逃出魔幻紀

寫本貼題目時，想起了我在本區發表過的貼文《預定論、自由意志論及其他》https://exchristian.hk/forum/vie ... 4202&highlight=。由於曾經承諾過開貼回答抽刀網主的《非教徒／反基不明白、不理解？》貼文110樓的以下問題：

「從上句我接收到的訊息是：非教友甚至『反基者』對基督的教理不理解是很正常。

所以我把上述的訊息以下列文字表達：對於一些與天主教／基督教相關的問題，近日經常有教徒有此論調，說非教徒／反基不會明白、不會理解。

當然，可以加上你寫既『要明白天主耶穌基督嘅道理必須靠聖神引領』，因為據我所知，教徒會認為非教徒／反基是沒有聖神引領的人，因此不會『明白天主耶穌基督嘅道理』。

請問到目前為止，我有哪方面對你的文字理解錯誤？」

抽刀對我的文字的確有理解錯誤嘅地方，因為正常≠絕對。我現在嘗試憑記憶將我以前曾經發表過的觀點集中一下，並加以補充解釋，以說明抽刀確實誤解了我的文字（因為我們討論的話題是關於天主耶穌基督的道理，所以我主要引用我所相信的聖經去解釋問題）：

1）魔鬼撒但十分了解、明白天主耶穌基督的道理，也清楚知道耶穌是天主子，但魔性使然，牠拒絕服從天主並抵抗到底。《路加福音》4:33-34:「在會堂裡有一個附著邪魔惡鬼的人，他大聲喊叫說：『啊！納匝肋人耶穌，我們與你有什麼相干？你來毀滅我們嗎！我知道你是誰：是天主的聖者。』」《馬爾谷福音》5:2-10:「        耶穌一下船，即刻有一個附邪魔的人，從墳墓裡出來，迎著他走來，原來那人居住在墳墓裡，再沒有人能捆住他，就是用鎖鏈也不能，因為人屢次用腳鐐和鎖鏈將他捆縛，他卻將鎖鏈掙斷，將腳鐐弄碎，沒有人能制伏他。他晝夜在墓墳裡或山陵中喊叫，用石頭擊傷自己。他從遠處望見了耶穌，就跑來，跪在他前，大聲喊說：『至高天主之子耶穌，我與你有什麼相干？我因著天主誓求你，不要苦害我！』因為耶穌曾向他說：『邪魔，從這人身上出去！』耶穌問他說：『你名叫什麼？』他回答說：『我名叫「軍旅」，因為我們眾多。』他再三懇求耶穌，不要驅逐他們離開此地。」

我相信撒但管理牠手下的方法與我們所熟悉的行政管理方法一樣，根據各魔鬼層級職務的高低而給予不同的知情權限，撒但利用不同智力的魔鬼辦事，不同智力的魔鬼利用不同智力的人辦事，撒但也會視乎人的「職位」而給予相應的知情權，曾在這裏活躍的bigmonster就是一個很好的例子。因此，「非教友甚至『反基者』對基督的教理不理解」雖屬正常現象，但并非定律，某些人比另外一些人，甚至比某些基督徒理解得更多也不足為奇。

2）聖神是三位一體天主本身，從舊約中我們看到大量的例子，天主透過祂的神及天使跟人接觸，傳遞訊息、啓迪人心，並向與祂立約的以色列民頒下法律；新約時期天主仍透過聖子、聖神，也用天使和人向全世界所有人宣傳福音，說明得永生的條件和方法是人必須相信耶穌基督並背起自己的十字架去跟隨他，及服從性神的引領去生活。然而，「一樣米養百樣人」，當某些人看到聖神的效果是「仁愛、喜樂、平安、忍耐、良善、溫和、忠信、柔和、節制」（迦5:22-23），便擔憂起來，如果服從聖神，就必須放棄「淫亂、不潔、放蕩、崇拜偶像、施行邪法、仇恨、競爭、嫉妒、忿怒、爭吵、不睦、分黨、妒恨、兇殺、醉酒、宴樂」（迦5:19-21）這類本性私慾習慣了的事情，就要改變自己原有的生活方式及習慣，這是他們所不願意的（當我聽到別人聲稱「我就是喜歡罵人」時，就會想起這段經文），因此，他們拒絕聖神。《格林多人前書》12:3：「沒有一個受天主聖神感動的會說：『耶穌是可詛咒的；』除非受聖神感動，也沒有一個能說：『耶穌是主』的。」《羅馬書》8:5-7：「        因為隨從肉性的人，切望肉性的事；隨從聖神的人，切望聖神的事；隨肉性的切望，導入死亡；隨聖神的切望，導入生命與平安。因為隨肉性的切望，是與天主為敵，決不服從，也決不能服從天主的法律」《帖撒罗尼迦前书》5:16-22:「要常常喜樂，不住地禱告，凡事謝恩；因為這是神在基督耶穌裡向你們所定的旨意。不要消滅聖靈的感動；不要藐視先知的講論。但要凡事察驗；善美的要持守，各樣的惡事要禁戒不做）」試想想：拒絕聖神的人，就算聖神來找他，他也會「消滅聖靈的感動」，聖神又如何能引領他呢？他又如何說得出「耶穌是主」呢？

