抽刀斷水

你懂互相包容, 不要濫攻擊基督教便好哩...
幾多瘡孔都係2000年未倒的教會.........淨係呢樣你先要諗諗點 ...
beebeechan 發表於 2022/8/12 00:23

    我响 120# 樓都諗過，咁叻排除競爭對手，就係2000年未倒既原因之一。

同埋，呢個主題好明顯唔係其他人濫攻擊基督教，而係基督教濫攻擊通靈之王喎。

逃出魔幻紀

問你意思是否咁啫，你答「是」或「否」就得啦，再唔係話我既問題唔清晰需要澄清都可以，用類似「自 ...
抽刀斷水 發表於 2022/8/9 19:56

    進一步補充回答網主83樓嘅質疑（問你意思是否咁啫，你答「是」或「否」就得啦，再唔係話我既問題唔清晰需要澄清都可以，用類似「自己讀多啲書就知」、「之前我答得好清楚架喇」、「睇返我之前既貼文就自然知道」，而往往不正面回答，真係唔知咩心理。其實你有無反思過，如果你之前真係答得咁清楚，又點解會有人問呢？你咪當其他人係低能先得格）

網主話「真係唔知咩心理」，其實心理就係怕麻煩，懶惰，覺得就算做咗嘢都收唔到效果會好氣餒，所以唔耐煩；上次同你邏輯分析語意推敲嘅討論都係基於相同原因，雖然唔係太健康嘅心理，但希望你能夠體諒。

其實答「是」或「否」係解決唔到問題嘅，因為「是」或「否」背後牽涉好多嘢，如果唔理佢後邊嘅嘢就答是/否，，咁答咗都等於冇答。如果我話你既問題唔清晰需要澄清，你又好努力咁澄清，但係因為你唔知道佢背後嘅嘢，只係講你睇到嘅嘢，就會搞到越澄越不清，事倍功冇。所以問題又返翻嚟我度，你話我叫你「自己讀多啲書就知」、「之前我答得好清楚架喇」、「睇返我之前既貼文就自然知道」，咁樣的確唔係正面回答，的確係唔耐煩怕麻煩；我按照你嘅建議反思過，點解我「之前真係答得咁清楚」你都唔明呢？問題應該係我冇企喺你嘅角度嚟作答。所以而家嘗試進一步正面回答，並引用我哋之間嘅對話作為說明，俾你觀察下「唔係正面回答」同「進一步正面回答」之間嘅關係。

1）你：「以耶穌基督為世界醫生、警察、老師、法官、主宰，就想請教一下：耶穌基督會以什麼形式傳遞這個訊息？要藉著教徒的口來宣示，抑或有其他方式？」

我：「耶穌基督對門徒説：「你們往普天下去，向一切受造物宣傳福音」（馬爾谷福音16:15）」

2）你：「對教外人說，很難分辨是教徒本身自以為是世界醫生、警察、老師，還是教徒只是來宣示耶穌基督是世界醫生、警察、老師。」

我：「「你們去罷！看，我派遣你們猶如羔羊往狼群中⋯⋯聽你們的，就是聽我；拒絕你們的，就是拒絕我，拒絕我的，就是拒絕那派遣我的。」（路10:3，16）這裡耶穌的「你們」就是網主你說的「教徒」，要分辨教徒是真還是假，首先要認識天主——「那派遣我的」（說明：呢度指「教外人」辨別事實嘅唯一方法就係「認識天主」，但呢個方法通常不適用於反基者），反基者（你説教外人太籠統）已經明確「拒絕那派遣我的」，已經拒絕了智慧的開端，攻擊天主，詆毀福音，還能怎樣去分辨呢？

