逃出魔幻紀

哈佛先生你都幾得意喎，成日鋪咗啲嘢又鏟返，好似天人交戰得好犀利噉。而且40%30%30%好似搵把尺度喎噉，哈哈哈，講笑嗻。好欣賞你對尋找靈魂歸宿事宜嘅認真同執著。我冇皈依過佛教（因為覺得高來高去冇乜可能實現），但係30幾年都以佛教嘅五戒十善作為生活嘅導航儀。轉捩點係睇到一個皈依印度教嘅香港女人嘅見證，佢修到非常高級（記得好似話有紫光定乜嘢噉，總之好勁），印度教徒對佢畢恭畢敬，但佢就喺咁高層次，打坐嘅時候出現問題，入定嘅時候遇到淫魔群亂嘅情況，更高級嘅人話畀佢聽過咗呢一關就會upgrade 噉話，但係佢次次去到嗰度都覺得超恐怖超核突，有一次佢頂唔順，念咗一句基督教徒教過佢嘅“奉耶穌基督之名驅趕……”之類嘅咒語，成個恐怖場景即時灰飛煙滅煙消雲散。這個人後來皈依咗基督教，讀埋神學院。
我揀教會嘅時候同你有啲相似，覺得天主教比較內斂，比較適合曾經鍾意佛教嘅我，而且，因爲我係一個鍾意玩古董嘅人，揀天主教就唔使銷毀屋企啲古董佛像同佛畫。點知受洗之後，自己漸漸將啲各朝代佛像佛畫包括宮廷造辦處製品，全部收落床下底，有個神父話呢啲係文化，擺嚟欣賞唔係供奉就冇問題，但係我打算搵另一個支持我嘅神父幫我做個儀式，將呢批嘢全部燒燬。

我喺探索過程中，一路儘量跟聖神行，而唔係跟世間欲念行。雖然我對天主教某d位唔係好認同，但呢個教會始終都係我最鍾意嘅靈修平臺，尤其係我最愛嘅聖體，我每日都去朝拜聖體同耶穌傾偈。

哈佛專家

最近精神比較恍惚，需要休息。

逃出魔幻紀

係囉，　
黃色，　藍色都要有。。。
咁加埋就係綠色，　象徵和平
beebeechan 發表於 2019/7/25 22:51

黃藍嘅嘢比較好講的，要講到溝埋變綠色和平唔係冇可能，但係好艱難，事百倍而工甚微，所以，好似無謂嘥心機，打係最有效嘅方法。事實上亦都係噉，如果唔係美國佬出聲，老解應該一早打咗，天下已經太平。
對待政治問題，我通常習慣首先瞭解成件事嘅底蘊，再根據啱自己立場嘅學術理論，再配合歷史同埋事件中主角配角等人物嘅性格，去作出判斷。黃衫黑衫人係咪全部都噉樣理智分析我唔知，但佢哋目標肯定好明確：唔想香港變new薑東厰，嗰啲跳樓自殺嘅人令我諗起當年美軍攻佔沖繩時跳崖自殺嘅婦孺。白衫人大部分要求安定團结，情願冇民主唔想無飯食，有冇人真喺好想喺香港實現共產主義我唔知，不過圍村白衫佬肯定冇，佢哋只為錢。根據歷史經驗，呢班白衫佬鄉紳土豪喺一國一制之後會被拉去打靶（唔睇歷史書可以睇電影，譬如葛優嘅《活著》）。因為藍衫白衫普遍無明確嘅理想，所以先至會出現肥媽喊到收唔到聲噉講“我讀得書少，你哋啲大人物出嚟講下嘢啦，唔好兄弟姊妹互相打交……”，佢到而家都未知發生緊乜嘢事。

呢個問題講開手尾長，要令到Maria Codero明白發生緊乜嘢事，係一件相當艱難嘅事。我曾經喺呢度勸過一個五毛睇兩部書：涅恰耶夫嘅《革命者手冊》，同埋馬克思、恩格斯嘅《共產黨宣言》，我覺得呢兩本書係理解目前香港局勢嘅ABC入門基礎讀本。