3）上述天主所設定的脫死入生的條件，適用於所有人，包括所有基督徒與非基督徒，非基督徒可隨時令自己的思言行符合條件而獲得救恩；相反，基督徒也可隨時因違反天主誡命而失去救恩，這就是我為何經常誠惶誠恐，並真誠感謝這裏大家對我的鞭策的原因。因此，如果有人藉指出基督徒的不良行為以證明耶穌基督的道理並非真理，是犯了邏輯上的錯誤。據此推理，拒絕耶穌＞消滅聖靈的感動＞拒絕學習、理解福音＞不明白天主耶穌基督的道理＞堅持本性私慾習慣了的事情＞繼續抗拒天主耶穌基督……，我認為這個循環很正常，很合邏輯。

逃出魔幻紀

回覆 2# 抽刀斷水
，
撒但曾經是天主所造的天使之中最高級、最聰明、最榮耀、被天主委以重任的大天使，那麼天主親自啟迪他、引領他明白天主的計劃與奧秘，是很自然的事吧？這跟他後來因驕傲而背叛天主成為魔鬼撒但沒有矛盾之處。更何況，能力高於人類N陪的撒但是面對面與天主耶穌基督交手的，牠在試探山還屢次試探耶穌呢，憑牠的聰明，就算沒有聖神的引領，牠對事物的理解能力也高出人類很多很多很多，與人類看不見摸不着的狀態不可同日而語。最起碼，魔鬼知道耶穌是永生天主之子，其認知能力比很多不相信耶穌的人要強一些吧？牠明明知道真相但由於驕傲而不願服從天主且走向相反的方向，也屬正常。因違反校規破壞學校秩序而被開除學籍的聰明壞學生，比那些仍呆在學校裏但上堂睡覺回家不做作業的懶惰學生知道更多知識，這也很正常。「朝霞的兒子──晨星！你怎會從天墜下？傾覆萬邦者！你怎麼也被砍倒在地？你心中曾說過：『我要直沖霄漢，高置我的御座在天主的星宿以上；我要坐在盛會的山上，極北之處；我要升越雲表，與至高者相平衡！』然而，你卻下到了陰府，深淵的極處。」（依14:12-15）

逃出魔幻紀

接受抽網主指點，將原版本更改為：「要明白天主耶穌基督嘅道理就必須接受聖神引領」。

逃出魔幻紀

你的意思是說，與魔鬼有相似經歷的離教者（曾受聖神引領，現已沒有）、或是被認為是魔鬼爪牙的（全 ...
抽刀斷水 發表於 2021/11/12 09:54

你咁講即係好似話：阿逃你講過如果要了解要明白共產主義理論，就必須讀馬克思嘅《資本論》同《共產黨宣言》，咁老鄧曾經讀過嗰兩本書，即係話我如果學習老鄧嘅「白貓黑貓論」同埋「對內對外兩個不爭論」就會了解晒明白晒共產主義理論嘞（為咗令你容易啲理解我嘅意思，用咗呢個唔係咁合適嘅比喻，我向天主懺悔）。
我冇推翻「要明白天主耶穌基督嘅道理必須靠聖神引領」呢句說話，「要明白天主耶穌基督嘅道理就必須接受聖神引領」係配合本討論區思維結構同思維回路嘅進化版，如果你想了解點解進化成咁，請參閱《預定論、自由意志論及其他》貼文，如果仍然唔明，我哋可以討論再進化多啲，我喺呢度畫公仔畫出腸都畫到慣晒，畫到盡佢哋都唔明我都有辦法，希望你有所不同啦。

