逃出魔幻紀

想不到近來搞得滿城風雨的修改逃犯條例事件，對我的靈魂起到了啟發作用。

我學習聖言的其中一大難點，就是《羅馬書》13章關於“要服從上級有權柄的人”的規定，保祿宗徒説“……反抗權柄，就是反抗天主的規定，而反抗的人就是自取處罰。……因為他不是無故帶劍”。

我由此思考到：我若是ISIS治下的基督徒、希特勒治下的猶太人、赤柬治下的柬埔寨人、金正恩治下的北韓人、甚至是張獻忠治下的大西國人和洪秀全治下的太平天國人，我應如何自處？張獻忠詔令國內文仕進京考科舉時，我是遵命赴考被砍，還是逃離大西國呢？

身為基督徒，我一向對由撒旦教徒馬克思所創建的共產黨及其建立的政權有一種抵觸情緒，這亦是香港回歸後我一直比較同情民主派的主要原因，但這種思想與上述“服從權柄”的精神有所抵觸。就這個問題，我問過神長，亦查找過資料，但始終未找到一個令自己信服的答案，遇到相關情景時，自己的立場便進退失據。因此，唯有暫時將這個難題存於心中，等待聖神在適當時侯帶領我去理解。

這次香港史上最大的政治風暴中，共黨屬下掌握權柄的政府與愛自由的人民展開了大對抗，迫使我再次思考這個介乎於屬靈與屬世之間的問題。這次我向耶穌祈禱求指引而不是只靠自己推敲思考，過了幾天，在看一些屬靈文章時忽然間想到：耶穌在登山寶訓叫我們“當為迫害你們的人祈禱”，若我們像耶穌在十字架上求天父寬赦迫害他的人一樣，求主寬恕迫害我們的統治者，這當中所包含的邏輯很微妙：天主不會無故寬恕犯罪的人，罪人若想得到赦罪，前提是自己必須痛悔認罪，求主原諒。因此，如果我懇求天主赦免砍我的張獻忠皇帝而他又真的獲得赦罪，即是説他已真心認識到自己的砍人的罪過並向天主誠心懺悔，這不是天大的好事嗎？所以，我們為任何大奸大惡的迫害者包括ISIS等祈禱並祝福他們，非常合邏輯，我們是在求天主轉化惡人以令世界和平。

記得以前我在慕道時期，每天自作聰明為撒旦祈禱，求天主令其轉化，知罪認罪向天主痛悔，戴罪立功以令世界和平，慕道班導師知道我這個行為後，面上浮現出奇怪的表情，我因害怕此舉違反教理，便停止了這個祈禱。現在回想起來，這個為撒旦的祈禱正好吻合上述邏輯，天主應該不會責怪我罷。

誰人掌握權柄及用何種手段去治理人民，全是天主的安排，聖經記載的以色列歷史，包括亞述、巴比倫、波斯、羅馬等國與猶太人的互動關係，清楚説明了這一點。

如此想來，我雖然不贊成政府的某些政策，但如果官員不聽从民意，在保皇黨的護航下胡作非為，壓迫人民，作為基督徒的我，亦不應該認同詛咒政府人員的做法，雖然形勢很無奈。

話又說回來，雖然我有如此靈感想法，但如果知道張獻忠叫我參加科舉考試，是要將我砍成兩截的話，我還是會選擇違命逃跑。

逃出魔幻紀

回覆 13# beebeechan
哈佛專家說得有道理（唔知點解佢又鏟咗自己嘅回覆），香港亂局的根源可能是因為假裝民主但不是真民主，要麼來個真獨裁就有“安定團結”了。
我亦希望長期有明君輩出，以抑惡揚善方針治理國家，但縱觀歷史，明君只如鳳毛麟角。所以某種程度上我對李光耀的獨裁不太反感（雖然他明不明見仁見智）。如果沒有李光耀，新加坡可能早已成為馬共陳平掌控的赤柬金邊式城市，最起碼不會從以前香港的下國，變成為現在的上國。
真正的理想王國，我相信祇有基督重臨為王時才可實現。現在就如波蘭立法以耶穌為國王，恐怕亦擺脱不了人的劣根性所左右。

逃出魔幻紀

回覆 20# 哈佛專家
有時適當思考下社會問題，都係必須嘅。

逃出魔幻紀

回覆 3# beebeechan
根據《天主教教理》的有關條文，中國及林鄭政府已屬不義，已失去了權柄的正當性。雖然教會夠膽這樣説，但我看著聖經，心裏還是很不平安，還是不敢絕對認同教會的觀點。

逃出魔幻紀

回覆 26# beebeechan
正是這樣，天主教、正教、及核心教理與天主教不相勃的基督教，都是我所認同的。

逃出魔幻紀

回覆 28# beebeechan
請你說說天主教教理核心？我估計我應該因應你的理解去調整一下我的說法，但先聽聽你說核心是什麼？不能與示威反示威人士的說話或觀點混為一談，藍黃黑白的事很難說清楚，我覺得情形有點像巴別塔。

