逃出魔幻紀

早幾日喺臺灣睇電影《返校》，散場時老婆話唔知香港有冇呢出戲上畫呢？我話唔使旨意喇（我只係憑當時嘅感覺噉樣講），我個女話好似有上畫喎噉講。
誰知返到屋企翌日，就睇到新聞話原先排期10月上畫嘅《返校》已取消放映。果然不出所料，有得做至奇！
遠嘅唔好講，香港係八九十年代，乜嘢資訊都可以接收，乜嘢意見都可以表達，《爭鳴》《香港時報》等報紙雜誌周街賣，大家去戲院睇《投奔怒海》、《假如我是真的》，都覺得理所當然，都冇人覺得突兀，點知而家變成……
忽然間，一個我一直唔想面對嘅，但係每時每刻都感覺到嘅現實，喺我面前清晰起上嚟：我熟悉嘅，熱愛嘅，都消逝喇，不以人們嘅意志為轉移噉樣消逝喇……。喺呢個時候，我諗起咗耶穌基督嘅說話：「天地要過去，但是，我的話決不會過去。」（路加福音21:33）。
咁啱得咁喬，睇到呢段新聞嘅當日，去聖堂望彌撒嘅進堂詠，係《迦拉達書》6:14：「至於我，我只以我們的主耶穌基督的十字架來誇耀，因為藉著基督，世界於我已被釘在十字架上了；我於世界也被釘在十字架上了。」
的確，將要過去佢嘅世界，對於基督徒嚟講係死亡嘅世界，基督徒喺將要過去嘅世界亦早已死亡。雖然我有此覺悟，但身心仍掛念世界，雖然我鍾意聽《榮光》，但我唔唱“祈求民主與自由萬世都不朽”同埋“我願榮光歸香港”呢兩句……，要完全清除雜質真係唔容易啊，求耶穌基督帶領。
呢場運動俾我嘅啟發真係唔少，感謝天主！

逃出魔幻紀

回覆 3# 抽刀斷水
呢出戯能否上畫，而家都可算係一個敏感性標誌事件。靜觀其變。
每個教徒都必須親自同老世交代，我代父係深藍，成日鋪護旗啊自豪啊嗰啲，又正如眾所周知，有神父喺教堂帶領唱《榮光》，所以同枱食飯各自修行，就算係教徒，都要喺屬靈方面思考同学習，確保唔會偏離耶穌嘅軌道。

逃出魔幻紀

回覆  逃出魔幻紀

一切都會過去，連"一切都會過去"呢個存在於我腦裡嘅念頭亦會過去。咁即係有永恆定冇永 ...
龍井樹 發表於 2019/9/25 12:03

耶穌話都會過去嘅係“天地”，而唔係“一切”。呢個天地係寓意定係真實嘅天地，我唔肯定。耶穌話佢做國王嘅國唔係世間嘅國，所以世界一定冇永恆，永恆嘅係天國。
你講得冇錯，人嘅智慧係無辦法證偽永恆嘅天國，就好似人無辦法解釋，死咗埋葬咗3日嘅人點解會復活，仲會時空穿梭於不同地點去同徒弟見面。
因此，正如你所講，好似買大細咁，各人憑自由意志去選擇相信邊樣。我亦都係通過幾十年嘅深入邏輯分析，選擇咗信耶穌同永恆嘅天國，而且大量事實話俾我聽，必然買大開大。正如耶穌被釘在十字架上時，左盜買世界而唔信耶穌，右盜買永恆天國，耶穌就應承佢今日揭盅，買大開大。
歷史上，真係有啲好出名嘅天主教徒係用你所講嘅買大細方式選擇信仰嘅，我就唔係合埋眼買，而係經過推理再去買贏面大嗰邊。

逃出魔幻紀

回覆 11# 龍井樹
我明你講緊乜嘢，人嘅思想同意志係自由嘅，所以我亦都喺呢度提出個自由意志論同揀選論嘅思考，最後被聖神帶領統一咗答案嘅經歷。亦提出個聖女加大利納《對話錄》記載天主對耶教俻種紛爭嘅親身解釋同指示，祇不過大部分人選擇視而不見聽而不聞嗻。你嘅天線接收角度同思考方式，我好理解；但係我就覺得某啲人明明買咗閒離曬手，然後去努力鬧個庄，呢啲人好奇怪，噉有乜意思呢？你如果有絕對信心呢舖係開閑嘅，你咪陰陰嘴笑等收錢，然後睇下買庄嗰啲人點樣兜踎咪得囉，你越鬧得勁越表示你無信心。不過呢個題目係屬靈方面好易理解，喺《對話錄》天主都有解釋過。

