沙文

咁佢冇將港斬件 十八區分售十八國，都算對行得您住啦。
係咪正面，就要睇下用咩身份去評價咯
既得利益階層嫌疑就大了
既然殖民地万惡政府，佢又有咩吸引到阿B咁嘅人才資金？

沙文

反共與否，其實唔係作為評分標準嘅，至少，唔係作為唯一評分標準。人民同大老細一樣係睇業績嘅之嘛，業績好，拎啲閒錢去反共，冇人會介意，但係拎啲人民血汗錢俾老婆去買鞋，小股東就緊係想換CEO啦。

港英阻了共惨，是否令其政權自動合理化，您又何必問我呢？您自己都答咗啦。
不過您身上不同的噐官分別俾咗兩個答案之嘛
一個係把口俾嘅，一個係對腳俾嘅

您又要魚翅撈飯，又要做民族英雄呀？
我夠想獅子會午餐例會演講促請政府加強掃黃，夜晚就去叫雞啦，有冇得咁便宜先得格？
您要數殖民地血淚史，唔係唔得
寫一份檢討交俾中央，話您自己以前自願受咗殖民地咩好處，而家後悔莫及，决定嘔番哂呢啲好處出來俾貧下中農啦

沙文

屎忽都未坐得暖就要打日本仔，佢边有機會休養生息同英國佬鬥呢，我唔知有咩好講

沙文

好啦好啦，就一句講晒佢啦
根本就全世界都對您唔住咖啦，何止英国佬？
一早話咗宇宙終極真理#1，您領悟不夠之嘛
冇錯，的確係個個都恰您，個個都恰您係老奉嘅
您憑乜嘢認為人地唔應該恰您呢？佢地唔恰您先至出奇

只要您將周圍環境的本質睇清楚，就不會再疑惑
世界的本質係一座大森林，我地同五十万年前的祖先其實冇分別，不過都係覓食之嘛
當中就緊係強胜弱敗，地盤多就勢力大，您以為真係好清高咩？

到有一日您睇經濟新聞話：「由於中国股市升十點，帶動杜指升一千点」咁咪冇人恰您咯
一字咁淺之嘛

沙文

原帖由 訪客得得b 於 2008-7-26 21:42 發表
就將因應侵略而來的經營  誤解成為建樹 ...

点解因侵略而來的經營，唔可以係建樹咁奇怪呢？边個規定咖？

沙文

原帖由 抽刀斷水 於 2008-7-26 22:23 發表
有好東西就吃吧，管它甚麼膽固醇、反式脂肪～

您講得真係痛快！
講真，阿B推介的白粉真係幾好食咖
有好東西就吃吧

沙文

My Dearest 華民政務司得得b閣下

咁又未必。例如：
香港雖是由侵略而得，但英人治港，建樹良多，其中佼佼者便是將中国資金吸引過來，各方人才亦因之在此落地生根；雖然其間部份人選擇了離鄉背＃，移民美加，但他們都並非精英，其中尤以沙文為人中渣滓，他們的離去不但無關痛癢，反而是去蕪存菁；由於傑出華人如李嘉誠、饒宗頤、李天命、得得B等，他們對香港不離不棄，皆成為殖民地發展、經營、建樹的中流砥柱，見證了此等建樹的歷史時刻。

咁講，係完全冇謬誤啦。

加拿大的小食，有donuts, bagels,Poutine加薯條,Crepe。您地唔會鍾意嘅，所以不如唔講小食講小飲 -- 錫蘭茶葉

錫蘭茶葉，就是大家熟悉的西冷紅茶正式音譯。Sri Lanka 斯里蘭卡。点解香港人會用斯里蘭卡茶葉冲奶茶呢？當然就是東印度公司推介俾港人啦，阿B您鍾意飲奶茶嗎？若然不飲東印度公司的西冷紅茶，只好嘆正宗的English hightea咯，您諗過先好喎。

另一种稱為西冷的港式食品 -- 西冷牛扒則同斯里蘭卡無關，sirloin係牛的腰肉。所以，識英文，亦是港人的優良傳統，中文夾住英文黎講，又係港式語言優勝之處，連阿B都係咁講嘢咖！