3）你：「你的意思是否：真正的教徒本人即可以代表耶穌基督本身，成為世界醫生、警察、老師、法官、主宰？」

我：「呢個係你講嘅啫，我喺73同75樓已經講得好清楚，如果你認識天主，學習福音，自然會搵到答案⋯⋯」

你覺得我喺1）、2）有冇答到你嘅問題？我認為有，可能你認為冇，否則就唔會提出第問題3），門徒受耶穌派遣「往普天下去，向一切受造物宣傳福音」，點解就會變成「可以代表耶穌基督本身，成為世界醫生、警察、老師、法官、主宰」？打個比方，皇帝派遣心腹傳信俾戍邊大臣吳三桂，吳將軍接到聖旨，從褲袋掏出半截虎符與信差嘅另一半對接無誤，確信送信人係皇上派來嘅，呢個時候，信差如果對佢講：「你都信係皇上派我嚟㗎啦，所以普天之下莫非我土，率土之濱莫非我臣，你係我嘅臣子，我而家命令你將陳圓圓送來俾我做老婆，然後你即刻自刎或者掛臘鴨死咗佢」，吳三桂聽到之後會有乜嘢反應呢？呢個就係問題3）嘅內容。好，回復正常討論，個信差冇發過癲，吳三桂對接完虎符之後，再私自展開密函，再將皇上字跡、皇上玉璽同檔案中嘅真跡對照，冇發現任何唔妥，先至會執行信中嘅禦令，呢個程序係常識，如果個信差用張A4紙鬼畫符寫幾行字然後自己打個手指模就話係皇上聖旨，吳三桂會點睇？呢個就係「自己讀多啲書就知」嘅原因，就係我講「要分辨教徒是真還是假，首先要認識天主」嘅意思。

講咗咁多，可能未必講得中你想聽嘅嘢，但係都希望你明白多啲我嘅意思。我唔鍾意無聊嘅打牙骹，但係冇任何共識基礎嘅認真討論又會事倍功幾？但係無論如何，益處始終係有啲嘅，可以睇到同自己唔同嘅人諗啲乜，都係一種學習。請你體諒我嘅懶惰。

抽刀斷水

回覆 142# 逃出魔幻紀


    多謝你既回應，從你尾二段的詳盡回答，得知「真正的教徒本人並不可以代表耶穌基督本身，成為世界醫生、警察、老師、法官、主宰」，其實你答「不可以」就得啦。

由於你既懶惰（你自認架咋），後來跟陳版友的討論上發現，所謂「認識天主」就是希望確認哪個教徒是真還是假（正宗與否），然而就是基督宗教當中不同門派都認為自己才是正宗，並屢屢出現互指對方為不正宗／異端的情況，令教外人更混亂，不知自己所認識的「天主」是否「正宗」。

逃出魔幻紀

回覆  逃出魔幻紀


    多謝你既回應，從你尾二段的詳盡回答，得知「真正的教徒本人並不可以代表耶穌基督 ...
抽刀斷水 發表於 2022/8/12 12:44

未算詳盡回答，如果要講清楚，你每個問題嘅答案都可以寫一本書。其實我一早就估到你係想問我借刀隊BBC同埋隊基督宗教，想用我把個口講出你心目中諗嗰句說話。鑒於你唔認識天主，而且根據你以往嘅紀錄同埋目前嘅提問，有可能係立心不良，所以我只係俾咗前邊三個答案俾你。

而家睇黎我估中咗，你從我第四個答案入便隔渣撈咗你想要嘅答案出嚟。其實你淨係撈到事實嘅一部份，佢後邊仲有好多嘢你都唔了解，原因係你唔認識天主。
你淨係睇到基督宗教嘅霎氣，又唔講吓基督宗教之間嘅聯誼交流、聯合祈禱、合一運動？兄弟嗌霎打交甚至登報斷絕關係你外人淨係睇到表象，你了解人哋嘅族譜家規同埋深層次矛盾嘅原因咩？家事與外人無關。你外人插嘴講異端唔異端，我睇起上嚟就好似食齋嘅人評論點樣煮盆菜先至係正宗、彈牙、和味、膠口咁樣。幾點唔記得bigmonster？佢走來話基督教徒唔正宗，違反耶穌教導諸如此類，我就一口咬定佢係魔鬼嘅奴僕，我唔單止喺呢度咁樣鬧過人，喺第二度都用同樣口氣鬧過唔少呢類人，但係有好多鬧過我嘅新教教徒我會當佢哋係兄弟姊妹，箇中原因你又了解得幾多？