逃出魔幻紀

講完一輪，咁其實你認為離教者同反基，仲有無聖神既引領啫？
抽刀斷水 發表於 2021/11/13 11:19

    咁你應該問你自己同埋佢哋先至啱，自己個心諗乜自己最清楚。你可以根據《迦拉達書》5章16至25節自己作出判斷：「你們若隨聖神的引導行事，就決不會去滿足本性的私慾，因為本性的私慾相反聖神的引導，聖神的引導相反本性的私慾：二者互相敵對，致使你們不能行你們所願意的事。但如果你們隨聖神的引導，就不在法律權下。本性私慾的作為是顯而易見的：即淫亂、不潔、放蕩、崇拜偶像、施行邪法、仇恨、競爭、嫉妒、忿怒、爭吵、不睦、分黨、妒恨、兇殺、醉酒、宴樂，以及與這些相類似的事。我以前勸戒過你們，如今再說一次：做這種事的人，決不能承受天主的國。然而聖神的效果卻是：仁愛、喜樂、平安、忍耐、良善、溫和、忠信、柔和、節制：關於這樣的事，並沒有法律禁止。凡屬於耶穌基督的人，已把肉身同邪情和私慾釘在十字架上了。如果我們因聖神生活，就應隨從聖神的引導而行事。」
你係真心想「隨聖神的引導行事，就決不會去滿足本性的私慾」？定係唔捨得放低甚至好鍾意「淫亂、不潔、放蕩、崇拜偶像、施行邪法、仇恨、競爭、嫉妒、忿怒、爭吵、不睦、分黨、妒恨、兇殺、醉酒、宴樂，以及與這些相類似的事」？自己用呢把尺度下就知啦，如果聲稱唔鍾意去斯文理性討論嘅網站，而鍾意係呢個討論區可以隨便鬧人，咁佢就應該屬於後者。

逃出魔幻紀

回覆  逃出魔幻紀


    從你的回應，我得到以下信息：

1. 你並沒有方法得知離教者及反基是否有聖神引領 ...
抽刀斷水 發表於 2021/11/13 17:13

    我明白這是你對20樓的理解，但我真的不明白你如何能將我的貼文及20樓理解成21樓的意思，盡管那可能是你所理解的全部。你知道自己在說什麼嗎？

某些天使背叛天主而成為魔鬼，是牠們自己的選擇（但天使一旦選擇叛逆成魔便沒有回頭的機會了）；人則是有悔改的機會的，其內心何時選擇服從天主，何時選擇叛逆，只有他們自己最清楚。你內心在想什麼，是真心想跟隨聖神引領去親近天主，還是找籍口去跟隨魔鬼的引領（亞當厄娃選擇了後者），你自己最清楚，起碼你比我清楚。我只能從外表去推測，例如就憑在這討論區對我的貼文逢貼必回的旁觀者說的「『全能』嘅『天主』，只要意念一動，乜事都搞掂，還需要人（「聖神」）幫手？這只能說牠無能」這一句話，就知道他對我所說的觀點全不理解（還是那句說話：同不同意是另一回事），因為他就有關話題討論了這麼多年，仍對天主聖三這個福音的ABC概念全不知曉，我藉此判斷他只是想說話，而非想明白；又例如憑抽刀你看了我在本貼「非基督徒可隨時令自己的思言行符合條件而獲得救恩；相反，基督徒也可隨時因違反天主誡命而失去救恩」的觀點，還提出21樓的問題，我就覺得你跟他們越來越同質，你我就很難互相理解了，因為我畫不出你所喜歡的公仔腸。

逃出魔幻紀

回覆 24# 抽刀斷水


    我講個好多次，天主引領所有人，是否接受天主引領就各人各自修行。我講到牙血都出，拎住《迦拉達書》俾你當鏡照，你仲問D咁嘅問題，除咗章魚記憶，或者專登搵啲無謂嘢嚟講，仲有乜嘢可以解釋呢？你話你係咪同佢哋越嚟越趨向同質化呢？你以前比我嘅理性形象唔通係扮出嚟嘅咩？
退一萬步講：一個經營反基網站嘅「反基」人士，唔接受天主聖神嘅引領，拒絕天主耶穌基督，係咪一件好合邏輯嘅事呢？

