跑步

抽刀斷水

論壇預設是以會員級別或版主職級為頭銜稱謂的，今日手痕看到原來可以以發帖數作級別的。

離教者之家不設會員制度，因此以「會員」作論壇稱謂會導致誤會，令人以為只有離教者才可註冊及發言，而且我亦認為甚麼版主、管理員等職銜，會使人感到等級不同、官僚等。其實各位發言、交流、討論，都應對等及不分階級的，因此那倒不如以發帖數作頭銜稱謂吧。

論壇預設了以下發帖數稱謂：
0: 新生入學
50: 小試牛刀
300: 實習記者
1000: 自由撰稿人
3000: 特聘作家

因此沙文兄才奇怪有此新稱謂。在今晚跑步途中，我想以由一個人到達一個陌生的地方，到發展成一個「家」的主題，比起以寫作職業主題為稱謂，可能更切合離教者之家的感覺。因此現改成：
遊子駐足 0
投棧借宿 50
置業安居 300
齊家治國 1000
天下一家 3000

如有任何更合適的，或有其他意見，歡迎提出。

抽刀斷水

原帖由 沙文 於 2007-8-2 04:16 發表
咁可唔可以將「離教者」的解釋加多啲，係「遠離呢碌教之人」咁解呢？而家的解釋令我對呢個家冇乜歸屬感

呢個頭銜只能代表佢係呢個討論區既發帖數，並唔能夠代表佢既宗教取向架喎。

抽刀斷水

原帖由 沙文 於 2007-8-2 10:05 發表
哦................

咁而家話齊家治國、天下一家，係咪即係用儒家來維繫我們的家呢？

個過程應該係咁樣喎：
【禮記‧大學】
欲正其心者．先誠其意．欲誠其意者．先致其知．致知在格物．物格而後知至．知至而後意誠．意誠而後心正．心正而 ...

車～你得閒問下Ｄ炒樓人士，有無做齊之前Ｄ野先去買樓丫。

抽刀斷水

原帖由 沙文 於 2007-8-2 10:33 發表
我要做齊人嘛，凈齊家有Q用咩？

回復 #8 抽刀斷水  的帖子
就係因為唔啱步驟，佢地齊家之後都治唔到國、平唔到天下咯......被耶教搞到天下大亂咯

嗯，等我正式回應你呢個問題。

根據《大學》，步驟上是對的，只是我們無法將人生的每個步驟都寫哂出黎做頭銜架嘛。如果係咁，咁唔通由出世、食奶、學行、學講野都要寫埋？

我假設左識得搵上黎離教者之家既人，都已具備甚麼正心誠意致知格物架囉，所以一開始已jump左去「初來報到」。

唔知咁既解釋，能否令師侄滿意？（ ←嘔血）

抽刀斷水

我又引下dye兄果句先：

原帖由 dye 於 2007-8-2 10:15 發表
沙文你有得「齊家」仲咁多投訴？

因為你做唔到齊人，因此無呢個頭銜。

抽刀斷水

「初來報到」改成「初到貴境」，比較文雅。

抽刀斷水

原帖由 沙文 於 2007-8-3 11:34 發表
「貴境」又緣何可以自稱呢？唔謙卑就不合儒家精神，該是「撥冗蒞臨」嘛

人地又未必一定有「冗」呢，咁樣監人乃後，唔通又合儒家精神咩？

不如搞笑Ｄ，叫「初嚐禁果」。

抽刀斷水

原帖由 Paul 於 2007-8-3 15:37 發表
"擅闖禁地" 啦不如(一有新會員入黎立即響警報)

作死你～

我諗到個幾好：遊子駐足

等大文豪沙文批核後就上市啦。

抽刀斷水

原帖由 酒井明 於 2007-8-3 21:54 發表
抽刀兄，講真呢......我可唔可以好似你咁，有一個類似[水更流]o既頭銜稱呼？我想要[文字暴走族]呀！幫下手，得嗎？

你入：控制面板→編輯個人資料→自定義頭銜

抽刀斷水

原帖由 酒井明 於 2007-8-4 17:12 發表
睇黎，我未有資格可以擁有[自定義頭銜]呢.......係咪要去到某個level先至有？去到邊個level呢？可以提示下嗎？

我已作了有關設定，你再試試現在可不可以？

抽刀斷水

原帖由 酒井明 於 2007-8-4 23:16 發表
係呀........我寫o左篇[不要對她說]，擺響[原創作品]o既欄目度呀，不過唔見你留言o既？你唔鐘意呀？你唔鐘意就講啦，我至多唔再寫呢類題材囉。

為免生活麻煩，我對感情事向來都總不會含糊，因此呢，呢篇我無乜共鳴，亦不知怎回應呢。

抽刀斷水

原帖由 羅公子 於 2007-8-13 13:41 發表
不如加多個  離教者之家 5000

哈哈，到差不多有人到達此帖數時再想吧。其實「天下一家」已經很厲害了。