其實根據天主教教理，基督徒係喺天主面前在世上執行先知、司祭、君王三重職務，《聖經》仲講明將來喺新天新地，基督徒仲要同耶穌基督一齊坐喺審判席做法官，審判世界甚至審判天使添。

所以話啫，你係有心認識天主嘅，就會越了解越覺得自己無知渺小，越想學多啲，唔敢懶叻亂噏嘢；相反，如果成日諗住點樣磨利張刀隊天主，到頭來只會對返自己。所以我話鹹水淡水涇渭分明。雖然如此，正如我講過，適當交流下都有得益嘅，起碼知道對方陣營啲人點樣諗，開闊下眼界。就好似leefeng最近嗰篇十幾年教堂心路歷程我就覺得好有參考價值，已經抄低咗作日後資料用途。

耶穌教導門徒：「你們不要把聖物給狗，也不要把你們的珠寶投在豬前，怕牠們用腳踐踏了珠寶，而又轉過來咬傷你們。」（瑪7:6）你成日話你自己係慕道者，估佢唔會聽完呢段聖經後轉過頭嚟咬我啩。

beebeechan

我响  樓都諗過，咁叻排除競爭對手，就係2000年未倒既原因之一。

同埋，呢個主題好明顯唔係其他人 ...
抽刀斷水 發表於 2022/8/12 08:06

為甚麼要用上「排除競爭對手」「爭生意」這字眼呢？

早前你都貼過梵二既《教會對非基督宗教態度宣言》，，　內容都吩咐門徒要怎樣看待非基督宗教。即使是回，　猶太，　印度，　佛。。。都是尋找天主的。　那怎會對由自己分裂出去的就要「排除」？？？

對這些非天主教教會，　都是講耶穌囉，　梵二，　教宗通諭都說是他們是耶穌肢體，　是兄弟。　好比ＭＩＲＲＯＲ　演唱會坐在紅館山頂位的觀眾，　没有在大堂前的看得清楚清晰而已。　大家都是演淐會中的一份子。

所以說，　天主教不只重視聖經，　只唯獨聖經，　還會依靠聖傳。。。。梵蒂崗領著全球教徒走，　主教團帶著梵蒂崗走，　教宗領著主教團走，　耶穌領著教宗走。

beebeechan

呢個主題好明顯唔係其他人濫攻擊基督教，而係基督教濫攻擊通靈之王喎。
抽刀斷水 發表於 2022/8/12 08:06

＃１３３　說明了，　你根本不是看被投訴的值不值被批
只看誰人來批。。。。。。只要是出自基督教團體的指責就是「濫」「撩交嗌」咁

beebeechan

回覆  逃出魔幻紀


令教外人更混亂，不知自己所認識的「天主」是否「正宗」。
抽刀斷水 發表於 2022/8/12 12:44

睇球賽, 依家電視成日都有直播, 點解仲有人花幾舊水買張飛現埸睇?
因為現埸同電視係兩回事嚟。

你, 就一向都只是「教外」睇, 係電視睇放煙花咁...真係有乜好睇

上流寄生族

谢谢谢谢谢谢先生指教。

leefeng點解你咁健忘？我好嚴蕭噉話過以後唔再同你講嘢，你仲喺度問呢問老？唔好話對話咁嘥精神，根本你 ...
點解你咁健忘？我唔單止答過，仲開貼講過呢個問題，你淨係講嘢問嘢，唔識聽嘢，聼唔到記唔到嘢，怪得邊個？「但如果說我們的福音也被蒙住了，那只是為喪亡的人蒙著，因為今世的神（註：魔鬼撒殫）已蒙蔽了這些不信者的心意，免得他們看見基督──天主的肖像──光榮福音的光明。」（【a虫蛀，天主基督吩咐于圣经】格後《又一名哥林多后书》4:3-4）
逃出魔幻紀 發表於 2022/8/10 05:50

