返回列表 回覆 發帖

玩股廿載 牧師:我唔係賭 「妥善管理上帝託付我們的金錢」

玩股廿載 牧師:我唔係賭 「妥善管理上帝託付我們的金錢」
(明報)11月27日 星期四 05:05【明報專訊】
「我可以戥腳打牌,但唔賭錢,用糖代替得唔得先?」賭,似乎與追隨上帝的信徒絕緣,因為他們深信「貪財是萬惡之根,有人貪戀錢財,
就被引誘離了真道,用許多愁苦把自己刺透了。」(提摩太前書6:10)那麼,全球股市大跌,信徒真的能倖免於難?在無神論家庭長大的
戴國璋,一次隨中學好友踏足教會,因神一個招呼,就毅然走到中國神學研究院修讀道學碩士。當上牧師至今15載,原來至少已有21年投資
經驗:「投資股票並非賭博,只是妥善管理上帝託付我們的金錢而已」。海嘯浮世繪系列五姓名:戴國璋年齡:53歲家境:與妻育有2名女
兒,全家同是基督徒身分:牧師、中華基督教會望覺堂主任「我自己都有投資,金融海嘯剛跌時已走咗,起初都懷疑咁早走係咪錯,後來見個
市跌得咁慘,先慶幸好彩…… 」教會亦投資藍籌 不鼓勵炒賣摸底「我呢啲唔係賭!教會係唔贊成賭,因為會令人上癮,賭徒只識心存僥倖,
唔努力掙錢,全部來自貪念。而投資係理財,我們要諗點樣妥善管理上帝託付嘅金錢資源,回饋主一個合理的財富,忠心侍從祂。」「我哋教
會都有將資產投放股市,例如買中電、匯豐等較穩健嘅公司,呢啲藍籌股志在放長線,因為我哋主要靠收息支持,希望繼續保本、抗通脹。至於
炒賣股票、玩摸底就唔鼓勵喇!」「同工中有人買咗雷曼基金,亦有人大嘆強積金    唔見咗一半,當然有唔開心,不過無強烈埋怨主,我時時提醒
人要樂觀啲,上帝係會幫助你,帶你走回正確的路。好似我家53歲,距離65歲退休年限仍有一段時間,咪再儲過啲強積金囉,哈哈……」「不過
,金融海嘯可能會令信徒工作同收入唔穩定,影響對教會嘅捐獻,好彩我哋有400名較穩定嘅信眾,至今未見受影響。 」97年最大試探 一段經文走
過黑暗「1993年起做牧師,當然經歷過無數試探,最大試探就係97金融風暴。唉!我87年開始玩股,嗰時美國    大跌市,香港就不斷上升,足足風光
10年。點知97年到我哋大跌市,香港經濟從未試過咁危,我當時足足唔見咗一架平治(房車)呀,好擔心同恐懼。」「作為牧師要講道鼓勵別人,必
先自己得到鼓勵,嗰時我日日讀聖經    禱告,求取心靈上的平安,重新感受上帝在世人困難時彰顯恩典,明白自身不建於財富,依靠上帝總會有走出黑
暗的一天,慢慢生活又穩定番。」「其實人生一定有上有落,興旺時不可高傲,失敗時不可氣餒,聖經上『他對我說:我的恩典彀你用的。因為我的
能力,是在人的軟弱上顯得完全。所以我更喜歡誇自己的軟弱,好叫基督的能力覆庇我。』(哥林多後書12:9)我曾經讀着這段經文走過黑暗,希望他
人於軟弱時候亦得到神嘅庇護。」
                                                                                                                                 
明報記者 利嘉茵

回復 1# kkkk_kkkk 的帖子

咁我都唔係嫖 ---- 我係「妥善使用上帝託付我們的精液」
Don't know where God is but the Devil is in the details
.....乜唔係要富於天國既咩???做教牧咁屬世得唔得架???
做好男人,是讓身邊所有人開心
做賤男人,只是不想自己太傷心

回復 3# Jom 的帖子

炒嘢係屬靈顧喎.......阿b話佢都係用炒嘢來修行
Don't know where God is but the Devil is in the details
原帖由 沙文 於 2008-11-28 13:09 發表
炒嘢係屬靈顧喎.......阿b話佢都係用炒嘢來修行


不可混為一談o既 基民只要信 捐下錢就可回到主身邊了 其實是無咩其他好搞的
阿b要靠自力更生 於股海浮沉 一為糊口 二為觀察世情 積集智慧 為未來世之牛熊市做好準備

回復 1# kkkk_kkkk 的帖子

不是想論斷這位牧師,這位牧師的行為好明顯是已經失去神的見證!
原帖由 Guest from 218.189.223.x 於 2008-11-28 18:47 發表
不是想論斷這位牧師,這位牧師的行為好明顯是已經失去神的見證!


一隻蜜蜂無論如何勤力 都不可能獨自建築蜂巢
股市的集資功能 可以開發事業  建設社會
一名牧師 是建不起一座教堂的  耶穌教導信眾捐錢做事奉 都是一種集資
所以呢位牧者是義人就真
原帖由 Guest from 218.189.223.x 於 2008-11-28 18:47 發表
不是想論斷這位牧師,這位牧師的行為好明顯是已經失去神的見證!


你已發言批評了他的行為,所以現在你已是在公開的場合論斷了他啊!
我命由我不由天!
祢所說的平安裡沒有平安,祢所在的地方並沒有烏托邦!
「我們要諗點樣妥善管理上帝託付嘅金錢資源,回饋主一個合理的財富,忠心侍從祂。」
咁上帝到底知唔知會有金融海嘯呢單野?
原帖由 Guest from 218.189.223.x 於 2008-11-28 18:47 發表
不是想論斷這位牧師,這位牧師的行為好明顯是已經失去神的見證!


你直接同佢講啦

回復 9# Jennifer 的帖子

為何不知道?!
祂是無所不知的神,
祂允許發生金融海潚這件事,
自有祂的意思!
請不要質疑神!

回復 11# 的帖子

都話左係耶仔搞風搞雨架啦~
匿名 發表於 2008-12-3 18:59
為何不知道?!
祂是無所不知的神,
祂允許發生金融海潚這件事,
自有祂的意思!
請不要質疑神!



原帖由 kkkk_kkkk 於 2008-12-3 19:38 發表
都話左係耶仔搞風搞雨架啦~


to My Dear Sir K : :
: :
u 'r////are really very much a smartest art in snapping+cashing the best  timing

exChristian.info前基督徒,主力:淚儿/泪儿,WEIYAN,龙井树。。。。。。。。。。。。。。。。。。。。。。。。警告 基督徒:你们一定不够他们玩
realChristianities.com雪龙坛
返回列表
高級模式 | 發新話題
B Color Image Link Quote Code Smilies
換一個