本帖最後由 逃出魔幻紀 於 2023/6/16 15:56 編輯
我深信一件真正好事係唱唔衰既，真理唔係越辯越明架咩？你唔認同真理越辯越明、還是唔認同耶穌的道 ...
抽刀斷水 發表於 2023/6/16 09:48 
你每次講「慕道者」、「請攞出證據」、「真理唔係越辯越明架咩？」嘅時候，我都好似睇到知善惡樹下條蛇嘅影子同聽到條蛇講嘢，你自己嘅良心應該知道得最清楚你係咪真係慕道者。雖然你唔信，但我相信以後你喺耶穌基督嘅審判台前會聽返呢自己講過嘅呢啲說話嘅。
耶穌喺試探山回答咗撒旦提出嘅三個問題之後，撒旦就掉頭走咗。網主你認為天主同撒旦可以通過辯論而得到共識，搵到共同認同嘅真理？如果係咁嘅話，撒旦就唔會再返轉頭再引誘、攻擊耶穌同基督徒啦，但係佢哋仍然攻擊到今時今日。
天主對人講：「知善惡樹上的果子你不可吃，因為那一天你吃了，必定要死。」撒旦辯論：「你們決不會死！」天主有冇同佢辯論？冇！而係直接詛咒佢：「因你做了這事，你在一切畜牲和野獸中，是可咒罵的」。點解唔辯論？因為「正義與不法之間，那能有什麼相通？或者，光明之於黑暗，那能有什麼聯繫？基督之於貝里雅耳，那能有什麼協和？或者，信者與不信者，那能有什麼股份？」（格後6:14-15）天性使然，撒旦停止不了攻擊天主直至自取滅亡；耶穌基督必然要踩爆撒旦蛇嘅頭，呢個係《創世紀》第三章原始福音嘅預言。
慕道？辯論？假面具嚟嘅啫，從你播種、施肥、結果子，都睇得出反基先至係本質，你如果要繼續扮，就要將條蛇尾收得好啲。
希望你及早認識真理而成為真正的慕道者，棄暗投明，與基督徒有共同的股份，願天主祝福你！ |
2023/6/8 19:23
| 