逃出魔幻紀

回覆 30# beebeechan
按照你呢個界定核心教理嘅方法，我兩邊都信，但又兩邊都有嘢保留。
如果佢哋真係咁勢不兩立，就唔會年年搞基督宗教聯合祈禱活動啦，我參加聯合祈禱活動嘅時候心中冇違和感覺。但係我每次見到教宗同其他包括佛教道教伊斯蘭教……嘅宗教領袖同臺祈禱，各唸各經祈求世界和平幾時，我就會感到非常不安。請你指教我呢個不安有乜嘢問題。

逃出魔幻紀

回覆 33# beebeechan
唔想喺呢度公開講，好容絆倒人。

逃出魔幻紀

你係講你自己之喎
beebeechan 發表於 2019/7/25 21:44

我係想睇下你會唔會話無問題，同埋冇問題嘅理據之類嗰啲，如果冇嘢提出就OK啦，各人自己領悟。

逃出魔幻紀

絆倒人都要照講，通識就係要學生全面吸收知識，唔好側埋一邊。
抽刀斷水 發表於 2019/7/25 22:46

同通識有D分別，基督徒講說話時心中有把尺，要講成就別人嘅說話，所以唔講絆倒人嘅說話。
不過關於呢個問題，我直講無妨，因為心中平安，唔認為呢個諗法有罪：

我覺得教宗同其他包括佛教道教伊斯蘭教嘅領袖同台祈禱，各念各經以祈求世界和平，就等於認同同台嘅宗教人士所唸嘅經文同天主教嘅經文，對促進世界和平有相同功效（起碼畀人哋嘅感覺係噉）。設想下：當年如果梅瑟、若蘇厄喺約旦河兩岸起壇獻獻祭俾天主, 但同時又聯合巴郎同伊則貝爾喺隔籬起個壇拜巴耳, 共同為迦南地人民嘅生活幸福而祈禱,  我哋應該點樣理解呢幅圖畫呢？
呢個只係我自己嘅“各自領悟”,  我唔敢一口咬定話教宗唔啱,  尋求緊,  領悟緊,  因為心中唔平安,  所以目前唔認同。

逃出魔幻紀

係囉，　
黃色，　藍色都要有。。。
咁加埋就係綠色，　象徵和平
beebeechan 發表於 2019/7/25 22:51

黃藍嘅嘢比較好講的，要講到溝埋變綠色和平唔係冇可能，但係好艱難，事百倍而工甚微，所以，好似無謂嘥心機，打係最有效嘅方法。事實上亦都係噉，如果唔係美國佬出聲，老解應該一早打咗，天下已經太平。
對待政治問題，我通常習慣首先瞭解成件事嘅底蘊，再根據啱自己立場嘅學術理論，再配合歷史同埋事件中主角配角等人物嘅性格，去作出判斷。黃衫黑衫人係咪全部都噉樣理智分析我唔知，但佢哋目標肯定好明確：唔想香港變new薑東厰，嗰啲跳樓自殺嘅人令我諗起當年美軍攻佔沖繩時跳崖自殺嘅婦孺。白衫人大部分要求安定團结，情願冇民主唔想無飯食，有冇人真喺好想喺香港實現共產主義我唔知，不過圍村白衫佬肯定冇，佢哋只為錢。根據歷史經驗，呢班白衫佬鄉紳土豪喺一國一制之後會被拉去打靶（唔睇歷史書可以睇電影，譬如葛優嘅《活著》）。因為藍衫白衫普遍無明確嘅理想，所以先至會出現肥媽喊到收唔到聲噉講“我讀得書少，你哋啲大人物出嚟講下嘢啦，唔好兄弟姊妹互相打交……”，佢到而家都未知發生緊乜嘢事。

呢個問題講開手尾長，要令到Maria Codero明白發生緊乜嘢事，係一件相當艱難嘅事。我曾經喺呢度勸過一個五毛睇兩部書：涅恰耶夫嘅《革命者手冊》，同埋馬克思、恩格斯嘅《共產黨宣言》，我覺得呢兩本書係理解目前香港局勢嘅ABC入門基礎讀本。

深奧嘢唔想講太多，勞氣兼冇效果，喺呢度舉兩個簡單嘅例子嚟支持我嘅觀點：1）艾未未《香港的抗爭能贏嗎？》；2）葉劉係一個撐警集會度發言講：我喺英國住過兩年，喺美國住過四年，感覺到係外國係冇人會錫你架！
我對呢兩單嘢嘅感覺：1）艾未未同佢文章中所講嘅人嘅經歷，我都略為經歷過（我踎過大陸嘅監），佢講嘅嘢我認為係真實嘅。2）葉劉嘅經歷我亦都經歷過，我喺日本住過兩年，雖然唔係英美，但同屬民主先進國家，我嘅外國生活感受同佢完全唔同，冇話錫唔錫嘅問題，民主國家一視同仁依法辦事，你係乜嘢身份就可以攞到呢個身份應有嘅福利，唔會有任何差別。我唔知葉劉講嘅錫係乜嘢意思，你唔投入外國嘅社區文化唔單止，唔通反而仲要求外國政府因應少數族裔嘅習慣，逢年過節俾啲蛇齋餅粽你？