逃出魔幻紀

回覆 32# 抽刀斷水

對於《聖經》，對於神學觀點，每個人都可以有自己嘅睇法，冇可能強求統一思想，但對於你是否歪曲我嘅說話以製造假消息，就有必要澄清。你喺《非教徒／反基不明白、不理解？》曾經話「我無指名道姓話嗰個係你，其實你唔對號入座自己認係，人地都未必知道講緊嗰個係你」，我一路多次問你係咪話緊我，唔係我對唔對號入座嘅問題，係就應該話係，唔係就話唔係，請你用你一向提倡嘅善良話俾我聽：你冇指名道姓話緊嗰個究竟係咪我呢？

逃出魔幻紀

對於多年喺度日日反基，但係對天主道理ABC嘅天主聖三概念仲係零認識嘅旁觀者奉「挖睛製銀」嘅《辟邪紀實》為圭臬作為反基武器，我完全可以理解；對於完全唔知道唐努烏梁海同江東64屯係乜東東就話30萬同胞被屠殺係理所當然嘅事嘅leefeng成日攞啲《今日頭條》嘅假新聞當成堅料上嚟呢度貼，我一啲都唔覺得出奇；但係對於經常提倡理性文明、善良有禮嘅抽刀網主始終仲未肯答我喺34樓嘅問題，咁就令我百思不得其解啦！究竟你係《非教徒／反基不明白、不理解？》係咪製造假新聞嚟屈我呢？
我曾經講過覺得抽刀網主似乎同旁觀者同leefeng趨於同質化，如果呢個係事實，咁你地幾個「反基」喺基本冇離教者嘅「離教者之家」大旗下坐埋一檯，學《今日頭條》無數假新聞寫手一樣吹水作嘢講到似層層，就完全合情合理啦。我忽然間諗起沙文，雖然唔啱嘴型……

逃出魔幻紀

回覆 40# 旁觀者


    我有一句口頭禪就係「你要知道……，明唔明白係另一回事」，而家你就係唔知道「知道」（或者認識、認知）同「明白」嘅呢兩個概念嘅分別。否則就唔會講「只要意念一動，乜事都搞掂，還需要人（「聖神」）幫手？」，亦都唔會用「有理性者當然唔明，你問這裏的網友，有那個會明？」呢句嘢嚟回應我話你「天主道理ABC嘅天主聖三概念仲係零認識」。
你成日自稱爺爺，希望你成為一個知道自己無知，甚至唔知道自己知道嘅智慧老爺爺（請參閱我曾經喺度po過嘅蕭若元《人貴自知》）。

逃出魔幻紀

回覆 56# 旁觀者


    我而家終於明白點解你成日放錄音機，就算我答咗你你都仍然重複不停講同一句說話問同一個問題。原因就係你分唔清「知道」同「明白」嘅分別，所以同你講任何嘢都變成對牆彈琴，我終於明白點解我唔想答你地啦。長期嘅疑竇死結終於解開咗！
我知道係「離教者之家茶寮」同你坐埋一檯嘅大家（全體三幾個偽離教者）嘅思想結構都同你相同（只有離開咗嘅沙文係知道人哋講緊乜嘅，所以佢冇坐埋你嗰檯，亦都離開咗），所以你哋「大家都看得清楚」，你睇吓leefeng點樣理解你嘅說話就知道你哋點樣看得清楚啦（如果你知道、明白你我他三個人嘅說話嘅意思同埋之間嘅邏輯關係）：「旁觀者是說：『只要「聖神」意念一動，乜事都搞掂，還需要【人】幫手嗎？ 」！而不是【人】意念一動，需要人（「聖神」）幫手。(怎麼看，你這句根本完全狗屁不通，對不？)你究竟看得懂嗎』。
難怪佢唔知道蕭若元講緊乜嘢，淨係話佢造謠之類嘅嘢。所以老蕭對leefeng又係對牆彈琴，墻缺少「知道」嘅功能，終於明啦！
除咗喺屋企綵排演講詞嘅時候，世界上有乜嘢人會同牆壁講嘢討論問題嘅呢？但係點解牆壁總係鍾意追住人搭訕，真奇怪！

逃出魔幻紀

回覆 59# leefeng

呢個提議非常好，我就在此恭候leefeng極力推薦嘅「抽刀斷水，上流寄生族，龍井樹，dior13dior13…各位」解釋吓喺本貼嘅整個討論背景下，以下我、旁觀者、leefeng三人嘅對話有冇搭錯線？搭錯咗邊條線？對話節錄如下：

