逃出魔幻紀

哈佛專家撤銷咗一個帖，佢喺該帖話基督徒認為信耶穌唔會受都魔鬼嘅攻擊，我認為呢個觀點絕對錯誤，雖然撤咗帖，我都補充追答下：

我係基督徒，我認為信耶穌會受到魔鬼嘅攻擊，而且肯定會，神父等神職人員受攻擊的頻率最高程度最嚴重。
『耶穌遂把他們叫來，用比喻向他們說：「撒殫怎能驅逐撒殫呢？一國若自相紛爭，那國就不能存立；一家若自相紛爭，那家也將不能存立。撒殫若起來自相攻擊紛爭，也就不能存立，必要滅亡。決沒有人能進入壯士的家，搶劫他的家具的，除非先把那壯士捆起來，然後搶劫他的家。』（谷3：23-27）
一個人一個家一個國，係冇理由攻擊自己、攻擊自己屋企、或者攻擊自己嘅國嘅，只會攻擊外人嘅啫。耶穌嘅仇家多，受到攻擊係咪好合邏輯？至於攻唔攻得入，就要視乎受攻擊者嘅信德嘞。

逃出魔幻紀

唔明白你的意思。信耶穌也一樣會被鬼附身嗎？譬如說，我信一些耶穌，我也會被鬼附身嗎？照你所說，跟許多基 ...
哈佛專家 發表於 2020/6/5 18:29

受攻擊同附魔係兩件事，受攻擊唔一定會附魔(因為魔鬼唔夠受攻擊者硬淨)，附魔就係受到攻擊嘅後果(因為唔夠魔鬼打)。旁觀者舉嘅例係一個好好嘅說明，耶穌本人都受到魔鬼嘅攻擊，何況我哋呢啲二打六。我嘅經驗，有個教友喺朝拜聖體室入面，當住耶穌聖體面前發癲，佢哋下躝來躝去又話要攻擊耶穌又剩，其他教友一齊專心念咗好多經佢先至淨返落嚟，單嘢搞咗好耐好濕滯，原來佢屋企擺咗三個福祿壽，人哋叫佢揼咗佢佢又唔制，話一路擺開都幾順風順水，作為擺設都幾好吖咁話，即係佢個心對啲公仔仲有依戀，信德唔夠，咁啲魔咪嚟搞佢囉。
我話家唔會攻擊自己家國唔會攻擊自己國，意思係話基督徒受到魔鬼攻擊好正常，正正說明咗耶穌基督同魔鬼係對家仇人，只要你根據呢個邏輯去諗，就會睇得清好多嘢㗎喇。

逃出魔幻紀

有些唔明白你的意思。你話神父及主教之類的人最容易受魔鬼攻擊。是否這些人最容易被魔鬼附身？你舉的例子同 ...
哈佛專家 發表於 2020/6/6 01:48

你猜得不對。關於你的情況，我曾經明示暗示過很多次，甚至畫公仔畫出腸，但係你都收唔到，呢個係你嘅天線接收角度問題，你嘅堅持決定咗你嘅信仰立場喺邊。福祿壽冇魔鬼，問題係嗰個人對福祿壽有依賴，佢嘅心已經產生咗裂縫，魔鬼就從呢條裂縫入去攻擊佢，想阻止佢信耶穌，就係咁簡單。我自己就一啲都唔怕魔鬼附身之類，因為我一啲都唔驚佢，堅信耶穌，魔鬼魚鼓勵搵我晦氣，我會同佢打到死打到斷氣都唔會投降，所以魔鬼嚟搞我嗰陣好喝佢一聲佢就冇咗影。

逃出魔幻紀

我自己的情形，我覺得媽咪幫我念大悲咒及地藏經之後，我好好多；加上自己又恢復念六字大明及釋迦牟尼佛心咒 ...
哈佛專家 發表於 2020/6/6 08:03

    我已經講曬啦，講到好明好白㗎喇，再講白D就唔係咁好啦。你嘅天線角度同立場決定咗你嘅接收效果同理解。
講開魔鬼攻擊，有一個神父嘅經驗仲頂癮，佢話魔鬼最驚XXXX(我唔講出嗰樣嘢嘅名以免大家執著變成迷信)，每當佢受到魔鬼攻擊嘅時候，佢就用嗰樣嘢掟隻鬼，超搞笑。

逃出魔幻紀

你唔講果個應該叫十字架
哈佛專家 發表於 2020/6/6 12:20

唔係喎，你估錯咗，不過我唔再講啦，費事你估一百次，終有一次估啱