逃出魔幻紀

回覆 13# 龍井樹
bbc係鍾意辯論，而唔係鬧。閙個D係帶住仇恨，唔鬧衰鬧殘你死不瞑目噉嘅款，我真係好鄧佢哋辛苦。
不過邊款都好，都係現實中其中一種存在狀態，係必然嘅存在。我覺得無論係鍾意思考嘅人、鍾意辯論嘅人、鍾意詛咒閙鬧鬧嘅人，同埋……包括作奸犯科者嘅所有人，事實上都係買緊大細（所以我唔同意你話自己唔賭呢個講法），衹要荷官未撳鐘，包括你同我在內嘅所有人都可以喺兩腳一伸斷氣之前調整落注方向，但必須買大或買細，冇得買圍骰。

逃出魔幻紀

對某幾個壇者，　我真是在鬧囉。
因為他們根本不懂辯論，　連討論也不如，
跟他們辯論都是嘥膠氣 ...
beebeechan 發表於 2019/9/26 21:44

雖然耶穌會窒人，不過佢係最高智慧者，佢做到嘅野我哋未必做到，佢做嘢嘅目的我哋亦都未必完全明解，佢反而教我哋要愛人如己。所以我覺得基督徒應該係活出耶穌精神，而鬧係鬧唔出耶蘇精神嘅。

逃出魔幻紀

經文有講：「若有人不愛主、這人可詛可咒。(林前16:22)」有冇唔帶仇恨既詛咒呢？

你既講法，同將唔信任 ...
龍井樹 發表於 2019/9/27 09:02

聖保祿喺林前書信嘅對象係教會內各個有分歧宗派嘅基督徒，而唔係話所有人。

我明白並基本認同你對我呢個評論，事實上基督徒嘅世界觀，就係相信天主耶穌基督與否兩個方面，黑白分明冇灰色地帶（就算有灰色地帶嘅例外情況，亦非我哋人類可以理解同處理，耶穌基督死後3日下降陰府所處理嘅應該就係呢啲灰色地帶嘅事），即係祇有大細無圍骰，祇有莊閒冇和，我係基督徒我當然持呢個世界觀。非基督徒當然認為有圍骰，或者可以唔落注啦，哈佛專家嘅觀點仲更加fusion 添。
你呢個買大細嘅話題好有意思，講中左我某d位，我想整理下思想再討論下。

逃出魔幻紀

回覆 39# beebeechan
呢個問題，同我曾經同你討論過嘅關於教宗同其他各宗教領袖同台祈禱求世界和平嘅話題好相似，我個人對此有保留，我知道我呢個諗法喺天主教屬唔協調，所以你話我似基督教。早幾日我去臺灣屏東萬金村，參觀臺灣最古老嘅萬金聖母殿，當地人話畀我聽每年聖母誕辰，萬金聖母像出巡嘅時候，臺灣各大宗教都派出代表隨隊巡遊，我覺得呢種現象非常違和同奇怪，但就冇講出嚟，應應下個樣笑下就算啦，不過我諗我唔會參加這種巡遊喇。
尋日我做修和聖事告解時，問到關於天主教東正教基督教嘅事，神父同我講過一句說話: 我哋努力跟聖言去做，唔啱耶穌心意嘅嘢我哋唔好理，我哋死咗之後上到上邊就一切真相大白喇。

逃出魔幻紀

你有無聽錯先。
我唔信基督新教會有牧師肯跟住天主教徒托住個聖母像巡行。
像，　對佢地係大忌，　仲要係 ...
beebeechan 發表於 2019/9/27 21:35

我諗基督教應該冇，學你話齋唔合邏輯，應該係冇可能嘅事。
不過我就專登鄭重噉問咗一句: 係咪即係話佛教道教乜教物教都一齊參加呀? 佢話係噉講。 不過呢個人唔係當地村民（當地村民絕大部份係天主教徒），佢住喺教堂四公里之外。