恭恭敬敬请问先生，


神 === 魔鬼？？？

逃出魔幻紀

#144更正：《聖經》仲講明將來喺新天新地來臨之前（而唔係喺新天新地中），基督徒仲要同耶穌基督一同為王，一齊坐喺審判席做法官，審判世界甚至審判天使。

leefeng

#144更正：《聖經》仲講明將來喺新天新地來臨之前（而唔係喺新天新地中），基督徒仲要同耶穌基督一同為王，一齊坐喺審判席做法官，審判世界甚至審判天使。
逃出魔幻紀 發表於 2022/8/12 22:27

先不要管正宗不正宗，
所有各種基督教和教徒的理想天地就是：
世界不再需要領導/總統/國王，和任何其他宗教，只能有一個耶穌是王！
大家留意呀，基督教徒的目的是基督徒要同耶穌基督一同為王，一齊坐喺審判席做法官！ (當野心上腦真是令人興奮)


宗教信仰只是一種心靈寄託，而基督教向教徒洗腦洗到個個基督教徒排他滅異，
瘋狂去追求為王當主(咦，咁似紅衙兵口號：要當家作主？）


這就是基督教的野心，他們的理想就是世界再沒有其他的宗教(已經被基督教趕盡殺絕了），
亦不再有國家元首和領導，因為基督教徒已經代表天主在地上為王！
(至於魔幻這種嘍囉爪牙當然會論功行賞，否則上了腦的精神病院掛了號的魔幻會這樣積極嗎？）


基督教/徒這種心態，策劃，宣傳，長遠的陰謀，並不是在魔幻這句心底的說話表露出來，
而在各論壇，什至香港中文大學神學院，基督教黑暴亦發放過這樣的宣言。


基督教要的不只是宗教唯我獨尊，基督教和基督教徒的野心是控制全個世界！


這不是一個導人向善的信仰，亦不是一個宗教，而是一個恐怖組織，吸納教徒，洗腦，訓練成一支基督十字軍來控制全人類和全世界！


基督教是一個極之危險的恐怖組織，無所謂正宗不正宗，他們各宗各派其終極目的都是一樣的，大家明白了沒有？





.

leefeng

#144更正：《聖經》仲講明將來喺新天新地來臨之前（而唔係喺新天新地中），基督徒仲要同耶穌基督一同為王， ...
逃出魔幻紀 發表於 2022/8/12 22:27

基督教源自什麼品格，什麼民族的信仰，看這個視頻，會得到答案！


一個以暗殺，殺戮，侵佔立國的基督教種，好人有限。
寫一本聖經杜撰什麼應許之地，創制君權神授讓自己出師有名去幹壞事，
然後又得到包庇免責的基督教基督徒，簡直是地球害蟲！


你魔幻表面扮痛心三十萬中國人被殺，骨子里大叫“死得好”的豺狼。
幾百幾千萬被基督教屠殺強奸的人和孩子，又從不見你痛心？



從以下這個視頻可以了解基督教排除異己的本性，基督教徒遵循基督教的劣根性路子，繼續排山倒海的在危害世界！


為什麼猶太人被排擠？
一個視頻了解猶太人的歷史、圍繞以色列的衝突依然是宗教矛盾的延續？
從猶太民族看一神教的缺點是什麼








.