以上兩個例子可以睇到：黃絲有明確嘅政治同個人自由意向選擇，藍斯則比較偏重感性及個人利益。

作為基督徒，我而家都比較抽離少少嚟睇呢啲問題，7-21我著住黑衫從維園行到中環，只係叫過“香港人加油”，其他嗰啲“林鄭收皮”、“祇有暴政，沒有暴徒”嗰啲，我一句都冇叫過。

逃出魔幻紀

哈佛先生你都幾得意喎，成日鋪咗啲嘢又鏟返，好似天人交戰得好犀利噉。而且40%30%30%好似搵把尺度喎噉，哈哈哈，講笑嗻。好欣賞你對尋找靈魂歸宿事宜嘅認真同執著。我冇皈依過佛教（因為覺得高來高去冇乜可能實現），但係30幾年都以佛教嘅五戒十善作為生活嘅導航儀。轉捩點係睇到一個皈依印度教嘅香港女人嘅見證，佢修到非常高級（記得好似話有紫光定乜嘢噉，總之好勁），印度教徒對佢畢恭畢敬，但佢就喺咁高層次，打坐嘅時候出現問題，入定嘅時候遇到淫魔群亂嘅情況，更高級嘅人話畀佢聽過咗呢一關就會upgrade 噉話，但係佢次次去到嗰度都覺得超恐怖超核突，有一次佢頂唔順，念咗一句基督教徒教過佢嘅“奉耶穌基督之名驅趕……”之類嘅咒語，成個恐怖場景即時灰飛煙滅煙消雲散。這個人後來皈依咗基督教，讀埋神學院。
我揀教會嘅時候同你有啲相似，覺得天主教比較內斂，比較適合曾經鍾意佛教嘅我，而且，因爲我係一個鍾意玩古董嘅人，揀天主教就唔使銷毀屋企啲古董佛像同佛畫。點知受洗之後，自己漸漸將啲各朝代佛像佛畫包括宮廷造辦處製品，全部收落床下底，有個神父話呢啲係文化，擺嚟欣賞唔係供奉就冇問題，但係我打算搵另一個支持我嘅神父幫我做個儀式，將呢批嘢全部燒燬。

我喺探索過程中，一路儘量跟聖神行，而唔係跟世間欲念行。雖然我對天主教某d位唔係好認同，但呢個教會始終都係我最鍾意嘅靈修平臺，尤其係我最愛嘅聖體，我每日都去朝拜聖體同耶穌傾偈。

逃出魔幻紀

回覆 52# 哈佛專家
人有自由意志，思考同選擇亦需要時間沉澱，好正常。祝平安。

逃出魔幻紀

回覆 50# beebeechan
你講嘅嘢，有其他教友已經同我講過，我知道天主教喺呢件事上邊嘅基本入場，但係我個人仍然係唔認同。要係聖經上面揾到絕對支持呢件事嘅經文係冇乜可能，但反對呢件事嘅就好好多，包括耶穌同保祿嘅教導，包括要求唔好同佢哋請安，否則就於佢哋嘅罪有分，禍延後代等等。
雖然我目前持呢個觀點，但唔影響我跟隨教會信耶穌，各自體會啦。

逃出魔幻紀

回覆 55# beebeechan
我講嘅問題同戴唔戴套不可相提並論，係佢自己心中覺得應該守乜嘢原則性嘅問題，係平安與否嘅問題，而唔係軟弱唔軟弱嘅問題。
亞big係專聖經嘅聖言顛倒黑白嚟講，我係儘量嘗試令自己嘅行為符合聖經，所以亦唔可以將我哋兩個炒埋一碟黎講。

逃出魔幻紀

回覆 57# beebeechan
呢個話題我覺得唔適宜太深入公開討論，各自領悟就好，否則好易做成惡表或絆倒人，我都係唔講咁多喇，最多俾網主話我側埋一邊唔夠通識教育精神。

逃出魔幻紀

回覆 60# beebeechan
我同佢哋唔同，我信教會有耶穌同聖神臨在，我亦都相信教會內嘅所有人都有可能犯錯，但我堅持同佢哋一齊喺教會嘅平臺尋求天主，如果過程中有分歧，我會求同存異，我用天主畀我嘅智慧去尋求聖神嘅帶領，內心平安與不平安冇得夾硬嚟。呢個亦都係天主所賜嘅自由意志運作嘅效果，所以我好理解其他網友嘅選擇。