深奧嘢唔想講太多，勞氣兼冇效果，喺呢度舉兩個簡單嘅例子嚟支持我嘅觀點：1）艾未未《香港的抗爭能贏嗎？》；2）葉劉係一個撐警集會度發言講：我喺英國住過兩年，喺美國住過四年，感覺到係外國係冇人會錫你架！
我對呢兩單嘢嘅感覺：1）艾未未同佢文章中所講嘅人嘅經歷，我都略為經歷過（我踎過大陸嘅監），佢講嘅嘢我認為係真實嘅。2）葉劉嘅經歷我亦都經歷過，我喺日本住過兩年，雖然唔係英美，但同屬民主先進國家，我嘅外國生活感受同佢完全唔同，冇話錫唔錫嘅問題，民主國家一視同仁依法辦事，你係乜嘢身份就可以攞到呢個身份應有嘅福利，唔會有任何差別。我唔知葉劉講嘅錫係乜嘢意思，你唔投入外國嘅社區文化唔單止，唔通反而仲要求外國政府因應少數族裔嘅習慣，逢年過節俾啲蛇齋餅粽你？

以上兩個例子可以睇到：黃絲有明確嘅政治同個人自由意向選擇，藍斯則比較偏重感性及個人利益。

作為基督徒，我而家都比較抽離少少嚟睇呢啲問題，7-21我著住黑衫從維園行到中環，只係叫過“香港人加油”，其他嗰啲“林鄭收皮”、“祇有暴政，沒有暴徒”嗰啲，我一句都冇叫過。

逃出魔幻紀

絆倒人都要照講，通識就係要學生全面吸收知識，唔好側埋一邊。
抽刀斷水 發表於 2019/7/25 22:46

同通識有D分別，基督徒講說話時心中有把尺，要講成就別人嘅說話，所以唔講絆倒人嘅說話。
不過關於呢個問題，我直講無妨，因為心中平安，唔認為呢個諗法有罪：

我覺得教宗同其他包括佛教道教伊斯蘭教嘅領袖同台祈禱，各念各經以祈求世界和平，就等於認同同台嘅宗教人士所唸嘅經文同天主教嘅經文，對促進世界和平有相同功效（起碼畀人哋嘅感覺係噉）。設想下：當年如果梅瑟、若蘇厄喺約旦河兩岸起壇獻獻祭俾天主, 但同時又聯合巴郎同伊則貝爾喺隔籬起個壇拜巴耳, 共同為迦南地人民嘅生活幸福而祈禱,  我哋應該點樣理解呢幅圖畫呢？
呢個只係我自己嘅“各自領悟”,  我唔敢一口咬定話教宗唔啱,  尋求緊,  領悟緊,  因為心中唔平安,  所以目前唔認同。

beebeechan

絆倒人都要照講，通識就係要學生全面吸收知識，唔好側埋一邊。
抽刀斷水 發表於 2019/7/25 22:46

係囉，　
黃色，　藍色都要有。。。
咁加埋就係綠色，　象徵和平

抽刀斷水

回覆  beebeechan
唔想喺呢度公開講，好容絆倒人。
逃出魔幻紀 發表於 2019/7/25 21:18

    絆倒人都要照講，通識就係要學生全面吸收知識，唔好側埋一邊。

beebeechan

各人自己領悟。 ...
逃出魔幻紀 發表於 2019/7/25 22:04

新教教會四分五裂，　如雨後的筍。。。
就係出自『各人自己領悟。』

天主教的好處是當人不知如何是好時，
就給予一個方向，　一個立埸
雖然，　人仍然可以不依從：　我自己同上邊交帳便是

逃出魔幻紀

你係講你自己之喎
beebeechan 發表於 2019/7/25 21:44

我係想睇下你會唔會話無問題，同埋冇問題嘅理據之類嗰啲，如果冇嘢提出就OK啦，各人自己領悟。

beebeechan

回覆  beebeechan




唔想喺呢度公開講，好容絆倒人。
逃出魔幻紀 發表於 2019/7/25 21:18

我就會感到非常不安

你係講你自己之喎

beebeechan

回覆  beebeechan
按照你呢個界定核心教理嘅方法，我兩邊都信，但又兩邊都有嘢保留。

逃出魔幻紀 發表於 2019/7/25 19:58

我一向鐘意用比喻來輔助解釋。


好多人都畫漫畫像












當然，　都是畫同一人，　
有些人畫得像，　有些畫功差一點，
大家都認出是畫誰。

當中也有畫得最接近，　最似樣的罷。


基督教會，　大家知道他們都在講耶穌，
總有些人講得不太似真像，　
有些人講接近一點。

逃出魔幻紀

回覆 33# beebeechan
唔想喺呢度公開講，好容絆倒人。

beebeechan

..