抽刀斷水

兩位教徒版友不斷提出「不相信就不了解就不明白」、「不投入就不知道誰是正宗」既「論據」，逃版友甚至暗示明示我立心不良，並引用經文比喻我為豬狗。有啲咁哽耳既聖經經文，又有資深教徒懂得巧妙運用，聖傳梵二講到幾咁和平友好都無L用啦，

可能無關係既，之前睇過講毒品既《門徒》，劉德華、吳彥祖、古天樂、張靜初主演，就係呢齣戲令我留意多咗張靜初，佢演道友婆真係一流。無投入毒品既世界，外人真係好難明白箇中既美妙，亦唔太清楚知道點解咁多道友戒完又食返，食咗又想戒，不斷循環。

實在唔想扯去馬克思嗰句名言，但對於宗教既投入，我必須慎重處理，所以暫時都係慕道住先，至少我依家睇《通靈之王》，睇得好過癮，又唔駛被人挾去一齊禱告反對播放，而且睇完又唔一定要相信裡面其中任何一種通靈技術。

補充一下，我一向討論都係對事不對人，我對於在言詞間涉及個人既批評會特別小心，講完就算架喇，唔會記住得閒反芻，有咩得罪希望各位多多包涵。

逃出魔幻紀

回覆 152# 抽刀斷水

我經常比喻呢度係一所學校，呢個的確係我嘅心裏話，因為呢度雖然人唔多，但每個人都真誠討論，毫無掩飾咁表露自己嘅真實思想，唔似「香討」嗰邊啲無聊人淨係拋個話題出嚟或者淨係用啲無聊說話單打下你然後就匿埋牆角陰陰笑嗰種。呢度每個人都盡其所能掏心掏肺表現自己嘅追隨基督、反基、護佛、拜神求福、遊戲人間、支持銳實力以求精神勝利等等方面嘅獨家情緒同生存技巧，就連悲觀迷惘嘅龍井樹都好真誠咁表達自己嘅意思。
所以呢度人雖少，但係真係有嘢學，估唔到大家講咗三幅被咁耐，最近仲竟然俾我執到一篇leefeng嘅「十幾年教會慕道經歷」，呢篇嘢對我非常有價值，充實咗我某個資料庫，令我自己嘅神學觀點更趨清晰。
我話抽刀你係呢度嘅校長，唔係隨口噏嘅，因為從開始我就覺得你個人好特別，喺呢個wee wang wang嘅反基環境中盡量保持大度包容、堅持原則、禮貌同善良（偶然疑似講嘢唔認賬同埋有時單打幾嘢鬧我幾句嗰啲亦屬人之常情，大家都係罪人吖嘛），從你所表述嘅睇書睇劇集嘅心得，我都睇到尋找真理、智慧思考、良心拷問呢啲元素，所以你都成為咗我重點研究嘅對象，第日大家離開咗世界之後，我會唔會喺亞巴郎拉匝祿嗰度見到你呢？抑或遙遠見到你同財主一齊玩呢（我絕對唔信你可能傾向相信嘅嗰啲輪迴嘢）？人嘅嘢好難話得埋，我見過有啲人一世唔信耶穌，臨死嗰陣叫屋企人快啲去搵神父嚟幫佢付洗。講唔埋㗎，沙文都話佢有呢個臨死領洗嘅可能啦。不過咁，我曾經喺呢度發帖討論過關於天主見人持續心硬就可能會送你一程，邊個話得埋？我記得神童輝喺東莞想轉層樓俾佢女朋友，喺律師樓揸住支筆準備簽字嗰一刻壘低咗死咗，搞到阿女朋友蜑家雞見水。
我重複講一次我嘅真心話：「多謝呢間學校嘅抽刀校長、教務主任、各科嘅科任老師、同埋所有校工哥哥姐姐！」不過而家啲教務主任同校工走走下走晒，睇見校長你要一腳踢，有時仲要代課，就會更加感激你嘅辛勞。