逃出魔幻紀（4樓）：「要明白天主耶穌基督嘅道理就必須接受聖神引領」。

旁觀者（6樓）：「『全能」』嘅『天主』，只要意念一動，乜事都搞掂，還需要人（『聖神』）幫手？」

逃出魔幻紀（23樓）：「在這討論區對我的貼文逢貼必回的旁觀者說的『……（6樓）……』這一句話，就知道……他就有關話題討論了這麼多年，仍對天主聖三這個福音的ABC概念全不知曉（不知道聖神就是天主而非第三者）。

leefeng（54樓）：「旁觀者是說：只要『聖神』意念一動，乜事都搞掂，還需要【人】幫手嗎？ ！而不是【人】意念一動，需要人（『聖神』）幫手」

另外，由於leefenf堅持講蕭若元黑暴造謠之類嘅嘢，請大家重溫下呢條片https://youtu.be/SDnokXk5Meg，睇吓同黑暴造謠有乜嘢關係？睇吓大家知唔知道燒山講緊乜嘢，唔需要一定明白，係知~唔~知~道~。

逃出魔幻紀

回覆 55# leefeng

梅艷芳喺《梅艷芳》入邊話佢四歲就登台做職業歌手，請你用呢個做基礎同埋文革10年做基數，重新計算下你嗰條「60歲」算術題。
鹽唔係食得越多就一定越好，最緊要係「知道」吸收乜嘢對自己最有益。冇認知能力真係攞命，當真不假，唔單止攞身體嘅命，連靈魂嘅命都攞埋，真係恐怖！

逃出魔幻紀

回覆 63# 抽刀斷水

你返嚟就好啦，請先回答34樓同38樓嘅問題，以澄清我嘅疑惑：「抽刀係咪作假新聞嚟誹謗我？抽刀成日提倡善良正直，但係點解近來佢嘅行為好似唔係幾善良咁嘅？」

逃出魔幻紀

點解我一路唔答你呢？因為我覺得你唔响返原有主題嗰度傾，而响跳黎呢個主題提返，我腦海中就浮現「 ...
抽刀斷水 發表於 2021/11/19 23:04

我喺原帖問來問去你都唔肯答，閃閃宿宿多多藉口咁，而家我如果返去原帖問你，你呢搭唔搭？你涉嫌誹謗我，自己又唔作出澄清，咁樣符合你提倡嘅正直善良嘅做人標準？如果解釋唔到，是否更加符合你設定嘅「真小人、偽君子」是但一條標準呢？如果呢個係事實，如果你認咗你係真小人或者偽君子，咁你坐返去你哋leefeng圈定嗰一枱人（離教者之家全家）繼續吹水，我冇興趣再問你，亦都唔使你再解釋啦。

逃出魔幻紀

我就在此恭候leefeng59樓極力推薦嘅「抽刀斷水，上流寄生族，龍井樹，dior13dior13…各位」解釋吓喺本貼嘅整個討論背景下，以下我、旁觀者、leefeng三人嘅對話有冇搭錯線？搭錯咗邊條線？對話節錄如下：

逃出魔幻紀（4樓）：「要明白天主耶穌基督嘅道理就必須接受聖神引領」。

旁觀者（6樓）：「『全能」』嘅『天主』，只要意念一動，乜事都搞掂，還需要人（『聖神』）幫手？」

逃出魔幻紀（23樓）：「在這討論區對我的貼文逢貼必回的旁觀者說的『……（6樓）……』這一句話，就知道……他就有關話題討論了這麼多年，仍對天主聖三這個福音的ABC概念全不知曉（不知道聖神就是天主而非第三者）。

leefeng（54樓）：「旁觀者是說：只要『聖神』意念一動，乜事都搞掂，還需要【人】幫手嗎？ ！而不是【人】意念一動，需要人（『聖神』）幫手」

leefeng（71樓）：聖神就是天主而非第三者（聖父，聖子，聖靈/聖神）“人” 如果係『聖神』，呢度個個都係『聖神』囉！（聖父，聖子，聖靈/聖神）既然係三位一體，應該同心同德架？呢度咁多（『聖神』）的人 竟然坐埋一枱反天主喎？是不是很有趣的畫面咁呢？

