到曾經喺呢個網站抑或邊度睇過一個離開基督教嘅人所寫嘅一篇長文，佢曾經喺教會入邊好努力學習好努力做嘢，並顯示自己曾經做過組長乜長物長之類覺得有成就感仲好有上進空間噉話，並歷數基督教會內嘅人事糾紛牧師教友自私之類嘅諸多不是，令我印象最深刻嘅係佢話教會要求佢依登山寶訓而行，令佢覺得內心鬱悶，成日要原諒得罪自己嘅人，就嚟變成“娘娘腔”喇噉話。睇完佢篇文章，我覺得人類萬惡之首 - 驕傲自大佔據咗佢內心好大部分嘅空間，唔怪得佢咁委屈要離開教會啦。旁觀兄嗰篇文章我剪貼嗰段說話亦都係噉，文章作者將信基督教嘅人想像成外國狗，信仰儒釋道包括外國佛教者先至係人，雖然都係出於不能愛己及人嘅自大，但係這種義和團式嘅人狗邏輯，比上述娘娘腔嗰種驕傲層次更低。

逃出魔幻紀

按「引用」，預設係回應該帖既開頭，如果你想回應中段，就首先將該段複製，按引用後把開頭改為你想 ...
抽刀斷水 發表於 2019/6/18 18:58

唔該曬抽刀網主

逃出魔幻紀

閣下都未明文章講緊乜。
        旁觀者 發表於 2019/6/19 02:56

唔怪得啦，原來係方舟子嘅文章。方舟子雖然係一個好有邏輯思考能力嘅人，佢嘅某d思考方法同埋人文觀點我都覺得有可取之處，但係佢係一個無神論者，噉樣佢關於宗教嘅觀點我就冇乜興趣去評論同理解喇，因為有神論者同絕對嘅無神論者係冇辦法就宗教話題溝通嘅，原因係認識上嘅南轅北轍，例如嬰兒認為想飲奶食糊仔就要喊，一喊大自然就會提供食物，但係成年人認為想飲奶食糊仔必須養牛種稻米，或者做其他工作賺錢去交換。嬰兒同成年人嘅以上認知，都係佢哋經驗同認識嘅事實，但雙方係冇可能說服到對方嘅。

不過如果我冇睇錯，呢度嘅網友都可能唔係絕對無神論者，佢哋係唔承認神嘅存在，但又未去到承認神嘅唔存在，如果去到咁絕對，我諗都冇興趣留喺呢度傾偈啦。

耶穌嘅教導用咗大量嘅比喻，因此，讀聖經唔應該斷章取義按字面去理解，否則我哋點樣去理解漁夫的漁夫，死人葬死人呢啲表述呢？

逃出魔幻紀

有空間就好，灰色地帶越大越好，咁樣先多啲機會討論。想請教下“包括新教的耶和華亦是異端邪說”呢句話點解？

逃出魔幻紀

[quote]提出的人信天主教是大淫婦就可以，我信不信有何相干？
我同意呢個觀點。本人企喺基督徒嘅立場，認為嗰個新舊極端保守宗派，都係根據佢哋自己認為啱嘅神學觀點去解釋聖經，至於邊個啱邊個唔啱，最屘都要由耶穌嚟裁決。