Alice

思維混亂既人, 都不能擺脫基督教.
每餐飯, 事無大小都祈禱一番. 佢唔覺得好煩好無謂.
又鍾意對空氣講野, 愛一堆空氣.  

做人要學識接受同埋適應出面既世界, 唔應該有咩事就躲進教會.    教會只會誤導一d思維混亂既人, 繼續去堅持佢地逃離現實既心態.   係出面被欺負, 融入唔到呢個世界, 就躲進教友既圈子.  認為呢個世界邪惡, 被魔鬼控制.
其實現代既人既行為以經受法律約束, 唔會好似中世紀咁, 不信主就被基督徒捉去燒.

出面既世界當然有醜惡既一面, 但係都唔應該去逃避.

Alice

有時, 唸深一層,  唔計最高級果d 宣教士, 牧師, 導師.   只計普通果d 基督徒.  佢地比較感性, 可能係佢地既性格導致佢地信教啦.   雖然我離開左教會, 但係我仲記得, 有d 教友係真心關心我架,  如果只係為左傳教而關心我, 唔會同我傾電話傾幾個鐘, 傾到凌晨.     某幾個教友, 撇開宗教唔計, 同佢地相處都幾開心.  最近同其中一個女教友傾左一陣電話,  都話: 我唔信神啦喎, 我地仲可唔可以做朋友??   我仲可唔可以返團契同你地一齊玩?  佢地都ok.        

佢地真係好想我信神, 甚至話神無比邏輯人, 邏輯只係從人而來.  有時問佢d問題, 佢又叫我唔使唸.   
我有個好好既鬼佬同學(幾十歲, 已婚), 佢都係基督徒, 仲請過我食野.  又同我通email. (我英文好麻麻, 佢就住我傾計)   有個一齊上當果時坐係我側邊既女同學, 都好友善, 有傾有講.  另一個基督徒女同學 (依家因為宗教反左面),  雖然佢好無記性, 人地講野前言不對後語, 佢都聽唔出, 蠢左少少.  但係佢係一個好既聆聽者.

教會吸引人既地方, 可能就係基督徒本來就感情比較豐富.  佢地死都技持教會, 可能基於對教友, 團契既感情.
感性既人比較憑感覺, 唔會太重事實, 證據.  感情用事.      同埋佢地多數都唔鍾意捉棋, 從來無聽過佢地講關於捉棋既野.  亦唔會去投機 (或者係唔識).   有時係, 我睇唔到佢地勢利既一面, 定係佢地本身就無出面既人咁勢利, 只係傻左d.

Alice

頭先睇左 被youtube 禁左既聖經動畫, 跟住翻查聖經, 創世紀 19:30-38 真係有呢個故事!! 我仲以為人有惡意抺黑基督教   
跟住又翻查 以西結書 4:12-15 真係有耶蘇叫 以西結食牛糞
原來果d變態故事, 聖經都有.     
唸唸下我都係唔再同佢地來往啦, 怕有一日唔知會發生咩事

Alice

馬太福音 21:18-22    話座山會跳海果個動畫好搞笑.

Alice

回復 18# kwongyauleung

岩!  神係解決唔到問題既, 只係利用人既感情留你係果度.
可能每個人既心深處都好想有人真心關心佢, 可以相信佢. 想同一個品性好好既人做朋友.  人係群居, 大部份人都鍾意果種" 大家一齊" 既感覺.  一齊食飯, 一齊去睇戲, 去打羽毛球, 去某教友屋企坐, 一齊聊天......

忘記左, 神係假既.
只要你唔走, 同你岩傾d既人都唔會走, 就變相幫助增加基督徒.  變左幫自己洗腦, 亦幫埋本來唔信, 但係又同你傾得埋既人洗腦.

其實政府可以效法教會咁, 將全港既市民以年齡分小組, 每個星期都有個聚會.

Alice

回復 20# weiyan
   
啊, 多謝你話比我知

Alice

回復 22# kwongyauleung

咁又係, 近朱者赤, 近墨者黑.
最近都繼續睇其他離教見證, 好多篇都好搞笑.  每次唸起d離教見證同埋被youtube ban 左既聖經動畫都覺得好好笑, 笑左好耐.

最近識左兩個 friend, 前日同其中一個傾計(女性呢既), 先知佢竟然係 基督徒!  問佢:" 你點解信神既?"  佢不單止不回答我, 仲反問: "點解唔信呢?"     好彩果時搭地鐵, 我地唔同線, 跟住各有各行.   唸唸下, 昨日係 facebook  block 左佢, 費事煩!  睇返佢個 facebook info, 佢竟然無寫自己係 基督徒.   躲躲藏藏咁, 等我更加覺得佢利用友情去傳教.

Alice

最好不回答, 基督徒所問既有關基督教既問題.  佢地係一言堂, 有佢講無你講.  你講果時佢唔係聽, 只係係度等你講完就發謬論.