逃出魔幻紀

移鼠偷呃拐騙、敲詐勒索、教唆殺滅親族，竟然係「最高智慧者」。有理性者真係唔明極毒教徒嘅想法。 ...
旁觀者 發表於 2019/9/28 00:43

我哋傾緊嘅係一個好有意思嘅話題：買大細賭莊閑。大家用嘅路紙唔同，你買閑我買莊，如果互相質疑對方白癡唔白癡之類，一啲意思都冇。正如你話有理性者真係唔明白基督徒嘅諗法，呢個思維非常好，就算覺得對方蠢，如果雙方都有嘗試瞭解對方點解咁蠢嘅意願，噉樣就進入咗有智慧嘅思維同溝通方式，而唔係鬧鬧鬧嘅吠日層次。

我覺得我同你嘅分別就係，我認爲我係一個三四歲嘅細路仔，天主耶穌基督係老竇，面對呢個超出我理解範圍嘅宇宙同世界，我好多嘢唔明，驚驚地，自己冇信心handle ，所以我聽老竇話，信老竇錫我為我好，就算唔明都跟佢講嘅去做。呢D就係你話“有理性者”唔明嘅基督徒嘅想法。而你呢，應該唔會覺得自己係細路，至於係成年人定係乜嘢，我唔判斷，你自己先知。不過我覺得個啲閙閙閙就似反叛期多D。

講開呢樣嘢，我諗起我個仔三四歲嘅時候嘅兩件趣事：
1）某日，我同阿仔離家出門嘅時候，佢望住客廳角落佢嗰啲堆積如山嘅玩具（佢最重要慨財產），出神諗咗一陣，然後問我：“會唔會有賊佬入嚟偷曬我啲玩具架？”
2）某日，我摣車車個仔喺馬路上行進中，佢忽然間講：“我都要自己摣我部開篷車（佢部可以喺屋企客廳度冷巷駕駛嘅電池玩具車）喺呢度行。” 我笑咗一陣之後 ，同佢解釋規範機動車輛行駛嘅交通規則，都唔知佢明解唔明解。

逃出魔幻紀

你就好哩，　有個乖仔肯聽你解釋。

有啲『三歲仔』反過來媽叉你白痴，　盲說，　民智未開，　硬膠膠， ...
beebeechan 發表於 2019/9/28 21:40

三歲都媽叉？唔會掛……

逃出魔幻紀

移鼠叫你殺滅親屬，即使你唔明，那麼就照他吩咐去做就好了。
旁觀者 發表於 2019/9/29 00:53

我發覺每個人對宗教嘅理解都有一啲特定嘅個人難點，包括我自己在內，好似殭屍噴唔到啖屍氣出嚟，剒住剒住，好辛苦要典嚟典去噉。就好似旁觀兄你最鍾意執住耶穌話要殺老竇老母同仔女嗰啲嘢嚟講，而阿leefeng兄就講嚟講去都係啲鹹濕四級嘢，不過呢種激烈嘅執著，可能有助於思考同提昇，總好過耶穌所講嘅某d教徒不冷不熱，想從口中將佢吐出嚟噉。

你呢個殺父母子女嘅話題，我記得係本版已經討論過（網友嘅解釋例如比喻啦，屬靈意義啦，從耶穌嘅所有說話、思想體系而唔係單從一句說話去理解啦……），可見你係完全唔接受其他網友嘅解說。我喺網友以前嘅解釋基礎上，補充少少我自己嘅觀點：

我哋成日見到啲家長對細路仔講以下嘅說話：“你再曳呢，就叫警察叔叔拉你！” “你再曳呢，我就唔要你，送咗你俾乞兒！” “你再曳呢，我就唔理你，等拗烏婆捉咗你！” “你再曳呢，就唔俾飯你食！”……  如果個細路聽到老竇噉講之後，就覺得個老竇好變態毫無親情，簡直唔配做人老竇，繼而離家出走，登報脫離父子關係（如果有噉嘅能力），仲通街唱衰前老竇話前老竇人渣不如，噉我都唔知話呢個細路係早熟、有智慧、有獨立思考能力、有自立能力、叻仔，定係唔知話佢乜嘢好。

逃出魔幻紀

界線從來係由人去私定，有人會從中間一分為二，稱左邊做黑、右邊做白；有人要將一切界線抹除，世界就係一 ...
龍井樹 發表於 2019/10/3 15:51

所以我話我真係明白你所講嘅嘢，我買嘅係界線由天主所定，而你就買相反，你買界線由人定。揭盅嘅時候，無論你買邊邊都會去到耶穌基督面前，睇住開盅，好公平冇鬼鼠，到時唔知我同你會唔會咁啱撞到面呢？互相講聲hi