逃出魔幻紀

你可以問此處，例如抽刀斷水，上流寄生族，龍井樹，dior13dior13…各位

我問極你啲朋友佢哋都唔肯出嚟支持你同旁觀者嘅理解喎，最多都係抽刀出嚟叉開話題同你解圍咋喎，我希望你親自叫到佢哋出嚟支持你嘅觀點。

逃出魔幻紀

我有問必答，答到你話講完。依家你話我唔肯答，先係涉嫌誹謗我先真。

...
抽刀斷水 發表於 2021/11/20 01:43

網主真係覺得68樓同70樓係基於正直同善良？估唔到三兩個回合就令你脫下偽裝原形畢露。你既然同佢地坐埋一枱我就唔會對你嘅回應有太高嘅期望啦，是但啦，不過你又出現邏輯上嘅錯誤啦，用情景演繹比較容易令你明白：

豬肉榮：豬橫脷好新鮮，煲湯靚啊！有買趁手啦！
顧客：豬肉榮，豬橫脷幾錢斤？
豬肉榮：買啦喂買啦喂，好靚嘅豬肉啊！
顧客：豬肉榮，豬橫脷幾錢斤啊？
豬肉榮：有買趁手啦，唔買唔好企喺度阻住晒啦！
顧客：豬肉榮！究竟你掛喺上邊嗰條豬橫脷點賣嘖？
豬肉榮：你又唔係買豬橫脷，又猛咁問豬橫脷嘅價錢，究竟你想點？
顧客：唉！唔問嘞。買魚食把啦！
顧客行過隔離檔同阿魚佬講：豬肉榮混吉嘅，問極豬橫脷幾錢斤佢都唔肯答。
豬肉榮：你冇嘢吓？你唔好誹謗我喎！我點樣唔答你呀？我句句都有答，答到你話唔問為止喎！你自己話唔問咋喎，調返轉頭話我唔答你，有冇琅禮啲啊？！

請記住，顧客話唔問，但佢喺豬肉檔提出嘅問題仍然存在，仍然有待回答，就等於我喺原帖講「我覺得我係本貼要講嘅嘢講完嘞」但係我提出嘅問題仲有待答覆。我真係唔明，你公開表演將自己智商拉低有乜益處。答唔答係你嘅自由，過到你個良心就OK啦。上次我話「要講嘅嘢講完嘞」之前，本來想行一步絕殺將軍棋（並非今次問你呢個問題），逼你跳入一個自己堀嘅大坑入邊，不過見你忽然回頭行返嚟雙方有討論空間嘅平台，嗰步棋就引而不發、忍而不發、隱而不發。不過而家結果都一樣，你坐咗埋嗰張枱，同跳落大坑產生咗相同效果，將唔將軍結果都一樣。雖然你坐埋嗰張枱我哋冇乜嘢好傾，但係既然你同leefeng同枱，佢又推薦你，你得閒就答吓59同61樓啦，同佢解下畫，我畫公仔腸俾佢睇畫到手到起晒枕，而且好大心理壓力，好容易產生你講嘅「知識高地」心理，我唔鍾意呢種心理，但係你圍枱嗰啲人一日問到黑，真係好大壓力，就好似唔知點樣同一年班小學生解釋微積分一樣咁困難。

你撕破畫皮暴露出某啲缺點，但同是天涯帶罪人誰能無過呢？某啲地方我嘅缺點仲多過你，你有好多優點係值得我欣賞同學習嘅，例如胸襟較廣闊，比較善良，比較堅守符合你良心嘅原則，有同情心，有求知欲等等，希望聖神能夠引領你而你又接受佢嘅引領，認識、知道多啲新事物，容易啲轉彎，唔會塞住塞住咁啦。

逃出魔幻紀

係呀，我真係擔心佢身子。

不如大家聽下歌啦，最近呢首hit歌同「對號入座」真係好大關係，頭幾句歌 ...
抽刀斷水 發表於 2021/11/21 23:03

真係唔怪得你「坐埋一枱」，你嘅判斷力真係差少少，成日都判斷錯誤。講真，呢樣嘢係我覺得最可惜㗎，心水清嘅沙文走令呢度跌咗唔少volt。

逃出魔幻紀

問你幾多歲又唔答，問你文革事件是否吹牛又唔答，然後又埋怨別人唔答你的問題？
既然耶穌冇料，等我請出 ...
leefeng 發表於 2021/11/22 01:46