抽刀斷水

為甚麼要用上「排除競爭對手」「爭生意」這字眼呢？
beebeechan 發表於 2022/8/12 19:49

    你提到「2000年未倒」，其實就類似打機時既「生存模式」（survival mode），仍然生存，意味就要不斷打低其他怪，否則就會被怪殺死然後GG。以這個角度黎睇，用「排除競爭對手」「爭生意」其實都好客氣架喇，正確黎講係「將對手置諸死地」先最傳神。

beebeechan

，正確黎講係「將對手置諸死地」先最傳神。
抽刀斷水 發表於 2022/8/13 20:42

一時就話教會已經無咗把刀, 死淨把口...
依家又話可以「將對手置諸死地」

beebeechan

你提到「2000年未倒」，其實就類似打機時既「生存模式」（），仍然生存，意味就要不斷打低其他怪， ...
抽刀斷水 發表於 2022/8/13 20:42

你要用打機作比喻, 不過你打機經驗早落伍了, 早不是一個人在機前打打打架哩...



依家係眾教會都係一個競玩團隊嚟(按梵二既精神), 共同打低個妖大佬撒殫。

團隊中會有個佬時仍注重團隊精神


互相對打既日子..唔流行架哩

哈佛專家

有興趣知道leefeng如何慕道及如何反基，說來聽聽。謝謝。

beebeechan

聖傳梵二講到幾咁和平友好
抽刀斷水 發表於 2022/8/13 11:41

你都睇出有和平友好, 包容的一面

beebeechan

以這個角度黎睇，用「排除競爭對手」「爭生意」其實都好客氣架喇
抽刀斷水 發表於 2022/8/13 20:42

你有無留意到天主教不見太主動咁出 去拉客「爭生意」,, 但生意又幾興隆 (無一個新教教會人頭能超出天主教會既).......點解呢

配合埋「二千年迄立不倒」......你實知我想講乜

leefeng

有興趣知道leefeng如何慕道及如何反基，說來聽聽。謝謝。
哈佛專家 發表於 2022/8/13 22:25

難得你咁正經問問題！

沒有慕道，只是起初跟朋友去，後來很好奇是否真的有神？
神創天地？嘩，多麼偉大，起初也是胡里胡塗相信的。

但，後來慢慢思考，看，聽，找尋資料，漸漸覺得荒謬，
但一樣去聽，去聽聚會的人說什麼，怎樣一個方式和為什麼相信？


老實講，聖經的內容，字面字裡都十分幼稚，不明白為什麼他/她們可以像小學生一樣朗誦？ ？ ？
我感覺他/她們在讀，在祈祷的時候，有點像在集體催眠，把經文硬生生刻在腦中。
所以教徒的腦充滿了這些催眠劑，自然而然出口成經，像不像小學生背死書？


當這些催眠劑佔滿了全個腦，應該已經被控了。
可以離教的人，吸收的催眠劑少，或完全免疫。
像我們一樣，不會死讀書，而是一邊聽，一邊想，“有沒有可能？”“真的這樣嗎？”…等等


老實說如果一個人曾經讀過中國的名著，看過西遊記封神榜這些神話故事書，會覺得聖經神話十分荒謬。
更不用說耶和華殺人那些！


一個正常人不會認為一個殺人如麻，殺人為樂的叫做“神”。
基督教的亂七八糟亂倫關係只有中東人/洋人才會覺得沒有問題，還洋洋灑灑寫在書上當道德篇來售賣？
以一個正常人的基本智慧，亦知道中國神話只是神話，不會像基督教徒低智到把耶和華，馬利亞聖靈受孕出耶穌當是神蹟和事實，集體催眠是有效果的：會出智障！

在第三年已經覺得邪，但，我自己問過是否我自己偏見？戴了有色眼鏡？
所以我會一有空亦去不同的天主教堂，基督教會，什至摩門教我一樣去看看聽聽，找㝷疑問的答案！


什麼梵蒂岡，意大利教堂，巴黎圣母院，巴塞羅聖家族教堂，一點也沒有跌出一個神或神聖的感受給我，反而令我有種恐怖，毛骨悚然！
有點像魔窋，這些歐洲的教堂也看不見什麼藝術。不過的確有點像地獄！


(講住咁多，得閒有興趣你又想繼續聽再說吧）


像不像地獄？會有人覺得神聖？