沙文

您地兩位都係留港支持殖民精英，並列又有何不可呢？細佬在天命恩師同阿B哥身上都學到好多嘢，非如此則很難表達到對兩位的敬意喎。

沙文

當真？果然？先前我只係相信英國在港有若干建樹，萬萬料不到原來咁勁抽！香港係全球最好的地方，以致誠哥同B哥一樣，除了香港，边度都唔想去！由殖民地時代已然如此，縱使每一啖西冷紅茶都飲得出國仇家恨，亦無動於喪衷！
不但如此，好似天命恩師般淡泊名利的高逸隱士，一樣係適宜居港，英人對香港建樹的無微不至，竟一至於斯。

反基此等碎料，有阿B可當半邊天，幾時輪得到我？阿B的手段是何等厲害，徒兒您睇得出嗎？
佢吼英人返祖家之後才將個鍋卸俾佢，功勞則歸於豬油麵 -- 這功夫您要認真學習。每一個離職員工其實都經歷過咁嘅辦公室政治，只係佢地自己唔會知道。

點解在97年6月30日唔咁講，因為佢為人好穩陣
點解97年7月1日都唔講？因為剛剛走咗馬上講又太著跡
等都等到而家先講，就令人不得不佩服佢嘅耐性

沙文

唔係攻擊您，係驚住港人唔知您講笑，以為世上只要有豬油麵則無需英國，不侵略比侵略合理，咁就大件事矣
根本上中國的創立都係靠侵略的，人類時刻都在侵略，沒有侵略時係因為正在計劃侵略。您查下何時開始有中国，當時的彊界同現在有何不同？
您唔侵略就會彼侵略，先致係必須提醒各人的事

沙文

嗱，所以阿B好嘢就是好嘢在此處，我絀於辭令，講來講去講不出啓發性，但阿B一句到尾，就真相大白！原來我地係嫌英國佬侵略得唔就手。

但幸好我都有建樹，雖則我冇啓發性，但能慢慢引導阿B向各位解釋「50步笑100步」這個故事，所以有建樹咯。至於東條單案，即使打官司嬴了，阿b都不会同意中囯由日本統治啦。若然您唔嫌深，東京灣海底沉有幾百艘中国戰艦，潛落去參觀都可開下眼界。睇完，再話俾大家听我地比東條英機純潔多少？同佢鬥純潔贏咗又咩著數？

沙文

咁合理的侵略又遠不止大英帝國，從前我国一樣侵略過南越、南詔、高句麗，一諗就起，心思未空。
香港的地道小食又有隨抵死的移民去北美，如格仔餅、雞蛋仔、魚蛋...........
而土炮港人不念3年08月偏愛卡拉ok同日式夜總會、動漫、羅莉控大有人在，國際都會地球村嘛，仲边有人計較呢啲嘢咁戇九咖？阿b您都恨做德田重男啦。
尋日HSI跌咗429點，阿b您唔好為咗打擊我嘅論点就質低個市，企圖影响我心情啦

沙文

估唔到您都贊成5口通商

想正確理解過去之後再楂鍋鏟，又不可不提殖民地建樹啦
联合交易所係点樣黎，各位起立，請B主席致辭

沙文

既然您都肯自首，我又豈會迫人太甚呢？
不如講下後市點睇算啦

沙文

short HSBC? 您有冇啲個人情緒在內呀？仇恨當年滙丰乘擠提之機食咗恆生
=========================================================================================
香港經典小食，很多來自大牌檔。
大牌檔的起源，原來係港英政府恩恤退休公務員家屬而設：
﹝唯靈（麥燿堂）著名飲食家：大牌檔源於香港，絕對正確毋庸置疑，。。。。先從大牌的意思說起，其實這個大牌當年是有些恩恤那些退休的低級公務員的制度，因為有很多譬如科文級，沙展級的那一類的公務員退休之後，當年的退休金制度未必夠他們日後的生活，所以就有這些所謂〝人情牌〞了，發一個固定的小販牌照給他們，這種就叫做大牌，相對於流動小販牌照，就是沒有固定檔口的小牌，不是說是一個很大的牌照，當然必須有個牌掛起來，當年是相當寬容的，持牌人無意經營就可以把牌照轉讓出去。﹞
http://www.hkatv.com/infoprogram/07/hkdecode/content19b.html

小食，真係有啲滄桑史嘅。但是否只關公屋豬油渣事，大家都唔會介意參考多一方面卦？