老老實實講，你係我遇到過最厚面皮嘅人。話咗對你嘅冷血討厭到極點而唔想同你講嘢，你都仲係不厭其煩咁搭訕，其實我唔想同你講嘢原因主要有你太過崇拜權力同冷血，唔單止恨做共產黨，仲對俄羅斯屠殺三十萬中國同胞表示認同。仲有，我好忙，唔似你日日喺呢度返工兼住埋喺度咁得閒，我冇時間傾無謂嘢。而且，你唔知道你問嘅問題根本唔make sense，冇可能解答到。見今日比較得閒，試吓畫多次公仔畫出腸，畫多啲腸，畫長的，希望能夠發揮到一啲作用，下不為例。

78樓關於你嘅見解真係好搞笑，你如果唔明我點解咁講就去向下你啲孫或者增孫，睇下佢哋點睇法？你真係求其得好交關，魯迅筆下嘅「差不多先生」都冇你咁求其（我係魯迅嘅fans，我喺呢個討論區睇到嘅風景直情就好似睇魯迅嘅小說一樣，尤其係《阿Q正傳》）。雖然你恨做共產黨恨到流晒口水，聽到我講少少就禽禽青追問，但係我同你唔係咁熟，點解要講屋企私隱過你聽？而且你對共產黨卻毫無認識，同我嘅生活圈又毫無交集，咁我嘅家庭生活點樣證明到俾你睇呢？就算我叫三叔公四姨婆去搵leefeng解釋吓，佢哋都搵你唔到而且你都唔會信佢哋啦，呢樣嘢上流寄生族就叻過你，佢一估就估到我講嗰個官係我姨丈，我啲親戚中比佢大嘅官仲有好多，除咗帶你去佢哋屋企坐吓，仲有乜嘢辦法證明到俾你睇我講嘅係事實呢？雖然你鍾意聽，但係我再講多啲你都未必理解到㗎啦，譬如話我有時搭飛機唔使過安檢，小轎車直接喺舷梯下邊接我直接經機場圍牆門口出街；又或者我同啲豬朋狗友去北京釣魚臺國賓館食飯，就算唔揸靚車揸部錢七入去都唔使查車仲有衛兵敬禮，司法部長喺一號樓食飯我哋就喺隔離二號樓捽腳趾鋤大D⋯⋯（成為基督徒之後，呢啲揮霍民脂民膏嘅活動我會盡量避免，時刻省察自己），我講嘅全部係親身經歷嘅真人真事，唔係你扮共產黨嚟恐嚇哈佛專家嗰種，你唔好自己講大話就以為人人都講大話。你連香港都未嚟過，幾乎成世人住喺美國，共產黨生乜嘢樣你都未見過幾多個，你所認識嘅共產黨充其量就係喺唐人街公園度坐埋一檯討論《今日頭條》「新聞」嗰班金山街坊吹水描繪嗰種，或者過年過節去乜乜同鄉會物物會館拜年嗰幾個領事館主任仔，至於我講呢啲遠離美國十萬八千里嘅真人真事你點理解得到呢？我又點樣可以有效證明到俾你睇呢？我只能夠同你講：我係基督徒，喺我守持嘅天主十誡入邊，有「不可作假見證」呢一條，作假見證係大罪，所以我會極力避免講唔係事實嘅嘢。
我並唔係蕭若元嘅fans，不過燒山點都真實過你日日睇嘅《今日頭條》同微信新聞千百倍。每日好多人send《今》、《微》D嘢俾我但我一條都唔會打開睇，同樣道理，我揀嘢聽揀嘢睇嘅嘢你都應該睇唔落，所以你判斷為造謠，呢樣又同《人貴自知》有關，物以類聚，人同資訊都一樣道理。我睇嘅嘢首選《聖經》及有關神學觀點，喺社會時事方面，最鍾意王劍（五星級米芝蓮），每日睇；跟住到文超（四星級美食），基本都睇；蕭若元對我來講只係三、兩粒星，但係佢為人聰明兼有良心，做人處世打工營運有好多嘢值得我學習，而且佢講粵語，係啱我口味嘅家鄉菜，所以揀嚟睇，《人貴自知》入邊佢引述嗰啲專家嘅理論好有道理，你就算唔明都應該知道下有咁嘅理論。如果可以嘅話，希望你可以學習下用立體方法去睇嘢同埋思考問題，唔好淨係喺窄角度睇個平面就以為睇晒啲嘢，咁樣做人好蝕章，好難出人頭地。希望你知道多啲天主嘅奧理，知道冇蝕底，願天主保佑你！