逃出魔幻紀

這幾天持續在網上被熱搜的「没人看的B站UP主」https://www.google.com/amp/s/www ... spx%3fNewsID=886381，令我百感交集。主人公「墨茶Official」的悲慘命運很有代表性，世界上每個國家每個角落都存在著這些極卑微的人，他們就像灰塵一樣被風卷起，與我們擦身而過，無聲無息消失於世界。因為墨茶這粒微塵是一位網上視頻直播主，所以才能進入我們的視野。然而 ，墨茶們不應該卑微啊，他們原是天主尊貴的兒女，為何卻來到世界上忍受精神及肉體的折磨，不知道生命的意義，一塊八毛一顆的救命藥要逐顆買，臨死想吃幾顆草莓但無奈「草莓太貴」而吃不上，年紀輕輕就貧病交加孤獨地餓死在病榻上。這樣的人生有何價值？

墨茶的身世令我聯想起聖經《盧德傳》、《多俾亞傳》及《約伯傳》，因為盧德、多俾亞和約伯都明白生命的意義，雖然經歷了無數苦難的折磨與打擊，卻仍然保持著對天主的極大信德及對天國的盼望，所以他們在世上所受的苦難是一個煉金過程，來世在天國必可享受豐碩的果實。與他們相比，墨茶Official的苦難有何價值？他短促而無意義的生命正如他的網上最後留言：「令人感嘆」！

人生不如意事十常八九，但願生活在這「虛而又虛，萬事皆虛」（訓道篇1:2）的地球上的所有人，皆能明白自己生命的意義，抱持著對天主的信望愛，將生活中的苦難轉化為來世的財富 ，而千萬不要成為《路加福音》16章那個「身穿紫紅袍及細麻衣，天天奢華地宴樂……不聽從梅瑟及先知，縱使有人從死者中復活了，他們也必不信服」的大富豪。

「没人看的B站UP主」令我思考人生的意義，起碼這就是墨茶所受苦難的一點價值。但願墨茶先生能夠成為亞巴郎懷抱中的拉匝祿。

逃出魔幻紀

大陸好多假野, 尤其是甚麼人間慘情......
一個窮到無錢買草莓的還可以弄個網播.? ...
beebeechan 發表於 2021/1/24 21:52

呢單野多數都係真，因為引起咗全中國網民關注，人肉搜索曬佢啲關係出嚟，包括佢啲鄉里啊工友啊借錢畀佢收唔返嗰啲朋友啊等等，拼湊番成個故仔出嚟，仲有醫院啊杵作佬啊噉全社會咁大壓力都幾難作假，bilibili都發聲明徵得佢家人同意退返錢畀捐款者。反而而家出嚟話佢屋企人點有錢點有錢嗰啲嘢就唔係咁自然。
如果呢單嘢係真嘅，仲慘過舊年個吳花燕。

逃出魔幻紀

人肉搜索曬佢啲關係出嚟，....

正是因為有關注, 條水喉有水出,
所以劇情要發展落去, 愈曲折愈有收視 ...
beebeechan 發表於 2021/1/25 00:07

呢單嘢變成中國同海外華人圈嘅大新聞，重點已經唔係佢嘅真假，而係佢嘅現代版《賣火柴的小女孩》式戲劇元素反映咗好多中國網民嘅身世，所以好多網民希望畀佢呃錢都想證實佢係流嘢。
而家搞大左，真相遲早浮出水面。政府已經出咗奇怪嘅洗地文，而家啲網民剝緊花生等睇下場。大陸人做呢啲厄厄氹氹嘅嘢叻，所以佢哋拆解呢啲嘢嘅能力仲眉精眼企過我哋。

逃出魔幻紀

講到同錢有關，大陸人就更加唔會放過。全世界昅住就基本好難做假，好似舊年吳花燕事件嗰啲幫死者籌款嘅「慈善機構」話已經將啲善款過曬俾吳花燕，收尾俾人踢爆係過咗兩萬，自己落格200幾萬。

逃出魔幻紀

墨茶單嘅應該冇得再剝花生喇。佢鄉下嘅縣政府已經證明咗確有其事，佢死咗喺出租屋，幾日之後屍體被發現並火化。見到呢單嘢搞到全國屎都滾曬，主流媒體即刻出動領軍督陣，五毛大將呐喊擂鼓，半官方媒體自媒體蜂擁而上，以強大陣容雷霆掃穴洗太平地。所以可以肯定，唔使好耐就會對小粉紅墨茶official蓋棺論定：墨茶係一個好食懶飛、性格陰險孤僻、無惡不作、罪惡累累、自取其辱、自食惡果、死有餘辜嘅無賴地踎。