。請你指教我呢個不安有乜嘢問題。
逃出魔幻紀 發表於 2019/7/25 19:58

　是你內心的不安，　應由你自己去思考
（至少也要講少少你不安的地方是甚麼）


別人難以代勞。

beebeechan

..
如果佢哋真係咁勢不兩立
逃出魔幻紀 發表於 2019/7/25 19:58

咁又不至於要用上勢不兩立呢個咁挑釁性既字眼。
你估係中世紀分裂初期咩

逃出魔幻紀

回覆 30# beebeechan
按照你呢個界定核心教理嘅方法，我兩邊都信，但又兩邊都有嘢保留。
如果佢哋真係咁勢不兩立，就唔會年年搞基督宗教聯合祈禱活動啦，我參加聯合祈禱活動嘅時候心中冇違和感覺。但係我每次見到教宗同其他包括佛教道教伊斯蘭教……嘅宗教領袖同臺祈禱，各唸各經祈求世界和平幾時，我就會感到非常不安。請你指教我呢個不安有乜嘢問題。

beebeechan

請你說說天主教教理核心？我估計我應該因應你的理解去調整一下我的說法，但先聽聽你說核心是什麼？
逃出魔幻紀 發表於 2019/7/25 14:58

先以信經的內容,
便可把一半的新教教會剔走。


與信經相符的，　算是正統教會罷，　也只做到信經的九成。
『我信唯一至聖至公，　由宗徒傳下來的教會。』，　它們便辦不到了。


即使是正統的新教教會，　與天主教的分別還是多著：
新教不信天主教教導的
＊聖體聖事
＊修和聖事
＊煉獄
＊聖母無玷原罪，　聖母升天
＊天主教七件聖事中，　他們只保留三件

天主教也不認同新教所說的：
＊因信稱義
＊唯獨聖經
＊聖經無誤
＊選定，　預定論，
＊未日災難說，　被提升天
＊教會外無救恩

其它次要一點的分別。。。。不談了。

逃出魔幻紀

回覆 28# beebeechan
請你說說天主教教理核心？我估計我應該因應你的理解去調整一下我的說法，但先聽聽你說核心是什麼？不能與示威反示威人士的說話或觀點混為一談，藍黃黑白的事很難說清楚，我覺得情形有點像巴別塔。

beebeechan

回覆  beebeechan

核心教理與天主教不相勃的基督教，都是我所認同的。
逃出魔幻紀 發表於 2019/7/25 12:50

為甚麼『核心教理與天主教不相勃的』你又會去『認同』既呢？
不合邏輯喎。


有點似某議員咁講：我地係『和平示威』, 不過支持『良心暴力』

逃出魔幻紀

回覆 26# beebeechan
正是這樣，天主教、正教、及核心教理與天主教不相勃的基督教，都是我所認同的。

beebeechan

回覆  beebeechan

雖然教會夠膽這樣説，但我看著聖經，心裏還是很不平安，還是不敢絕對認同教會的觀點。
逃出魔幻紀 發表於 2019/7/25 11:49

你這點，似乎有少少新教唯獨聖經的影子，多多少少也滲入了一些了。

天主教重視聖經，但不會把聖經視為唯一的教導來源。
「聖傳」，通諭都是重要的。

beebeechan

回覆  beebeechan
根據《天主教教理》的有關條文，中國及林鄭政府已屬不義，已失去了權柄的正當性。雖然教 ...
逃出魔幻紀 發表於 2019/7/25 11:49

林鄭的一條逃犯條例，
不至於把她與希特拉，張獻忠。洪秀全 ，赤柬，金正恩， ISIS 相提並論罷。

逃犯條例，也不是全都是壞東西。